Deterononm 12:12 - Labib An Kreol Seselwa

¹² Zot tou, zot ava rezouir devan SENYER, zot Bondye avek zot bann zanfan, zot bann fiy, zot bann serviter ek zot bann servant, avek bann levit ki reste dan zot lavil e ki napa okenn par dan zot patrimwann.

Deterononm 12:12 Iomraidhean Croise

1 Rwa 8:66

Wityenm zour, i ti fer lepep ale. Zot ti felisit lerwa e al se zot avek lazwa dan zot leker, pour tou sa ki SENYER in fer pour son serviter David ek son pep Izrael.

2 Kronik 29:36

Ezekyas ek tou bann Izraelit ti dan lazwa pour tou sa ki Bondye in fer pour son pep. Annefe, tousala ti deroul en sel kou an gran.

Nehemi 8:9

Gouverner Nehemi, pret e skrib Esdras, ek bann levit ki ti pe ansennyen, ti dir lepep antye, “Sa zour i sakre pour SENYER, zot Bondye. Pa bezwen port dey ni plere.” Annefe, lepep antye ti pe plere ler zot ti pe ekout parol lalwa.

Psonm 147:1

Loue SENYER! I bon sant louanz pour nou Bondye! I vreman gou pour loue li akoz i bon.

Levitik 23:40

Premye zour, zot ava pran bann meyer fri, bann brans palmye, bann brans kouver avek fey ek brans bann pye dibwa ki pous obor larivyer. Pandan set zour, zot ava selebre dan lazwa devan SENYER zot Bondye.

Nonm 18:20

SENYER ti dir Aaron: Ou pou napa par, ni patrimwann parmi pep Izrael. Mwan ki ou par e ou patrimwann parmi pep Izrael.

Nonm 18:26

Ou ava osi dir bann levit: Ler zot resevwar ladim ki SENYER in donn zot sorti kot pep Izrael, pran en dizyenm sa ladim e ofer SENYER.

Levanzil dapre Zan 13:8

Pyer ti dir li, “Senyer! Zanmen ou ava lav mon lipye.” Zezi ti reponn li, “Si mon pa lav ou lipye, ou pou napa okenn par avek mwan.”

Akt de Zapot 8:21

Ou napa okenn par, ni drwa dan sa travay, akoz ou pa onnet dan ou leker devan Bondye.

Deterononm 10:9

Pour sa rezon, Levi napa okenn par dan patrimwann son bann frer. SENYER ki son patrimwann parey SENYER, ou Bondye ti promet li.

Deterononm 12:18

Ou ava manz sa bann keksoz dan prezans SENYER, ou Bondye, la kot SENYER, ou Bondye ava swazir, ou, avek ou bann garson ou bann fiy, ou bann serviter ek ou bann servant, avek bann levit ki reste dan ou bann lavil. Dan prezans SENYER, ou Bondye, zot ava zouir ansanm pour tou son bann travay.

Deterononm 12:19

Veye ki osi lontan ki ou pe viv dan ou pei, ou pa negliz bann levit.

Deterononm 12:7

Zot ava manz la, dan prezans SENYER, zot Bondye, avek zot fanmir, avek zot bann serviter. Zot ava dan lazwa, akoz SENYER in beni zot dan tou sa ki zot in antreprann.

Deterononm 14:29

Alor, bann levit ki napa okenn par dan zot patrimwann, bann etranze ki reste kot ou, bann orfelen ek bann vev ki viv dan ou bann lavil, ava kapab vin manze ziska ki zot rasazye. Konmsa, SENYER, ou Bondye ava beni ou dan tou travay ki ou ava antreprann.

Deterononm 16:11

Avek ou bann garson, ou bann fiy, ou bann serviter, ou bann servant, bann levit ki reste dan ou bann lavil, bann etranze, bann orfelen ek bann vev ki viv parmi zot, ou ava fer lafet dan landrwa kot SENYER ava swazir pour fer reste prezans son non.

Deterononm 16:14

Pandan sa lafet, ou ava selebre, ou, avek ou bann garson, ou bann fiy, ou bann lesklav zonm oubyen fanm, ek bann levit, bann etranze, bann orfelen ek bann vev ki reste dan ou bann lavil.

Deterononm 18:6

Si en levit i deside kit enn ou bann lavil, kot i ti reste dan Izrael, pour al reste la kot SENYER ava swazir,

Deterononm 26:11

Apre, ou, avek bann levit ek bann etranze ki reste kot ou, zot ava selebre pour tou bann byenfe ki SENYER, ou Bondye in donn ou ek ou fanmir.

Deterononm 26:12

Trwazyenm lannen ki lannen ladim, ou ava pran par rezerve lo ou bann rekolt ki ou ava donn bann Levit, bann etranze, bann orfelen ek bann vev. Zot ava manze ziska ki zot ava rasazye dan bann lavil.

Deterononm 27:7

Ou ava osi ofer bann sakrifis lakominyon e manz bann lofrann e ou ava fer lafet devan SENYER, ou Bondye.

Zozye 13:14

Levi ti sel tribi ki pa ti ganny okenn par. Son par ti bann sakrifis konplet an loner SENYER, Bondye Izrael, parey SENYER li menm ti'n promet li.

Zozye 13:33

Me Moiz pa ti donn tribi Levi okenn par. Se SENYER Bondye Izrael ki ti zot porsyon patrimwann, parey i ti'n dir zot.

Zozye 14:4

Bann desandan Zozef ti form de tribi: Manase ek Efraim. Bann Levit pa ti ganny okenn par dan pei, me selman bann lavil pour zot reste, ek bann landrwa alantour, pour zot troupo ek zot bann byen.