Deterononm 12:11 - Labib An Kreol Seselwa

¹¹ Alor, zot ava anmenn kot SENYER, zot Bondye dan sa landrwa ki i ava'n swazir pour manifeste prezans son non, tou sa ki mon'n dir zot: Zot bann sakrifis konplet, zot bann sakrifis lape, zot bann ladim, zot bann donasyon, tou bann lofrann volonter ki zot ava ofer anver SENYER.

Deterononm 12:11 Iomraidhean Croise

1 Rwa 12:27

Si sa pep i kontinyen mont Zerizalenm pour ofer sakrifis dan tanp SENYER, leker sa pep pou retourn ver son sef, Roboanm lerwa pep Zida. Zot pou touy mwan, e zot ava retourn avek Roboanm, lerwa Zida.

1 Rwa 8:13

Mon'n konstri en gran rezidans pour ou, en landrwa kot ou ava reste pour touzour!

1 Rwa 8:16

Depi sa zour ki mon'n fer mon pep Izrael sorti Lezip, mon pa'n zanmen swazir en lavil parmi tou bann tribi Izrael kot pou konstri en lakaz ki port mon non; me mon'n swazir David pour fer li vin sef mon pep Izrael.

1 Rwa 8:29

Gard ou lizye ouver toultan, lizour koman aswar, lo sa lakaz, sa landrwa ki ou menm ou'n dir: Mon non pou reste la. Ekout lapriyer ki ou serviter i fer dan sa landrwa.

2 Rwa 18:22

Aprezan, ou ava dir: Nou'n met nou konfyans dan SENYER. Pourtan, ou menm Ezekyas ki ti detri bann landrwa sakre ek bann lotel. Ou ki ti ordonn Zida ek Zerizalenm: Ou ava ador SENYER devan sa lotel ki Zerizalenm.

1 Kronik 22:1

David ti dir: Sa landrwa ava vin lakaz SENYER Bondye; i ava lotel pour sakrifis konplet pour Izrael.

2 Kronik 6:20

Gard ou lizye ouver, e gard ou regar touzour fikse lo ou tanp, lizour koman aswar; ekout mon lapriyer, la kot ou'n dir ou pou touzour prezan.

2 Kronik 7:12

SENYER ti aparet avek Salomon pandan lannwit. I dir li: Mon'n antann ou lapriyer e mon swazir sa landrwa pour ofer sakrifis.

Esdras 6:12

Bondye ki'n etabli son non dan sa landrwa, ava fer tonbe tou lerwa, ek tou pep ki kas sa lord, e detri tanp Bondye ki Zerizalenm! Mwan, Dariis, mon donn sa lord. Pa tarde pour ki i ganny byen egzekite.

Psonm 100:2

Servi SENYER avek lazwa. Vin devan li avek bann kantik.

Psonm 116:17

Mon pou ofer en sakrifis remersiman e envok non SENYER.

Psonm 66:13

Mon pou antre dan ou sanktyer avek bann sakrifis konplet. Mon pou gard bann ve ki mon ti'n fer.

Psonm 78:68

me i ti swazir tribi Zida, montanny Siyon ki i kontan.

Egzod 25:8

Zot ava konstri en sanktyer pour mwan, e mon ava reste parmi zot.

Egzod 29:45

Mon pou reste parmi pep Izrael e mon pou vin zot Bondye.

Zeremi 7:12

Mon demann zot alor, al Silo, sa premye lavil ki mon ti swazir kot pour mwan ganny adore. Zot ava war sa ki mon'n fer avek li akoz mesanste Izrael, mon pep.

Levitik 17:4

si i pa prezant li devan Latant Rankont pour ofer SENYER sakrifis devan demer SENYER, i ava ganny konsidere koman koupab pour fer koule disan en et vivan. Sa zonm ava ganny rezete parmi son pep.

Deterononm 12:13

Fer atansyon ou pa ofer ou bann sakrifis konplet dan nenport ki landrwa, nenport ki kote,

Deterononm 12:14

me zis la kot SENYER ava swazir parmi enn ou bann tribi, la kot ou ava ofer ou bann sakrifis konplet. Se la osi kot ou ava fer tou sa ki mon ordonn ou.

Deterononm 12:18

Ou ava manz sa bann keksoz dan prezans SENYER, ou Bondye, la kot SENYER, ou Bondye ava swazir, ou, avek ou bann garson ou bann fiy, ou bann serviter ek ou bann servant, avek bann levit ki reste dan ou bann lavil. Dan prezans SENYER, ou Bondye, zot ava zouir ansanm pour tou son bann travay.

Deterononm 12:21

Si landrwa kot SENYER, ou Bondye ava swazir pour etabli son non i tro lwen avek ou landrwa reste, e ki parey mon'n ordonn ou fer, ou touy en zannimo parmi ou bann troupo parey SENYER in donn ou, alor, ou ava kapab manz sa lavyann kot ou, e kan ou anvi.

Deterononm 12:26

Me ou ava anmenn zis sa ki ou'n konsakre ek ou bann sakrifis volonter dan landrwa kot SENYER ava swazir.

Deterononm 12:5

Me zot ava rod sa landrwa ki SENYER, zot Bondye ava swazir parmi zot bann tribi, pour ki son non i reste prezan, partou kot zot ava ale.

Deterononm 14:23

Ou ava manz ladim ou dible, ou diven nouvo ek ou delwil, bann premye ne ou bann troupo, dan landrwa kot SENYER, ou Bondye ava swazir pour manifeste prezans son non. Konmsa, ou ava aprann ki mannyer ou pou annan respe pour SENYER, ou Bondye.

Deterononm 15:19

Ou ava konsakre pour SENYER, ou Bondye, tou zannimo mal premye ne parmi ou bann bef, mouton ek kabri. Parmi ou bann bef, ou pa pou fer son premye ne travay; ou pa pou koup lalenn premye ne parmi ou bann mouton.

Deterononm 15:20

Toulezan, ou ava manz li avek ou fanmir ek ou bann serviter devan SENYER, ou Bondye, dan landrwa kot SENYER ava'n swazir.

Deterononm 17:8

Si i tro difisil pour ou pran en desizyon dan en ka mert, oubyen kou avek blesir, oubyen en zafer drwa propriyete, oubyen bann zafer ki'n ganny prezante devan tribinal dan enn ou bann lavil, alor, ou ava toudswit al dan landrwa kot SENYER, ou Bondye ava swazir.

Deterononm 18:6

Si en levit i deside kit enn ou bann lavil, kot i ti reste dan Izrael, pour al reste la kot SENYER ava swazir,

Deterononm 23:16

I ava reste kot ou dan ou lantouraz, dan en landrwa ki i'n swazir dan nenport ou bann lavil, la kot i fer li plezir. Ou pa pou eksplwat li.

Deterononm 26:2

ou ava pran en pe bann premye fri ki later in prodwir, ki ou'n rekolte dan sa later ki SENYER, ou Bondye pou donn ou. Ou ava met sa bann fri dan en korbey. Ou ava al la kot SENYER, ou Bondye ava swazir koman en landrwa pour li reste.

Deterononm 31:11

kan pep Izrael ava vin devan SENYER, ou Bondye dan landrwa kot i ava'n swazir, ou ava lir tre for sa lalwa devan pep Izrael.

Zozye 18:1

Apre, lakominote Izraelit antye ti rasanble Silo, kot zot ti dres Latant Rankont. Zot ti pe kontrol pei antye.

Zozye 22:11

Bann Izraelit, ti aprann ki bann Ribenit, bann Gadit ek demi tribi Manase ti'n konstri lotel lo frontyer pei Kanaan dan rezyon pre avek larivyer Zourden, lo lot kote zot propriyete.

Zozye 22:16

“La sa ki tou lakominote SENYER i dir: Ki sa traizon ki zot in komet kont Bondye Izrael? Zot in tourn ledo avek SENYER e zot in konstri en lotel ozordi? Ozordi, zot in revolte kont SENYER.

Zozye 22:23

Si nou'n konstri en lotel pour nou detournen avek SENYER, oubyen si ti pour nou ofer bann sakrifis konplet, ek bann lofrann vezetal, oubyen pour ofer bann sakrifis lape, SENYER li menm ava demann nou kont.

Zozye 22:27

me pour servi temwen ant nou ek zot, e ant nou bann desandan. Par sa, zot ava konnen ki nou osi, nou pe servi SENYER, par nou bann sakrifis konplet, lezot sakrifis, bann sakrifis lape. Konmsa, demen, zot bann zanfan pa pou dir avek nou bann zanfan ki zot napa okenn par avek SENYER.

Zozye 22:29

Zanmen nou pou revolte kont SENYER. Pa ozordi ki nou pou detourn nou kont SENYER e konstri en lotel pour ofer bann sakrifis konplet, bann lofrann vezetal, ek lezot sakrifis, lo en lot lotel ki lotel SENYER, nou Bondye, sa enn ki devan son sanktyer.”

Zozye 9:27

I ti fer zot al koup dibwa e sarye delo pour lakominote e pour lotel SENYER, landrwa kot SENYER ava swazir, menm ziska ozordi.

1 Samyel 1:21

Plitar, Elkana avek son fanmir antye, ti mont Silo pour ofer SENYER son sakrifis parey son labitid toulezan e pour akonpli son ve.