Deterononm 12:10 - Labib An Kreol Seselwa

¹⁰ Kan zot ava travers larivyer Zourden e viv dan pei ki SENYER, zot Bondye pou donn zot, i ava gard zot anpe avek zot bann lennmi ki otour zot e zot ava viv an sekirite.

Deterononm 12:10 Iomraidhean Croise

1 Rwa 4:25

Bann zabitan Zida ek pep Izrael antye ti viv dan sekirite depi Dann ziska Berseba, sakenn anba son prop pye rezen ek son prop pye fig pandan renny Salomon antye.

1 Rwa 8:56

SENYER ki'n donn repo Izrael, son pep, dapre son promes i ganny beni. In realiz tou parol son promes ki i ti'n fer par lentermedyer Moiz son serviter.

1 Kronik 22:18

I ti dir, “SENYER, zot Bondye, pa i avek zot? Pa i'n donn zot trankilite dan tou kote? In livre bann zabitan sa pei dan mon lanmen e la aprezan zot soumet devan SENYER e devan son pep.

Psonm 4:8

Mon pou alonze e dormi anpe, akoz ou SENYER, ou gard mwan an sekirite.

Egzod 33:14

SENYER ti dir, “Mwan menm ki pou kondwir ou e mon pou donn ou mon repo.”

Proverb 1:33

Me sa enn ki ekout mwan, pou viv an sekirite, dan trankilite, san ki maler i fer li per.

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Zeremi 32:37

Mon pou rasanble zot depi tou bann pei kot mon ti'n dispers zot dan mon lakoler. Mon pou fer zot retourn isi kot zot ava viv an sekirite.

Zeremi 33:11

tapaz lafet, dimoun riye, bann zenn marye sante. Ou pou antann dimoun pe sante kan zot pe anmenn zot lofrann remersiman dan tanp SENYER: Loue SENYER liniver, akoz SENYER i bon, e son fidelite i pour touzour! Annefe, SENYER i deklare: Mon pou redonn sa pei son prosperite parey i ti ete avan.

Ezekyel 28:26

Zot ava viv dan sekirite. Zot ava konstri zot lakaz; plant rezen. Zot pou viv an sekirite ler mon egzekit mon zizman lo bann pep dan zalantour, ki'n mepriz zot. Alor, zot ava konnen ki mwan menm SENYER zot Bondye.

Ezekyel 34:25

Mon pou fer en lalyans lape avek zot e fer disparet tou zannimo feros dan sa pei. Konmsa zot ava kapab viv anpe dan dezer e dormi dan bwa an sekirite.

Ezekyel 34:28

Zot pou nepli viktim bann nasyon, ni ganny devore par bann zannimo sovaz. Zot ava viv an sekirite e personn pa pou fer zot per.

Ezekyel 38:11

Ou ava deside al atak en pei san defans, en pep ki pe viv trankil an sekirite; en bann lavil ki napa ni miray proteksyon, ni baro.

Ezekyel 38:8

Dan ankor en bon pe letan, ou pou ganny enstale dan ou plas. Plitar, mon pou donn ou lord pour atak pei avek en pep ki'n sape dan lager. Zot pou sorti parmi bann nasyon kot zot ti reste e rasanble lo bann montanny Izrael ki'n reste san zabitan depi lontan. Aprezan ki zot in sorti parmi sa bann nasyon, zot ava kapab viv an sekirite.

Deterononm 11:31

Kan zot ava travers larivyer Zourden pour al okip pei ki SENYER, zot Bondye pe al donn zot, e kan zot ava pran sa pei kot zot ava reste,

Deterononm 3:27

Mont lo latet montanny Pisga; get otour ou dan Was, dan Nor, dan Sid e dan Les. Ouver byen gran ou lizye e kontanple, me ou pa pou travers larivyer Zourden.

Deterononm 33:12

La sa ki Moiz ti dir konsernan tribi Benzamen: I sa enn ki SENYER in prefere. Avek li i repoz an sekirite. SENYER i protez li tou le zour, i repoz dan son lebra.

Deterononm 33:28

Konmsa, Izrael i viv an sekirite; sours Zakob i san traka dan en pei dible ek diven, kot lesyel i fer desann laroze.

Deterononm 4:22

Annefe, mon pou mor isi dan sa pei; mon pa pou travers larivyer Zourden. Me zot, zot pe al traverse pour pran posesyon sa bon pei.

Deterononm 9:1

Izrael, ekoute! Ozordi, ou pe al travers larivyer Zourden, pour sas bann nasyon ki pli gran, pli for ki ou, e pran posesyon bann gran lavil ki fortifye ziska dan lesyel.

Zozye 11:23

Alor, Zozye ti pran tou sa pei, parey SENYER ti'n ordonn Moiz. Zozye ti donn bann Izraelit sa pei, e diviz li an porsyon, par tribi. Alor pei ti trankil, san lager.

Zozye 14:1

La patrimwann ki pep Izrael ti resevwar dan pei Kanaan. Sa ti bann teritwar ki pret Eleazar, Zozye garson Noun ek sef fanmir dan sak tribi Izraelit ti partaze avek zot:

Zozye 3:17

Bann pret ki ti pe anmenn Kof Lalyans SENYER ti debout kot ti sek, dan milye larivyer Zourden, ziska ki nasyon antye ti'n fini travers larivyer Zourden.

Zozye 4:12

Bann zonm arme dan tribi Riben ek Gad, e demi tribi Manase ti pas devan pep Izrael, parey Moiz ti'n ordonn zot.

1 Samyel 7:12

Alor, Samyel ti pran en ros ki i ti plas ant Mispa ek Senn. I ti apel sa landrwa Eben-Ezer an dizan, “Ziska la, SENYER in sekour nou.”