Deterononm 10:2 - Labib An Kreol Seselwa

² Mon pour ekri bann parol ki ti lo bann premye plak ros ki ou ti kase; ou ava met zot dan sa kof.

Deterononm 10:2 Iomraidhean Croise

1 Rwa 8:9

Dan Kof Lalyans, ti annan zis sa de plak ros ki Moiz ti met ladan depi montanny Horeb, kot SENYER ti fer lalyans avek pep Izrael, ler zot ti sorti Lezip.

2 Kronik 5:10

Dan Kof Lalyans, ti annan zis sa de plak ros lalwa ki Moiz ti met ladan, lo montanny Horeb, kot SENYER ti fer en lalyans avek pep Izrael, apre ki zot ti'n sorti Lezip.

Egzod 32:19

Ler i ti apros kan, i ti war sa pti toro e lepep ki ti pe danse. Alor, lakoler Moiz ti monte. I ti zet ater sa de plak ros komannman e kraz zot anba, devan montanny.

Egzod 34:1

SENYER ti ordonn Moiz: Koup de plak ros parey sa de avan. Mon pou ekri lo zot, menm parol ki ti lo bann premye plak ki ou ti kase.

Egzod 40:20

Moiz ti pran plak ros lalyans e met dan Kof Lalyans; i ti met bann bar lo Kof e plas kouvertir lo Kof Lalyans.

Deterononm 10:5

Alor, mon ti vire e desann montanny. Mon ti met sa de plak ros dan kof ki mon ti'n fer. Zot ti reste la, parey SENYER ti'n ordonn mwan.

Deterononm 4:13

I ti fer proklanm son lalyans ki i ti demann zot obzerve, setadir, son dis komannman ki i ti ekri lo de plak ros.

Ebre 9:4

La, ti annan lotel annor kot ti bril lansan, ek Kof lalyans ki ti kouver antye avek lor. Ladan, ti annan en resipyan annor kot ti annan lamann, baton Aaron ki ti'n fleri, ek sa de plak ros kot lalyans in grave.