Deterononm 1:44 - Labib An Kreol Seselwa

⁴⁴ Bann Amorit ki ti viv dan sa bann montanny ti atak zot e fer zot fannen parey mous dimyel, depi Seir, ziska Horma.

Deterononm 1:44 Iomraidhean Croise

Psonm 118:12

Zot ti antour mwan parey mous dimyel. Me zot ti tennyen parey en dife zerb sek; lo non SENYER, mon ti demont zot.

Ezai 7:18

Sa zour, SENYER pou soufle lo ou pour fer vini bann mous sorti Lezip dan lanbousir larivyer Nil, ek mous dimyel sorti Asiri.

Nonm 14:45

Alor, bann Amalesit ek bann Kananeen ki ti pe reste dan sa bann montanny ti atak zot. Zot ti ganny bate e ganny masakre. Zot ti sov ziska Horma.

Nonm 21:3

SENYER ti antann zot e i ti livre bann Kananeen dan lanmen bann Izraelit ki ti detri zot konpletman avek zot bann lavil. Zot ti apel sa landrwa Horma, savedir Destriksyon.

Deterononm 28:25

SENYER pou donn laviktwar ou bann lennmi; ou ava atak zot lo en kote e ou ava sov par set kote. Ou ava vin en size ki fer per tou bann rwayonm lo later.

Deterononm 32:30

Ki mannyer en zonm tousel i kapab atak mil, de zonm pa kapab fer taye dis mil, si zot Ros protekter pa ti'n vann zot e SENYER pa ti'n livre zot dan pouvwar lennmi?

Zozye 7:5

Bann zonm Ai ti touy anviron 36 Izraelit. Zot ti pourswiv zot depi laport lavil ziska Sebarim, e bat zot an desandan. Bann Izraelit ti perdi kouraz, zot leker ti fonn.