Deterononm 1:4 - Labib An Kreol Seselwa

⁴ Moiz ti'n fek ganny laviktwar lo Sihonn, lerwa bann Amorit ki ti pe reste Hesbonn, ek Og, lerwa Basann, ki ti reste Astarot ek Edrei.

Deterononm 1:4 Iomraidhean Croise

Zenez 14:5

Katorzyenm lannen, Kedorlaomer ti fer en kanpanny lager ansanm avek bann lerwa ki ti alye avek li. I ti bat bann Refait, Asterot-Karnaim, bann Zouzit, dan lavil Hanm, bann Emit, dan laplenn Kiryataim.

Nehemi 9:22

Ou ti donn zot bann rwayonm e livre zot, bann pep; ou ti donn zot bann teritwar vwazen. Konmsa, zot ti pran posesyon pei bann lerwa Sionn, Hesbonn e pei Og, lerwa Basann.

Psonm 135:11

Sihonn, lerwa bann Amorit, Og, lerwa Basann e tou bann lerwa Kanaan.

Deterononm 1:5

Ler i ti ankor lot kote larivyer Zourden, dan pei Moab, Moiz ti deside eksplik sa bann lalwa. La sa ki i ti dir zot:

Deterononm 2:26

Dan dezer Kedemot, mon ti anvoy kot Sihonn, lerwa Hesbonn, bann mesaze avek bann parol lape:

Deterononm 3:1

Answit, nou ti remont par semen Basann. Og, lerwa Basann ti atak nou avek tou son pep dan Edrei.

Deterononm 3:6

Nou ti detri zot konpletman, parey nou ti fer avek Sihonn, lerwa Hesbonn. Dan sak lavil, nou ti detri zonm, fanm ek zanfan.

Deterononm 4:47

Zot ti pran posesyon son pei ek pei Og, lerwa Basann. Sa ti de lerwa bann Amorit ki ti rennyen lo kote Les larivyer Zourden.