Zozye 10:11 - Labib An Kreol Seselwa

¹¹ Pandan ki bann Amorit ti pe sov bann Izraelit dan desant Bet-Horonn, SENYER ti fer tonm lo zot depi lesyel, lagrel parey bann gro ros, tou dilon, ziska Aseka. Plis zonm ti mor par lagrel ki par lepe bann Izraelit.

Zozye 10:11 Iomraidhean Croise

Zenez 19:24

Alor, SENYER ti anvoy lo Sodonm ek Gomor en lapli dife ek souf ki ti sorti kot SENYER, dan lesyel.

2 Samyel 18:8

Batay ti fann dan pei antye. Ti annan plis dimoun ki ti perdi zot lavi dan lafore ki dan konba.

Liv Zob 38:22

Eski ou'n deza antre kot lannez i ganny met an rezerv? Oubyen, eski ou'n deza war rezervwar lagrel?

Liv Zob 38:23

Mon'n gard zot pour letan maler, pour bann zour konba ek lager.

Psonm 11:6

I pou fer tonm en lapli labrez sarbon ek souf lo bann malfeter. I pou soufle en divan tanpet.

Psonm 147:17

I fer lagrel tonbe parey gravye; personn pa kapab tenir son lafreser.

Ezai 28:2

En zonm ki for e pwisan pe vini pour SENYER. I parey en lapli lagrel, en tanpet devastater; parey en gro tanpet ki fer larivyer deborde. Avek lafors son lanmen, i pou balans tou lo later.

Ezai 28:21

Akoz SENYER pou leve parey lo montanny Perazim, i pou pran lakoler parey dan vale Gabaon, pour li fer son travay, en drol kalite travay! E pour fini sa travay, en travay ekstraordiner!

Ezai 30:30

Alor, SENYER ava fer tande son lavwa pwisan. I pou montre lafors son lebra ki fer fraka ler i desann dan en dife ki devor tou avek son laflanm avek en tanpet lapli ek lagrel.

Ezekyel 13:11

Dir sa bann profet ki zis blansi miray: Miray pou tonbe! En gro lapli pe vini; lagrel pou tonbe e en tanpet pou kraz tou!

Deterononm 20:4

akoz SENYER, zot Bondye i avek zot pour konbat bann lennmi e donn zot laviktwar.

Revelasyon 11:19

Alor, Tanp Bondye dan lesyel ti ouver, e Kof Lalyans ti aparet dan son Tanp. Ti annan zekler, tapaz en bann lavwa, en seri loraz, tranblemandter ek gro lagrel.

Revelasyon 16:21

Bann gro lagrel ki pez ziska 40 kilo ti sorti dan lesyel e tonm lo dimoun. Sa bann dimoun ti ensilte Bondye pour sa fleo lagrel ki ti vreman terib.

Ziz 5:20

Bann zetwal dan lesyel ti konbat; depi zot larout, zot in konbat kont Sisera.