Deterononm 7:9 - Labib An Kreol Seselwa

⁹ Aprezan, rekonnet: SENYER, ou Bondye i sel Bondye. Li menm sa vre Bondye fidel dan son lalyans avek sa bann ki kontan li e ki gard son komannman, ziska mil zenerasyon.

Deterononm 7:9 Iomraidhean Croise

Zenez 17:7

“Mon pou etabli mon lalyans ant mwan ek ou e avek ou desandans apre ou, atraver tou zot zenerasyon. Sa lalyans ava dire pour touzour. Mon pou vin ou Bondye e Bondye tou ou desandans apre ou.

Zenez 28:15

Mon pou avek ou, mon pou protez ou e fer ou retourn isi. Mon pa pou kit ou ziska ki mon'n fer sa ki mon'n promet ou.”

Zenez 9:15

Mon pou rapel lalyans ki mon'n fer ant mwan ek zot, e avek tou bann et vivan, ki delo pa pou zanmen vin en deliz pour detri tou bann et vivan lo later ankor.

1 Rwa 8:23

I ti dir: SENYER, Bondye pep Izrael, napa okenn Bondye parey ou, dan lesyel lao, ni anba lo later. Ou gard ou lalyans ek ou fidelite anver ou bann serviter ki mars devan ou avek tou zot leker.

1 Kronik 16:15

Rapel ki son lalyans pour touzour, son parol ki i'n donnen pour mil zenerasyon;

2 Kronik 6:14

I ti priye: SENYER Bondye pep Izrael! Napa okenn lot bondye, ni dan lesyel, ni lo later, parey ou. Ou gard ou lalyans, ou fidel anver ou bann serviter ki obei ou avek tou zot leker.

Nehemi 1:5

Mon ti dir, “SENYER, Bondye ki dan lesyel, Bondye gran e terib! Ou gard ou lalyans e ou fidel anver tou bann ki kontan ou e ki gard ou bann komannman.

Nehemi 9:32

Aprezan, nou Bondye, Bondye ki gran, pwisan e ki merit respe; ou ki gard ou lalyans e montre ou fidelite pran kont sa maler ki'n tap nou, nou bann lerwa, nou bann sef, nou bann pret, nou bann profet, nou bann zanset, ek tou ou pep, depi lepok bann lerwa Asiri, ziska ozordi.

Psonm 103:18

anver sa enn ki gard son lalyans e ki pa oubliye obei son bann komannman.

Psonm 105:8

I pa oubliy son lalyans pour touzour, son parol ki i'n donnen pour mil zenerasyon;

Psonm 119:75

Mon konnen SENYER, ki ou bann zizman i zis e ou'n byen fer imilye mwan.

Psonm 146:6

I'n fer lesyel, later, lanmer ek tou sa ki egziste. I tenir son promes pour touzour.

Psonm 36:6

Ou lazistis i depas bann montanny; ou bann zizman i desann ziska dan profonder lanmer. SENYER! Ou sov bann et imen ek bann zannimo.

Egzod 20:6

Me mon pou montre mon fidelite ziska mil zenerasyon, anver bann ki kontan mwan e ki gard mon bann komannman.

Ezai 49:7

La sa ki SENYER i deklare, Sover Izrael, son Bondye ki Sen, avek sa enn ki ganny meprize, deteste par bann nasyon, lesklav bann dirizan: Ler bann lerwa ava war ou, zot ava debout e bann sef ava prosternen lafas ater. Sa pou arive akoz SENYER i fidel e Sen Izrael, in swazir ou.

Zeremi 32:18

Ou ti montre ou fidelite anver plizyer zenerasyon. Me ou osi pini zanfan pour pese ki zot paran e zot gran paran i fer. Ou menm Bondye ki gran e for; ou menm ki nou apel SENYER liniver.

Lamantasyon 3:23

Tou le bomaten, son lanmour i nef! Ou fidelite i gran.

Danyel 9:4

Mon ti priy SENYER, mon Bondye, e mon ti fer sa konfesyon: Senyer, Bondye gran e terib! Ou ki gard ou lalyans ek ou fidelite anver bann ki kontan ou e ki gard ou bann komannman!

Nonm 14:18

Mwan SENYER, mon pasyan, ranpli avek labonte ek fidelite, ki pardonn fot ek pese. Me mon pa fer koupab pas pou inosan. Mon azir kont sa enn ki'n komet pese e kont son bann desandan, ziska trwazyenm e menm katriyenm zenerasyon.

Romen 8:28

Nou konnen ki Bondye i fer tou pour byennet tou bann ki kontan li, pour tou sa bann ki i'n swazir dapre son plan.

1 Korentyen 1:9

Bondye i fidel dan son promes; li menm sa Bondye ki'n apel zot pour viv dan lakominyon avek son Garson Zezi-Kri, nou Senyer.

1 Korentyen 10:3

Zot tou, zot ti manz menm nouritir spirityel;

1 Korentyen 8:3

Me sa enn ki kontan Bondye, Bondye i konn li.

2 Korentyen 1:18

Bondye i temwen: Sa ki mon'n anons zot i pa wi ek non.

Deterononm 32:39

Aprezan, gete! Mwan menm mwan, zis mwan ki la; napa en lot bondye apar mwan. Mwan ki donn lanmor e ki donn lavi. Mwan ki blese e ki geri. Personn pa kapab delivre sa enn ki dan mon lanmen.

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.

Deterononm 4:35

In montre ou tousala, pour ki ou rekonnet ki SENYER i Bondye; ki napa okenn lot bondye apard li.

Deterononm 4:39

Ozordi alor, rekonnet e medit dan ou leker ki SENYER i Bondye lao dan lesyel e anba lo later, e ki napa okenn lot bondye apard li.

Deterononm 5:10

Me mon montre mon fidelite ziska mil zenerasyon, anver sa bann ki kontan mwan e ki gard mon bann komannman.

1 Tesalonisyen 5:24

Sa enn ki'n apel zot, i fidel: I pou fer li.

2 Tesalonisyen 3:3

Me Senyer i fidel. I pou fortifye zot e prezerv zot kont sa enn ki move.

2 Timote 2:13

Si nou pa fidel, li i pou reste fidel, akoz i pa kapab kontredir son prop lekor.

Let Pol pour bann Tit 1:2

dan lesperans lavi eternel. Bondye ki pa zanmen manti, ti promet nou sa lavi avan konmansman letan;

Ebre 10:23

Annou tenir ferm nou lesperans, akoz sa enn ki'n fer sa promes i fidel.

Ebre 11:11

Par lafwa, Sara osi, menm si i ti byen aze, ti ganny pouvwar fer zanfan, akoz i ti krwar ki Bondye ki'n fer sa promes, pou osi realiz li.

Ebre 6:18

Donk, sa de aksyon pa kapab zanmen sanze: Bondye pa kapab manti. Alor, nou ki'n kit tou, nou'n trouv dan li sa lasirans ek en gran lankourazman pour sezi sa lesperans ki i'n propoz nou.

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

1 Zan 1:9

Si nou konfes nou pese, Bondye ki fidel e zis, pou pardonn nou nou pese e pirifye nou kont tou lenzistis.

Ziz 2:1

Mesaze SENYER ti monte sorti Gilgal e al Bokim. I ti dir, “Mon ti fer zot monte depi Lezip e mon'n fer zot antre dan sa pei ki mon ti'n promet par serman avek zot bann zanset. Mon ti dir: Zanmen mon pou kas mon lalyans avek zot.

Ziz 5:31

SENYER! Fer ou bann lennmi disparet parey. Fer ou bann zanmi vin parey soley ler i leve dan tou son pwisans. E pei ti dan lape pandan 40 an.