Deterononm 7:8 - Labib An Kreol Seselwa

⁸ Sa ti akoz SENYER in kontan ou. Akoz in gard serman ki i ti fer avek ou bann zanset, ki SENYER, par son pwisans, ti tir ou e sov ou dan lesklavaz, dan lanmen Faraon, lerwa Lezip.

Deterononm 7:8 Iomraidhean Croise

Zenez 19:16

Lot ti ezite. Alor, sa bann zonm ti atrap Lot, son fanm ek son de fiy par lebra e anmenn zot an deor lavil, akoz SENYER ti pran pitye pour li.

Zenez 19:29

Letan Bondye ti detri bann lavil dan sa rezyon, i ti mazin Abrahanm. I ti sov Lot dan maler destriksyon sa bann lavil kot i ti reste.

2 Samyel 22:20

In tir mwan dan danze, in liber mwan; in sov mwan, akoz i kontan mwan.

1 Rwa 10:9

Loue SENYER, ou Bondye ki'n swazir ou e plas ou lo tronn Izrael! Akoz SENYER i kontan Izrael pour touzour; i'n etabli ou lerwa, pour ki ou azir dapre ladrwatir ek lazistis.”

1 Kronik 16:16

Son lalyans ki i ti fer avek Abrahanm, son serman ki i ti fer avek Izaak.

2 Kronik 9:8

Loue SENYER ou Bondye, ki'n fer ou en gran faver, pour plas ou lo son tronn koman lerwa pour SENYER, ou Bondye. Ou Bondye i kontan Izrael, e i oule etabli li pour touzour. I'n plas ou koman lerwa lo zot pour gouvern avek drwatir e aplik lazistis.

Psonm 105:42

I pa oubliy son promes sakre ki i ti'n fer avek son serviter Abrahanm.

Psonm 44:3

Pa avek zot lepe ki zot ti ganny sa pei; pa avek zot lafors, ki zot ti ganny laviktwar. Me par ou lanmen, par ou lafors, par lalimyer ou prezans, akoz ou ti kontan zot.

Psonm 44:4

Mon Bondye! Ou ki mon lerwa. Donn laviktwar Zakob.

Egzod 13:14

Alavenir, kan ou garson ava demann ou: Ki savedir sa? Ou ava reponn li: Par son pwisans, SENYER ti delivre nou dan lesklavaz Lezip.

Egzod 13:3

Moiz ti dir lepep: Mazin byen sa zour kan zot ti sorti Lezip, kot zot ti dan lesklavaz. Par lafors son lanmen ki SENYER ti fer zot sorti Lezip. Zot pa devre manz okenn dipen avek lelven.

Egzod 20:2

Mwan menm SENYER ou Bondye, ki ti delivre ou Lezip dan lesklavaz.

Egzod 32:13

Mazin Abrahanm, Izaak ek Izrael, ou bann serviter avek ki ou menm, ou ti fer en serman: Mon pou ogmant zot desandans parey zetwal dan lesyel; mon pou donn zot sa pei ki mon'n promet zot desandans pour touzour.”

Egzod 6:6

Alor, dir bann Izraelit: Mwan menm SENYER, mon pou tir zot anba latas bann Ezipsyen e mon pou delivre zot anba lesklavaz ki zot pe sibir. Par mon pwisans, par mon bann gran zizman, mon pou liber zot.

Ezai 43:4

Ou annan gran valer pour mwan. Ou presye pour mwan e mon kontan ou. Pour sa rezon, mon donn bann pep dan ou plas e bann nasyon an retour pour ou lavi.

Ezai 63:9

dan tou zot detres. Zot pa ti ganny sove par en mesaze, ni par en lanz; me SENYER li menm ki ti delivre zot. Dan son lanmour ek son konpasyon i ti delivre zot; tou dilon, dan lepase, i ti avek zot, i ti soutenir zot.

Zeremi 31:3

Depi dan lwen, SENYER ti aparet avek mwan. Mon kontan ou depi touzour e pour touzour. Pour sa rezon, mon'n reste fidel anver ou.

Ezekyel 36:22

Pour sa rezon, dir pep Izrael: La sa ki Senyer BONDYE i deklare: Pa akoz zot, ki mon'n azir konmsa, me akoz mon non sen ki zot in bafwe parmi bann nasyon partou kot zot in ale.

Mise 6:4

Mon'n fer ou monte sorti Lezip. Mon'n delivre ou dan lesklavaz. Mon'n donn ou koman sef Moiz, Aaron ek Mirianm.

Mise 7:20

Ou pou montre ou fidelite anver Zakob e ou lanmitye anver Abrahanm, avek ki otrefwa, par en serman, ou ti promet nou bann zanset.

Sofoni 3:17

SENYER, ou Bondye i la avek ou, koman en gerye ki donn laviktwar. I dan gran lazwa akoz ou. Dan son lanmour, i pou donn ou en nouvo lavi; dan lazwa, i selebre akoz ou.

Malasi 1:2

SENYER ti dir avek son pep Izrael, “Mon'n kontan ou.” Me Izrael ti reponn, “Ki mannyer ou'n montre ki ou kontan nou?” SENYER ti reponn zot, “Ezai ek Zakob, pa zot de frer? Pourtan mon'n kontan Zakob,

Matye 11:26

Wi, Papa! Sanmenm sa ki fer ou plezir.

Levanzil dapre Lik 1:55

parey i ti promet nou zanset Abrahanm ek son desandans pour touzour.

Romen 11:28

Bann Zwif in vin lennmi Bondye akoz zot ti refiz Bonn Nouvel. Sa in tourn pour zot byen. Me si ou konsider swa ki Bondye in fer, bann Zwif in touzour zanmi Bondye, akoz zot bann zanset.

Deterononm 1:8

La, mon met sa pei devan zot; ale e pran posesyon sa pei ki SENYER in promet zot bann zanset, Abrahanm, Izaak ek Zakob ek zot bann desandans apre zot.

Deterononm 10:15

Lontan, SENYER ti atase zis avek ou bann zanset. Me ozordi, se zot ki i'n swazir koman son bann desandan, parmi tou lezot pep.

Deterononm 23:6

Tan ki ou vivan, pa zanmen pran ka pour zot byennet ni pour zot prosperite.

Deterononm 33:3

Annefe, i ti kontan bann pep. Tou son pep sen ki i proteze, ti prostern devan ou e aksepte ou bann lenstriksyon.

Deterononm 4:20

Me zot, SENYER in swazir zot. I'n fer zot sorti Lezip, dan sa four kot feray i fonn, pour fer zot vin son pep, son posesyon. Se sa, ki zot ete aprezan.

Deterononm 4:34

Eski i annan en bondye ki'n deza esey swazir en nasyon pour li, parmi lezot nasyon, par bann leprev, bann siny, bann mervey ek bann lager; avek son pouvwar ek son lafors e par bann aksyon gran e ekstraordiner? Non, me SENYER, zot Bondye in fer zot dan lesklavaz Lezip, parey zot in war avek zot prop lizye

Deterononm 4:37

SENYER ti kontan ou bann zanset. Pour sa rezon, ki i'n swazir zot bann desandan e par son prezans ek son pwisans, i ti fer zot sorti Lezip.

Deterononm 5:6

Mwan menm SENYER, ou Bondye ki ti fer ou sorti dan Lezip kot ou ti lesklav.

1 Zan 4:19

Nou, nou kontan, akoz Bondye in kontan nou an premye.

1 Samyel 12:22

SENYER pa pou abandonn son pep, akoz son non i gran; SENYER in deside fer zot vin son pep.