Deterononm 7:6 - Labib An Kreol Seselwa

⁶ Ou en pep sen, konsakre pour SENYER, ou Bondye. SENYER, ou Bondye in swazir ou parmi tou bann pep lo later pour fer ou vin son pep.

Deterononm 7:6 Iomraidhean Croise

1 Rwa 3:8

Mon trouv mwan koman sef sa pep ki ou'n swazir, sa pep telman gran ki pa kapab ganny konte.

Esdras 9:2

Zot bann zanfan in marye avek bann zanfan sa bann pep, de sort ki zot in melanz pep Bondye avek bann zabitan sa pei. Bann sef ek bann mazistra ki ti parmi bann premye pour komet sa lenfidelite.

Psonm 114:2

Zida ti vin sanktyer Bondye, Izrael son propriyete.

Psonm 135:4

Annefe, SENYER in swazir Zakob zis pour li, Izrael koman son byen personnel.

Psonm 50:5

Rasanble mon bann fidel ki'n fer en lalyans avek mwan par en sakrifis!

Egzod 6:7

Mon pou fer zot vin mon pep, e mon pou vin zot Bondye, pour ki zot konnen ki se mwan menm SENYER, zot Bondye ki'n fer zot sorti anba latas bann Ezipsyen.

Ezai 41:8

Me ou, Izrael, mon serviter, Zakob ki mon'n swazir; desandans Abrahanm, mon zanmi;

Ezai 41:9

mon'n ranmenn ou depi dan bout later mon'n apel ou depi bann kwen pli elwannyen. Avek ou ki mon ti dir: Ou menm mon serviter! Mon'n swazir ou e mon pa'n rezet ou!

Ezai 6:13

Si i reste ankor en dizyenm zabitan, li osi, i pou ganny brile. Me, parey en pye dibwa ki son siko i reste ler in ganny koupe, en desandans sen pou bourzonnen, sorti dan sa siko.

Ezai 62:12

Zot pou ganny apele Pep Sen, Pep ki SENYER in libere. Ou pou ganny apele Mon Dezir, Lavil Swazi.

Zeremi 2:3

Izrael! Dan sa letan, ou ti zis pour mwan. Ou ti sakre pour mwan, parey premye prodwi mon rekolt. Sa enn ki ti rod zafer avek ou, mon ti fer li soufer; maler ti tonm lo li. SENYER ki deklare.

Ezekyel 20:5

Dir zot: La sa ki Senyer BONDYE i deklare: Zour mon ti swazir pep Izrael, mon ti fer en serman avek bann desandan Zakob. Mon ti fer zot konn mwan Lezip; mon ti fer en serman; lanmen leve, mon ti dir: Mwan menm SENYER zot Bondye.

Levitik 20:24

Mon ti dir zot: Zot pou erit zot later; mwan ki pou fer zot pran posesyon; sa i en pei kot dile ek dimyel i koule annabondans. Mwan menm zot Bondye ki'n separ zot avek bann pep.

Levitik 20:26

Zot ava sen pour mwan, akoz mwan SENYER mon sen e mon'n separ zot avek lezot pep pour zot vin pour mwan.

Amos 3:2

Parmi tou bann nasyon ki peple later, ou ki mon'n swazir. Pour sa rezon, mon pou fer ou rann kont tou ou bann krim.

Malasi 3:17

Sa zour ki mon'n prepare pour azir, mon pou fer zot vin mon trezor, mon pep spesyal, SENYER liniver ti deklare. Mon pou montre mon bonte anver zot, parey bann paran ki kontan zot zanfan ki obeisan.

Akt de Zapot 13:17

Bondye pep Izrael, ti swazir nou bann zanset. I ti fer sa pep vin en gran nasyon pandan letan ki zot ti pe viv Lezip. Par pwisans son lebra, i ti delivre zot dan pei Lezip.

Romen 9:4

Zot fer parti pep Izrael: Bondye in fer zot vin son bann zanfan. In akord zot prezans son mazeste, bann lalyans, Lalwa, vre ladorasyon, bann promes.

Deterononm 14:2

Ou en pep sen pour SENYER, ou Bondye. Ou ki SENYER in swazir parmi tou bann pep lo later pour vin son pep e son posesyon.

Deterononm 14:21

Ou pa pou manz okenn zannimo mor; ou ava donn bann etranze ki reste dan ou lavil, pour manze; ou ava osi kapab vann zot avek en etranze. Me ou, ou en pep sen pour SENYER, ou Bondye. Ou pa pou kwi en pti kabri dan dile son manman.

Deterononm 26:18

Ozordi, SENYER in fer ou promet pour ou vin son pep parey i ti dir ou; ou ava obzerv tou son bann komannman.

Deterononm 26:19

Konmsa, i ava fer ou vin pli gran nasyon ki i'n kree, dan ou repitasyon e dan ou loner. Konmsa, ou ava en pep sen pour SENYER, ou Bondye, parey in promet.

Deterononm 28:9

SENYER ava etabli ou koman son pep sen, parey in fer serman avek ou, si ou gard bann komannman SENYER, ou Bondye e swiv son volonte.

Deterononm 33:3

Annefe, i ti kontan bann pep. Tou son pep sen ki i proteze, ti prostern devan ou e aksepte ou bann lenstriksyon.

Deterononm 4:20

Me zot, SENYER in swazir zot. I'n fer zot sorti Lezip, dan sa four kot feray i fonn, pour fer zot vin son pep, son posesyon. Se sa, ki zot ete aprezan.

Deterononm 4:37

SENYER ti kontan ou bann zanset. Pour sa rezon, ki i'n swazir zot bann desandan e par son prezans ek son pwisans, i ti fer zot sorti Lezip.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

2 Pyer 2:5

Bondye pa'n eparny lemonn ansyen, me i ti anvoy deliz lo son bann move zabitan. I ti prezerv lavi wit dimoun ansanm avek Noe, ki ti proklanm lazistis.

2 Pyer 2:9

Sa i montre ki Senyer i konnen ki mannyer i pou delivre dimoun ki atase avek li kan zot dan difikilte, e gard bann malfeter pour pinisyon zour zizman.

1 Samyel 12:22

SENYER pa pou abandonn son pep, akoz son non i gran; SENYER in deside fer zot vin son pep.