Deterononm 6:7 - Labib An Kreol Seselwa

⁷ Ou ava ansenny zot avek ou bann zanfan. Ou ava koz lo zot ler ou dan lakour, ler ou pe marse lo semen, ler ou pe al dormi e ler ou reveye.

Deterononm 6:7 Iomraidhean Croise

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

Liv Zob 8:10

Zot, zot ava kapab ansenny ou. Dan zot leksperyans, zot pou tir sa bann parol lasazes:

Psonm 119:13

Mon labous i repet tou bann desizyon ki ou prononse.

Psonm 119:46

Mon pa pou onte fer konnen ou bann lord devan bann lerwa.

Psonm 129:8

Bann pasan pa dir zot: SENYER ava beni ou! Nou beni ou, lo non SENYER!

Psonm 37:30

Dan labous bann zis, i sorti parol lasazes e parol drwat.

Psonm 71:17

Mon Bondye! Depi mon ti ankor zenn, ou'n ansenny mwan. Mon ankor pe proklanm bann mervey ki ou'n fer.

Proverb 10:21

Parol sa enn ki zis i nouri en lafoul; me bann fou i mor akoz zot latet i vid.

Proverb 15:2

Parol en saz i ogmant konnesans; me labous en fou i repann lafoli.

Proverb 15:7

Labous sa enn ki saz i senm konnesans; me leker sa enn ki bet pa vo nanryen.

Proverb 6:22

Zot ava gid ou lo ou semen, zot ava vey lo ou ler ou ava pe dormi e koz avek ou ler ou ava leve.

Ezai 38:19

Zis dimoun vivan, sa ki vreman vivan, ki kapab loue ou parey mon pe fer. Se bann paran ki fer zot zanfan konn ou fidelite.

Malasi 3:16

Alor, bann ki ti annan respe anver SENYER ti koz ant zot. SENYER ti ekout zot e antann zot. I ti fer ekri dan en liv souvenir devan li, konsernan tou sa bann ki ti annan respe anver SENYER e onor li.

Matye 12:35

En bon dimoun i tir bann bon keksoz dan son bon trezor. En move dimoun i tir bann move keksoz dan son move trezor.

Levanzil dapre Lik 6:45

En zonm ki bon, i tir dibyen dan kof son bon leker. Tandis ki en zonm ki pa bon, i tir dimal dan kof son move leker. Annefe, sa ki labous i dir, i sa ki deborde dan leker.”

Efezyen 4:29

Pa les bann move parol sorti dan zot labous; me koz zis bann parol itil ki kapab ed lezot pour progrese dan lafwa e kan i neseser, pour fer dibyen sa enn ki ekout ou.

Efezyen 6:4

Zot, bann papa! Pa eksit lakoler zot zanfan; me o kontrer, elve zot dan en ledikasyon ek disiplin enspire par Senyer.

Deterononm 11:19

Ou ava ansenny zot ou bann zanfan; ou ava koz lo zot ler ou dan lakour, ler ou pe marse lo semen, ler ou pe al dormi e ler ou leve.

Deterononm 6:2

Konmsa, zot, zot bann zanfan ek zot bann pti zanfan, ava annan respe pour SENYER, zot Bondye tou le zour zot lavi. Zot ava gard tou son bann regleman ek son bann komannman ki mon pe donn zot, pour ki zot viv lontan.

Kolosyen 4:6

Veye ki zot parol i touzour agreab e enteresan, pour zot kapab donn bann repons valab tou dimoun.

1 Pyer 3:15

Me dan zot leker, rann glwar Kris koman zot Senyer. Zot devre touzour pare pour reponn bann ki demann zot leksplikasyon konsernan lesperans ki dan zot.

Rit 2:12

SENYER ava rekonpans ou pour tou sa ki ou fer. Ou'n vin plas ou anba proteksyon SENYER, Bondye Izrael. I pou rekonpans ou plennman.”

Rit 2:4

Plitar, Boaz ti arive sorti Betlehenm e i ti dir avek bann travayer, “SENYER i avek zot!” Zot ti reponn, “SENYER ava beni ou.”

Rit 4:11

Apre, tou bann dimoun ki ti kot baro, ek bann sef lavil, ti reponn, “Wi! Nou temwen. SENYER i ava fer sa fanm, vin parey Rasel ek Lea, ki ansanm zot ti fer sa pep ki desandans Izrael. Ou ava vin ris dan Efrata e renonmen dan Betlehenm.