Deterononm 6:2 - Labib An Kreol Seselwa

² Konmsa, zot, zot bann zanfan ek zot bann pti zanfan, ava annan respe pour SENYER, zot Bondye tou le zour zot lavi. Zot ava gard tou son bann regleman ek son bann komannman ki mon pe donn zot, pour ki zot viv lontan.

Deterononm 6:2 Iomraidhean Croise

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

Zenez 22:12

Lanz SENYER ti dir, “Pa fer nanryen sa garson, pa fer li okenn dimal. Aprezan, mon konnen ki ou annan respe pour Bondye, e ki ou pa'n refize ofer mwan ou garson, ou sel garson.”

1 Rwa 8:40

Konmsa, zot ava annan respe pour ou tou dilon zot lavi dan sa pei ki ou'n donn nou bann zanset.

Liv Zob 28:28

Alor Bondye ti dir avek limanite: Respe pour SENYER, sanmenm sa lasazes. Elwanny ou avek lemal, e ou ava trouv disernman!

Psonm 111:10

Konmansman lasazes i respe anver SENYER. Sa enn ki annan bon zizman i swiv sa. Laglwar SENYER i dire pour touzour.

Psonm 128:1

Byennere sa enn ki annan respe pour SENYER, ki swiv semen ki SENYER i'n trase!

Psonm 91:16

Mon pou fer li viv lontan e montre li, ki mon son Sover.

Egzod 20:12

Ou pou annan respe pour ou papa ek ou manman; konmsa, ou ava viv lontan lo sa later ki SENYER, ou Bondye i donn ou.

Egzod 20:20

Moiz ti dir lepep, “Pa bezwen per, akoz Bondye in vin teste zot pour ki zot ava annan respe pour li e pa fer pese.”

Proverb 16:6

Lalwayote ek lanmour i pardonn en fot; Sa enn ki annan respe pour SENYER i evit fer sa ki mal.

Proverb 3:16

Lavi long i dan son lanmen drwat; larises ek loner i dan son lanmen gos.

Proverb 9:11

Annefe, gras a mwan, ou pou viv pli lontan; bann lannen ava ganny azoute avek ou lavi.

Eklezyas 12:13

Ekout konklizyon tousala: Annan respe pour Bondye e obei son komannman. La sa ki tou et imen i devre fer.

Zeremi 32:39

Mon pou donn zot en sel leker e en sel mannyer viv ki ava fer zot annan respe pour mwan, pour touzour. Sa i ava pour zot prop boner e osi pour boner zot bann desandan.

Ezekyel 20:19

Mwan menm SENYER, zot Bondye. Obei mon bann lalwa, swiv mon bann regleman e met zot an pratik.

Levanzil dapre Lik 12:5

Mon ava montre zot lekel ki zot devre per: Zot devre per sa enn ki kapab touy lekor, e osi annan pouvwar pour zet zot dan lanfer. Mon dir zot: Sanmenm sa enn ki zot devre per.

Deterononm 10:20

Zot ava annan respe pour SENYER, zot Bondye; zot ava ador zis li. Reste atase avek li, e zot ava fer serman lo son non.

Deterononm 11:9

Konmsa, zot ava viv lontan dan sa pei ki SENYER ti fer serman avek zot zanset pour donn zot ek zot bann desandan; sa pei kot dile ek dimyel i koule.

Deterononm 13:4

Ou ava swiv SENYER, ou Bondye; ou ava annan respe zis pour li. Ou ava gard son bann komannman, obei son lavwa, e reste atase avek li.

Deterononm 15:5

Me fodre ki ou obei SENYER, ou Bondye e obzerv tou son bann komannman ki mon pe donn ou ozordi.

Deterononm 22:7

Ou ava les sa manman ale e ou ava pran zis bann pti zwazo. Konmsa ou ava ere e ou ava viv lontan.

Deterononm 30:19

Ozordi, mon pran lesyel ek later koman temwen kont ou: La mon met devan ou lavi ek lanmor, benediksyon ek malediksyon. Swazir lavi, pour ki ou viv, ou, avek ou bann desandan.

Deterononm 30:20

Kontan SENYER, ou Bondye, obei li e reste atase avek li, pour ki ou viv lontan e reste dan sa pei ki SENYER in fer serman pour donn ou bann zanset, Abrahanm, Izaak ek Zakob.

Deterononm 4:10

Rapel zour ou ti debout devan SENYER, ou Bondye, lo montanny Horeb, ler SENYER ti dir mwan: Rasanble lepep devan mwan; mon oule fer zot antann mon bann parol, pour ki zot aprann annan respe anver mwan, tou le zour zot lavi lo later e pour zot ansenny osi zot bann zanfan.

Deterononm 4:40

Gard son bann regleman ek son bann komannman ki mon pe donn ou ozordi pour ou boner e pour dibyen ou bann desandan. Konmsa, ou ava viv lontan dan pei ki SENYER, ou Bondye pe donn ou pour touzour.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Deterononm 5:16

Respekte ou papa ek ou manman, parey SENYER, ou Bondye in ordonn ou. Konmsa, ou ava viv lontan e ere lo sa later ki SENYER, ou Bondye pou donn ou.

Deterononm 5:33

Zot ava mars dan semen ki SENYER, zot Bondye in trase pour zot. Konmsa, zot ava reste vivan e viv lontan; zot ava ere dan pei ki zot pe al pran posesyon.

Deterononm 6:1

La bann komannman, regleman ek lalwa ki SENYER, zot Bondye i ordonn mwan pour ansenny zot, e ki zot ava obzerv dan sa pei ki zot pe al traverse pour pran posesyon.

Deterononm 6:24

Alor, SENYER ti ordonn nou pour obzerv tou sa bann regleman. Nou pou touzour ere, si nou annan respe pour SENYER, nou Bondye; i pou gard nou vivan parey i pe fer ozordi.

Deterononm 6:7

Ou ava ansenny zot avek ou bann zanfan. Ou ava koz lo zot ler ou dan lakour, ler ou pe marse lo semen, ler ou pe al dormi e ler ou reveye.

Zozye 4:24

Konmsa, tou bann pep lo later ava konnen ki lanmen SENYER i pwisan, e ki zot touzour annan respe pour SENYER, zot Bondye.”

1 Pyer 1:17

Kan zot priye, zot apel Bondye koman zot Papa. I pa fer okenn preferans, e i ziz sak dimoun dapre sa ki i'n fer. Alor, pandan sa letan ki reste pour zot lo later, montre ki zot annan respe pour li, par zot mannyer viv.