Deterononm 5:1 - Labib An Kreol Seselwa

¹ Moiz ti rasanble pep Izrael antye. I ti dir zot: Izrael! Ekout bann lalwa ek regleman ki mon pe donn zot ozordi. Aprann zot e fer sir ki zot ganny met an pratik.

Deterononm 5:1 Iomraidhean Croise

Psonm 78:7

Zot ava met zot lespwar dan Bondye; zot pa pou oubliy tou sa ki Bondye in fer, me zot ava obei son komannman.

Egzod 15:26

I ti dir, “Si ou vreman ekout SENYER, ou Bondye, si ou fer sa ki byen devan li, si ou port atansyon son bann komannman e gard tou son bann lalwa, mon pa pou fer ou sibir sa bann maladi ki mon ti anvoy lo Lezip: Mwan SENYER, ki geri ou.”

Egzod 18:20

Ansenny zot bann regleman ek bann lalwa; fer zot konn semen ki zot bezwen swiv, e sa ki zot devre fer.

Matye 23:3

Fer tou sa ki zot dir fer, me pa imit sa ki zot fer. Annefe zot prese, me zot pa met an pratik sa ki zot prese.

Deterononm 1:1

La bann parol ki Moiz ti adres avek pep Izrael antye, ler zot ti ankor lot kote larivyer Zourden, dan dezer anfas Souf, ant Parann ek Tofel, Laban, Haserot ek Di-Zahab.

Deterononm 11:1

Ou ava kontan SENYER, ou Bondye e ou ava touzour obei tou son bann lalwa, regleman ek komannman.

Deterononm 12:1

La bann lalwa ek bann regleman ki zot devre obzerve dan pei ki SENYER, Bondye zot zanset pou donn zot, pour pran posesyon pour tou zot lavi.

Deterononm 17:19

I ava gard sa bann lalwa avek li e lir li tou le zour son lavi. Konmsa, i ava annan respe pour SENYER son Bondye e obzerv tou bann parol lalwa ek bann regleman.

Deterononm 28:15

Me si ou pa obei SENYER, ou Bondye, si ou pa byen obzerv tou son bann komannman ek regleman ki mon pe ordonn ou ozordi, alor, la bann malediksyon ki pou ariv ou e tonm lo ou:

Deterononm 29:10

Ozordi, zot tou, zot in rasanble devan SENYER, zot Bondye, dan prezans bann sef sak tribi, zot bann ansyen ek zot bann zofisye, tou bann zonm dan Izrael.

Deterononm 29:2

Moiz ti konvok pep Izrael antye. I ti dir zot: Zot in war avek zot lizye tou sa ki SENYER in fer Faraon, son bann serviter ek son pei antye.

Deterononm 4:1

Moiz ti dir pep Izrael: Aprezan, Izrael! Ekout bann regleman ek bann lalwa ki mon pe ansenny zot, pour zot met an pratik. Konmsa, zot ava viv pour antre e pran posesyon pei ki SENYER, Bondye zot bann zanset pe al donn zot.

Deterononm 4:49

avek Araba antye, ki Les avek larivyer Zourden, ziska lanmer Araba, dan lapant montanny Pisga.

Deterononm 4:5

Gete! Parey SENYER mon Bondye in ordonn mwan, mon'n ansenny zot bann regleman ek bann lalwa, pour ki zot obzerv zot dan pei kot zot pe ale pour pran posesyon.

Deterononm 5:2

SENYER, nou Bondye ti fer en lalyans avek nou lo montanny Horeb.

Deterononm 6:17

Gard byen bann komannman SENYER, zot Bondye, bann lalwa e bann regleman ki i'n donn zot.

Zozye 1:8

Sa liv lalwa pa pou kit ou labous. Ou ava medit lo li lizour e lannwit, pour ki ou ava azir dapre tou sa ki'n ekri. Konmsa, ou ava prospere e ou ava reisi.