Deterononm 4:6 - Labib An Kreol Seselwa

⁶ Gard zot e met zot byen an pratik. Sa i ava montre bann pep zot lasazes ek zot lentelizans. Ler bann pep ava antann tou sa bann regleman, zot ava dir: Vreman sa gran nasyon i en pep saz e entelizan!

Deterononm 4:6 Iomraidhean Croise

1 Rwa 4:34

Dimoun sorti partou dan tou nasyon, anvoye par bann lerwa ki'n antann renonmen lasazes Salomon, ti vin ekout son lasazes.

Liv Zob 28:28

Alor Bondye ti dir avek limanite: Respe pour SENYER, sanmenm sa lasazes. Elwanny ou avek lemal, e ou ava trouv disernman!

Psonm 111:10

Konmansman lasazes i respe anver SENYER. Sa enn ki annan bon zizman i swiv sa. Laglwar SENYER i dire pour touzour.

Psonm 19:7

Lalwa SENYER i parfe, i restor lavi. Tou bann regleman SENYER i sir. I donn lasazes sa enn ki senp.

Psonm 19:8

Bann direktiv SENYER i zis; zot fer leker kontan. Bann komannman SENYER i donn lalimyer; zot fer war kler.

Proverb 1:4

Sa bann proverb ava rann pridan sa enn ki napa leksperyans, pour donn lazenes konnesans e ed zot pour reflesir.

Proverb 1:5

Sa enn ki saz ava ekoute pour li ogmant son konnesans; sa enn ki annan disernman ava aprann koman dirize.

Proverb 1:7

Respe pour SENYER i konmansman lasazes. Zis bann fou ki napa respe pour lasazes ek lenstriksyon.

Proverb 14:34

En nasyon ki pratik lazistis i grandi; me lenzistis i fer laont en pep.

Proverb 14:8

En dimoun pridan i vey lo son kondwit, akoz i saz; me en sot i tonm dan betiz akoz i bet.

Ezai 42:21

Akoz son lazistis, SENYER i pran plezir pour rann son lansennyman gran e manifik.

Zeremi 8:9

Bann ki dir zot saz, in kanmi. Zot in pri e zot per, akoz zot in rezet parol SENYER. Oli zot lasazes?

Ezekyel 5:5

La sa ki Senyer BONDYE i deklare: Kanta Zerizalenm, mon'n plas li dan milye bann nasyon; en kantite pei i antour li.

Danyel 1:20

Dan tou kestyon ki konsern lasazes ek disernman ki lerwa ti demande, zot ti ganny trouve dis fwa pli siperyer ki tou bann mazisyen ek savan dan son rwayonm antye.

Danyel 4:9

Beltasar, sef bann mazisyen, mon konnen ki ou annan dan ou lespri bann bondye sen; pour ou, napa okenn mister ki tro difisil. Donn mwan lenterpretasyon mon rev.

Oze 8:12

Mon ava kapab ekri bokou detay lo lalwa, me pour zot, sa i drol.

Malasi 3:12

Alor, tou bann nasyon ava dir ki zot en pep ere, akoz zot ava pe viv dan en pei agreab, SENYER liniver ki deklare.

Deterononm 29:9

Alor, met byen an pratik bann parol sa lalyans, pour zot reisi dan tou sa ki zot antreprann.

Deterononm 32:46

i ti dir zot: Reflesi lo tou sa bann parol ki mon pe donnen an temwannyaz kont zot ozordi; ordonn ou bann zanfan pour gard zot, pour ki zot ava byen met an pratik tou bann parol sa lalwa.

Deterononm 32:47

Annefe, sa pa bann parol vid, me i zot lavi; par sa bann parol, zot ava viv lontan dan pei ki zot pe al pran posesyon, apre ki zot ava'n travers larivyer Zourden.

2 Timote 3:15

Annefe, depi ou lanfans, ou konn Lekritir sent, ki kapab donn ou lasazes ki kondwir ver lavi eternel, par lafwa dan Zezi-Kri.

Let Zak 3:13

Lekel parmi zot ki saz e annan disernman? I devre prouv li par son bon mannyer viv, par son bann bon aksyon fer avek douser ek lasazes.