Deterononm 22:9 - Labib An Kreol Seselwa

⁹ Ou pa pou senm en lot lespes legren dan ou plantasyon rezen. Dan sa ka, tou prodwi sa legren avek prodwi ou plantasyon rezen i riske pa ganny aksepte devan SENYER.

Deterononm 22:9 Iomraidhean Croise

Levitik 19:19

Obzerv mon bann regleman. Pa les de zannimo lespes diferan krwaz avek kanmarad; pa senm legren diferan kalite dan menm plantasyon, ni met en lenz ki'n ganny fer avek de kalite latwal.

Matye 6:24

Personn pa kapab servi de met. Annefe, swa i pou ay enn e kontan lot; swa i pou devoue anver enn e mepriz lot. Ou pa kapab servi Bondye ek larzan anmenmtan.

Matye 9:16

“Personn pa pyeste en vye lenz avek en morso latwal nef. Si i fer li, sa morso latwal nef pou retresi e desir en pli gran morso dan sa lenz.

Romen 11:6

Si i'n swazir par son bonte, se pa akoz zot bann aksyon. Si Bondye ti swazir dapre sa ki zonm i fer, son bonte pa ti pou en vre bonte.

2 Korentyen 1:12

La sa ki fer nou fyer: Nou konsyans i dir nou ki nou kondwit dan lemonn, e sirtou anver zot, in avek senplisite ek senserite devan Bondye; non pa avek lasazes imen, me avek lagras Bondye.

2 Korentyen 11:3

Me mon per ki, parey Ev ti ganny tronpe par riz serpan, zot les zot lespri egare lwen avek senserite ek lapirte ki zot devre annan anver Kris.

Deterononm 22:8

Si ou konstri en nouvo lakaz, ou ava met en balistrad toultour son twa. Otreman, si en dimoun i tonbe sorti lo ou twa, ou riske responsab son lanmor.

Let Zak 3:10

Benediksyon ek malediksyon i sorti dan menm labous. Mon bann frer! Sa pa devre arive.