Deterononm 22:8 - Labib An Kreol Seselwa

⁸ Si ou konstri en nouvo lakaz, ou ava met en balistrad toultour son twa. Otreman, si en dimoun i tonbe sorti lo ou twa, ou riske responsab son lanmor.

Deterononm 22:8 Iomraidhean Croise

2 Samyel 11:2

En zour, tar apremidi, David ti leve apre ki i ti'n fini repoze, e i ti pe pronmnen lo twa son pale. Depi la, i ti apersevwar en fanm pe bennyen; sa fanm ti tre zoli.

Egzod 22:6

Si en dife i pran e i fannen dan brousay; si i bril dible ki'n deza koupe oubyen ki pa ankor koupe, oubyen plantasyon antye, sa enn ki ti konmans sa dife ava pey en domaz.

Ezai 22:1

Mesaz konsernan Vale Vizyon. Ki pe pase! Akoz zot in monte e zot tou zot lo twa lakaz!

Zeremi 19:13

Tou bann lakaz dan Zerizalenm, menm pale lerwa Zida ek tou bann lakaz kot zot in bril lansan an loner bann zetwal dan lesyel, kot zot in prezant lofrann diven avek sa bann bondye etranze, pou ganny deklare enpir parey Tofet.

Ezekyel 3:18

Kan mon dir avek en malfeter: Ou pou mor, ou devre anons li e averti li pour ki i sanz son kondwit e viv. Si ou pa fer li, i pou mor, byensir akoz son fot; me ou, mon pou demann ou rann kont son lanmor.

Ezekyel 3:20

Si en dimoun zis i abandonn sa ki byen e konmans pratik sa ki mal, mon pou plas en pyez dan son semen. I pou mor. Si ou pa averti li son danze, i pou mor dan son pese. Son bann bon aksyon pase pa pou servi li; me ou, mon pou fer ou rann kont son lanmor.

Matye 10:27

Sa ki mon dir zot dan fernwanr, repet li dan kler. Sa ki zot tande an sekre, pibliy li lo twa lakaz.

Mark 2:4

Akoz lafoul, zot pa ti kapab ariv ziska kot Zezi ti ete. Alor, zot ti fer en trou dan twa lakaz par lao landrwa kot Zezi ti ete. Zot ti fer desann lanmak avek sa zonm paralize lo la.

Akt de Zapot 10:9

Lannmen, ver midi, letan zot ti pe vwayaze e pe apros Zope, Pyer ti mont lo twa lakaz pour priye.

Romen 14:13

Alor, annou arete ziz nou prosen. Plito deside pa met devan nou frer, nanryen ki pou ofans li, oubyen fer li tonm dan pese.

1 Korentyen 10:32

Viv dan en fason ki ou pa ofans personn, ni Zwif, ni non-Zwif, ni personn dan Legliz Bondye.

Deterononm 22:7

Ou ava les sa manman ale e ou ava pran zis bann pti zwazo. Konmsa ou ava ere e ou ava viv lontan.

Deterononm 22:9

Ou pa pou senm en lot lespes legren dan ou plantasyon rezen. Dan sa ka, tou prodwi sa legren avek prodwi ou plantasyon rezen i riske pa ganny aksepte devan SENYER.

Filipyen 1:10

pour zot kapab disern sa ki byen. Konmsa, zot ava pir e san repros zour retour Kris.

1 Tesalonisyen 5:22

e prezerv zot kont tou sa ki mal.

1 Samyel 9:25

Apre, zot ti redesann dan lavil sorti dan landrwa sakre e Samyel ti al kot Sail lo twa son lakaz.