Deterononm 2:7 - Labib An Kreol Seselwa

⁷ SENYER, ou Bondye in beni ou dan tou sa ki ou'n antreprann. In vey lo ou semen dan sa gran dezer. Pandan 40 an, SENYER, ou Bondye ti avek ou; ou pa'n mank nanryen.

Deterononm 2:7 Iomraidhean Croise

Zenez 12:2

Mon pou fer ou vin papa en gran nasyon e mon pou beni ou. Mon pou fer ou non vin enportan e ou ava vin en benediksyon.

Zenez 24:35

SENYER in donn mon met bokou benediksyon e i'n vin en dimoun enportan. SENYER in donn li bokou troupo zannimo, larzan, lor, serviter, servant, samo, ek bourik.

Zenez 26:12

Izaak ti senm lagrenn dan sa pei, e i ti fer gran rekolt, san fwa plis, dan menm lannen. SENYER ti beni li,

Zenez 30:27

Me Laban ti dir li, “Ekout mwan, silvouple. Mon'n ganny en revelasyon ki SENYER in beni mwan akoz ou.

Zenez 39:3

Son met ti war ki SENYER ti avek li, e ki SENYER ti fer li reisi dan tou sa ki i ti antreprann.

Zenez 39:5

Kan Zozef ti ansarz tou keksoz dan lakaz Potifar, SENYER ti beni lakour sa Ezipsyen akoz Zozef. Benediksyon SENYER ti lo tou sa ki i ti posede, dan son lakaz koman dan son plantasyon.

Nehemi 9:21

Pandan 40 an ou'n pran swen avek zot e zot pa ti mank nanryen dan dezer. Zot lenz pa ti ize e zot lipye pa ti anfle.

Liv Zob 23:10

Pourtan, i konnen ki semen mon pran. Ler in teste mwan, mon pou sorti osi pir ki lor.

Psonm 1:6

Annefe, SENYER i protez semen bann ki zis. Me bann malfeter i pran semen ki anmenn dan perdisyon.

Psonm 107:4

I annan ki ti egare dan dezer, san trouv en semen ki ti ava kondwir zot dan en lavil abite.

Psonm 31:7

Mon rezoui e mon dan lazwa akoz ou fidelite, akoz ou'n war mon lapenn, ou'n konpran mon detres.

Psonm 90:17

SENYER nou Bondye! Devers ou benediksyon lo nou. Fer prospere tou travay ki nou fer. Wi! Fer prospere tou travay ki nou fer.

Egzod 16:35

Pep Izrael ti manz lamann pandan 40 an ziska ki zot ti ariv dan en pei abite. Zot ti manz lamann ziska ki zot ti ariv pre avek Kanaan.

Zeremi 2:2

al proklanm sa mesaz avek tou bann zabitan Zerizalenm. La sa ki SENYER i deklare: Mon rapel byen koman zot ti reste fidel anver mwan kan zot ti zenn; koman zot ti kontan mwan kan nou ti'n fek marye. Zot ti swiv mwan dan dezer, dan en pei kot zonm pa senmen.

Oze 13:5

Mwan ki ti nouri zot dan dezer, dan lasesres.

Amos 2:10

Mon ti fer ou sorti Lezip; mon ti kondwir ou atraver dezer pandan 40 an, pour ou pran posesyon pei bann Amorit.

Nonm 1:1

SENYER ti koz avek Moiz dan dezer Sinai, dan Latant Temwannyaz, lo premye zour, dezyenm mwan, dezyenm lannen, apre ki zot ti'n sorti dan pei Lezip. I ti dir li:

Nonm 14:33

Zot zanfan pou viv lavi berze pandan 40 an. Zot pou sibir konsekans zot enfidelite, ziska ki sa enn dernyen i mor.

Nonm 14:34

Zot pou soufer konsekans zot pese pandan 40 an, en lannen pour sak zour ki zot ti eksplor sa pei. Zot ava konn mon mekontantman.

Nonm 22:12

Bondye ti dir Balaanm, “Ou pa pou al avek zot. Ou pa pou modi sa pep, akoz i en pep beni.”

Nonm 32:13

SENYER ti ankoler kont pep Izrael e ti fer zot vir vire dan dezer pandan 40 an, ziska ki sa zenerasyon ki pa ti oule obei SENYER ti'n disparet.

Levanzil dapre Lik 22:35

Apre, Zezi ti demann son bann disip, “Kan mon ti anvoy zot san portmonnen, san sak, san sandal, eski zot ti mank keksoz?” Zot ti reponn, “Non, nou pa ti mank nanryen.”

Levanzil dapre Zan 10:27

Mon bann mouton i ekout mon lavwa, mon konn zot e zot swiv mwan.

Deterononm 1:19

Parey SENYER, nou Bondye ti'n ordonn nou, nou ti kit montanny Horeb e travers sa gran dezer terib ki zot ti war. Nou ti travers montanny bann Amorit, e nou ti ariv Kades Barnea.

Deterononm 1:46

Alor, zot ti reste Kades, pandan en long letan.

Deterononm 2:14

Ti pran nou 38 an pour vwayaz depi Kades Barnea, ziska nou ti travers larivyer Zered. Dan sa letan, tou zenerasyon bann gerye ti'n mor, parey SENYER ti'n predir.

Deterononm 2:6

Zot ava aste sa ki zot ava manze, menm delo ki zot ava bwar.

Deterononm 29:4

Me ziska ozordi, SENYER pa'n donn zot en lespri disernman pour konpran, ni lizye pour war, ni zorey pour tande.

Deterononm 29:5

Pandan 40 an, mon'n kondwir zot dan dezer. Lenz ki ti lo zot pa'n ize e sandal dan zot lipye pa'n ize.

Zozye 5:6

Annefe, pep Izrael ti'n mars pandan 40 an dan dezer, ziska ki tou sa nasyon ti'n disparet, bann gerye ki ti'n sorti Lezip ki pa ti'n ekout SENYER. SENYER ti'n fer serman ki sa bann zonm pa pou war sa pei ki i ti'n promet avek zot bann zanset pour donn nou, sa pei kot dile ek dimyel i koule.