Deterononm 2:14 - Labib An Kreol Seselwa

¹⁴ Ti pran nou 38 an pour vwayaz depi Kades Barnea, ziska nou ti travers larivyer Zered. Dan sa letan, tou zenerasyon bann gerye ti'n mor, parey SENYER ti'n predir.

Deterononm 2:14 Iomraidhean Croise

Psonm 106:26

Alor, i ti fer serman lanmen leve pour detri zot dan dezer,

Psonm 90:15

Pandan en kantite lannen ou'n pini nou. Fer nou rezoui pour otan lannen e otan zour ki nou'n pas dan maler.

Psonm 90:3

Ou fer bann imen retourn dan lapousyer; ou dir zot: Retourn kot ou sorti.

Psonm 90:9

Nou lavi i ganny rakoursi anba ou lakoler. Nou lavi i fini parey en souf.

Psonm 95:11

Alor, dan mon lakoler, mon ti fer sa serman: Zot pa pou antre dan mon repo.

Ezekyel 20:15

Mon ti osi fer en serman avek zot dan dezer, pour pa pou anmenn zot dan sa pei ki mon ti'n donn zot, sa pli merveye pei kot i annan dile ek dimyel annabondans.

Nonm 1:1

SENYER ti koz avek Moiz dan dezer Sinai, dan Latant Temwannyaz, lo premye zour, dezyenm mwan, dezyenm lannen, apre ki zot ti'n sorti dan pei Lezip. I ti dir li:

Nonm 13:26

Kan zot ti arive, zot ti al war Moiz, Aaron ek pep Izrael, ki ti Kades dan dezer Parann. Zot ti fer en rapor avek Moiz ek Aaron e devan pep Izrael antye. Zot ti montre bann fri ki zot ti'n anmennen, sorti dan sa pei.

Nonm 32:11

Akoz zot pa'n obei mwan, tou sa bann ki'n sorti Lezip, apartir laz 20 an, pa pou antre dan pei ki mon'n promet Abrahanm, Izaak, ek Zakob,

1 Korentyen 10:5

Pourtan, Bondye pa ti kontan avek laplipar zot. Alor, zot ti tonbe mor dan dezer.

Deterononm 1:19

Parey SENYER, nou Bondye ti'n ordonn nou, nou ti kit montanny Horeb e travers sa gran dezer terib ki zot ti war. Nou ti travers montanny bann Amorit, e nou ti ariv Kades Barnea.

Deterononm 1:2

I pran 11 zour pour sorti montanny Horeb ziska Kades Barnea, an pasan par rezyon montanny Seir.

Deterononm 1:46

Alor, zot ti reste Kades, pandan en long letan.

Deterononm 2:13

SENYER ti donn nou sa lord: Aprezan, travers larivyer Zered. Alor, nou ti travers larivyer Zered.

Deterononm 2:16

Zis apre ki tou bann gerye parmi lepep, ti'n mor,

Deterononm 2:7

SENYER, ou Bondye in beni ou dan tou sa ki ou'n antreprann. In vey lo ou semen dan sa gran dezer. Pandan 40 an, SENYER, ou Bondye ti avek ou; ou pa'n mank nanryen.

Zozye 24:7

Kan zot ti kriy ver SENYER, i ti met fernwanr ant zot avek bann Ezipsyen; i ti fer lanmer kouver zot. Zot lizye ti war sa ki mon ti fer kont Lezip. Zot ti reste lontan dan dezer.

Zozye 5:4

La, akoz Zozye ti sirkonsi zot: Tou lepep ki ti'n sorti Lezip, bann mal, bann gerye, ti'n deza mor dan dezer pandan vwayaz letan zot ti pe sorti Lezip.

Zozye 5:6

Annefe, pep Izrael ti'n mars pandan 40 an dan dezer, ziska ki tou sa nasyon ti'n disparet, bann gerye ki ti'n sorti Lezip ki pa ti'n ekout SENYER. SENYER ti'n fer serman ki sa bann zonm pa pou war sa pei ki i ti'n promet avek zot bann zanset pour donn nou, sa pei kot dile ek dimyel i koule.

Let Zid 1:5

Menm si zot konn tousala tre byen, mon profite pour rapel zot ki mannyer Bondye ti sov pep Izrael kan i ti fer li sorti Lezip. Me apre i ti detri tou bann ki ti refize krwar dan li.