Deterononm 13:2 - Labib An Kreol Seselwa

² si i arive ki sa bann siny oubyen sa bann keksoz ekstraordiner i realize, e zot dir ou: Annou al swiv e servi lezot bondye ki ou pa'n konnen,

Deterononm 13:2 Iomraidhean Croise

1 Rwa 13:3

Sa menm zour, i ti donn en siny: La siny konmkwa SENYER ki'n koze: Lotel pou fann an de, e lasann ki lo la pou fannen.

Egzod 22:19

Sa enn ki dormi avek en zannimo ava ganny touye.

Egzod 7:22

Me par zot pratik sekre, bann mazisyen ti kapab fer parey. Leker Faraon ti reste andirsi e, parey SENYER ti'n averti, i ti refize ekout zot.

Zeremi 23:32

Mon pou atak sa bann profet ki rakont bann fo rev avek mon pep e dir ki zot in ganny en mesaz sorti kot mwan, SENYER i deklare. Par zot bann mansonz, zot pe tronp mon pep SENYER i deklare. Zanmen mon'n anvoy zot, zanmen mon'n donn zot okenn lord pour ale. Zot pa kapab rann okenn servis mon pep, SENYER i deklare.

Zeremi 27:9

Zot pa bezwen ekout zot bann profet ni sa bann ki predir lavenir, ni zot prop rev, oubyen envok lespri dimoun mor, ni fer mazi. Zot tou, zot pe dir ou: Ou pa pou tonm anba pouvwar lerwa Babilonn.

Zeremi 28:9

Me si en profet i dir ki SENYER in anvoy li anons lape, nou ava krwar ki SENYER in vreman anvoy li, kan son parol ava realize.

Zakari 10:2

Annefe, zot bann pti stati in koz mansonz; bann deviner in ganny fo vizyon. Zot bann rev ki zot rakonte, pa realize. Zot bann konsolasyon pa vo nanryen. Pour sa rezon, lepep i mars san direksyon parey bann mouton. Zot soufer akoz zot napa berze.

Matye 24:24

Annefe, bann fo mesi ek bann fo profet pou aparet. Zot pou fer bann gran mirak ek bann gran siny, si posib pour tronp menm bann ki Bondye in swazir.

Deterononm 13:13

ki bann vwayou parmi zot in detourn bann zabitan lavil an dizan: Annou al ador lezot bondye, ki ou pa konnen,

Deterononm 13:6

I kapab arive ki ou frer, garson ou manman, swa ou prop garson, swa ou prop fiy, swa sa fanm ki pe dormi dan ou lebra, swa ou pli gran zanmi i envit ou pour al ador lezot bondye ki ni ou ni ou bann zanset pa'n zanmen konnen.

Deterononm 18:20

Me nenport ki profet ki koz lo non lezot bondye, oubyen ki pretann koz lo mon non e ki dir en parol ki mon pa'n ordonn li, sa profet pou bezwen ganny touye.

Deterononm 18:22

Si en profet i koz lo non SENYER, me sa ki i dir pa realize, oubyen i ganny rekonnet fo, alor, sa i en parol ki SENYER pa'n dir. Ou pa devre per li.