Deterononm 13:16 - Labib An Kreol Seselwa

¹⁶ Ou ava rasanble tou bann piyaz lager lo laplas piblik sa lavil. Apre, ou ava met dife e bril sa lavil avek son bann piyaz lager, koman en sakrifis brile pour SENYER, ou Bondye. Sa lavil ava reste en ta debri pour touzour, e zanmen i ava ganny rekonstri.

Deterononm 13:16 Iomraidhean Croise

Egzod 22:19

Sa enn ki dormi avek en zannimo ava ganny touye.

Ezai 17:1

Mesaz konsernan Damas. Damas pou nepli en lavil; i pou vin zis en ta debri.

Ezai 25:2

Ou fer lavil vin en ta debri. Son bann fortifikasyon i anrin. Pale bann lennmi nepli; i pa pou zanmen ganny rekonstri.

Zeremi 49:2

Pour sa rezon, sa zour pe sirman vini, SENYER i deklare, kan tapaz lager pou rezonnen dan Raba, lavil bann Amonit. Sa lavil pou vin en ta debri; son bann vilaz pou ganny brile. Alor, Izrael ava kapab repran son posesyon avek sa bann ki ti'n pran li.

Ezekyel 26:14

Mon pou fer ou vin parey en ros sek; ou pou vin en landrwa kot ou fer sek lasenn; lavil pa pou zanmen ganny rekonstri. Mwan, SENYER mon'n koze.

Mise 1:6

Alor, mon pou fer laplenn Samari vin en ta debri, kot i bon zis pour plant rezen. Mon pou fer deboule son bann ros dan vale. Tou son fondasyon pou paret.

Deterononm 7:25

Ou ava bril zot bann stati ek zot bann bondye. Pa les ou ganny tante par larzan oubyen lor ki kouver zot, akoz zot kapab vin en pyez pour ou; zot degoutan devan SENYER, ou Bondye.

Deterononm 7:26

Pa anmenn okenn lobze degoutan dan ou lakaz, sankwa ou pou ganny detri ansanm avek zot. Ou devre deteste sa bann lobze, akoz fodre zot ganny detri.

Zozye 6:21

Zot ti detri tou sa ki ti annan dan lavil e masakre zonm, fanm, zenn ek vye, bef, mouton ek bourik.

Zozye 6:24

Zot ti met dife dan lavil avek tou sa ki ti ladan, eksepte larzan, lor, bann lobze an bronz, an fer ki zot ti met dan trezor SENYER.

Zozye 6:26

Zozye, ti fer pronons sa serman: Sa enn ki esey rekonstri lavil Zeriko, pou ganny malediksyon SENYER. I pou met fondasyon kont lavi son premye garson; i pou konstri bann laport kont lavi son dernyen garson.

Zozye 8:28

Zozye ti bril lavil e fer li vin en landrwa abandonnen, ziska ozordi.