Deterononm 12:7 - Labib An Kreol Seselwa

⁷ Zot ava manz la, dan prezans SENYER, zot Bondye, avek zot fanmir, avek zot bann serviter. Zot ava dan lazwa, akoz SENYER in beni zot dan tou sa ki zot in antreprann.

Deterononm 12:7 Iomraidhean Croise

1 Kronik 29:22

Sa zour, zot ti manze, bwar devan SENYER dan gran selebrasyon. Pour en dezyenm fwa, zot ti proklanm Salomon, garson David, koman lerwa; zot ti donn li lonksyon koman sef pour SENYER; Sadok ti ganny lonksyon koman gran pret.

Nehemi 8:9

Gouverner Nehemi, pret e skrib Esdras, ek bann levit ki ti pe ansennyen, ti dir lepep antye, “Sa zour i sakre pour SENYER, zot Bondye. Pa bezwen port dey ni plere.” Annefe, lepep antye ti pe plere ler zot ti pe ekout parol lalwa.

Eklezyas 3:12

Alor, mon realize: I pli bon pour zonm rezouir e profit lavi dan kontantman.

Eklezyas 3:13

I en kado Bondye pour en zonm manze, bwar e pran plezir dan rezilta son travay.

Eklezyas 5:18

La sa ki mon'n war: I meyer pour en dimoun manze, bwar, profit plezir dan tou sa ki i fer anba soley, pandan tou son lavi ki Bondye in donn li; sa i son sor.

Ezai 23:18

Son bann marsandiz ek son lapey ava ganny konsakre pour SENYER. Son bann benefis pa pou ganny anmase, ni ganny met an rezerv. Me son bann marsandiz pou servi pour byen nouri e byen abiy bann ki viv dan prezans SENYER.

Ezai 62:9

Me bann ki'n rekolte dible ava manze e loue SENYER; bann ki'n rekolte rezen ava bwar diven dan lakour mon sanktyer.

Ezekyel 44:3

Zis prens ki pou kapab asiz pour manz repa sakre devan SENYER, akoz i en prens. I ava antre par vestibil e sorti par sa menm semen.

Zoel 1:16

Manze pe disparet lanmenm la devan nou lizye. Lazwa ek boner in disparet dan tanp Bondye.

Zoel 2:26

Zot pou manze ziska zot ava rasazye; zot ava loue SENYER, zot Bondye ki'n fer bann mervey pour zot. Mon pep pa pou zanmen ganny laont ankor.

Levitik 23:40

Premye zour, zot ava pran bann meyer fri, bann brans palmye, bann brans kouver avek fey ek brans bann pye dibwa ki pous obor larivyer. Pandan set zour, zot ava selebre dan lazwa devan SENYER zot Bondye.

Malasi 2:13

La ankor sa ki zot fer: Zot vin kouver lotel SENYER avek larm. Zot sanglote e fer gro tapaz, akoz i nepli pran ka, ni aksepte zot lofrann ki zot anmenn kot li.

Akt de Zapot 2:46

Tou le zour, zot ti reini regilyerman dan Tanp. Zot ti partaz dipen dan zot lakaz, manz dan lazwa, avek kontantman ek senplisite dan zot leker.

Deterononm 12:12

Zot tou, zot ava rezouir devan SENYER, zot Bondye avek zot bann zanfan, zot bann fiy, zot bann serviter ek zot bann servant, avek bann levit ki reste dan zot lavil e ki napa okenn par dan zot patrimwann.

Deterononm 12:18

Ou ava manz sa bann keksoz dan prezans SENYER, ou Bondye, la kot SENYER, ou Bondye ava swazir, ou, avek ou bann garson ou bann fiy, ou bann serviter ek ou bann servant, avek bann levit ki reste dan ou bann lavil. Dan prezans SENYER, ou Bondye, zot ava zouir ansanm pour tou son bann travay.

Deterononm 12:8

Zot pa pou azir parey nou pe fer isi ozordi, kot sakenn pe fer sa ki i anvi.

Deterononm 14:23

Ou ava manz ladim ou dible, ou diven nouvo ek ou delwil, bann premye ne ou bann troupo, dan landrwa kot SENYER, ou Bondye ava swazir pour manifeste prezans son non. Konmsa, ou ava aprann ki mannyer ou pou annan respe pour SENYER, ou Bondye.

Deterononm 14:26

La, ou ava kapab servi sa larzan pour aste sa ki oule: Bef, mouton, diven, labwason for, oubyen nenport kwa ki fer ou plezir. Ou ava manz la dan prezans SENYER, ou Bondye. Ou ava rezouir, ou avek ou fanmir ek ou bann serviter.

Deterononm 15:20

Toulezan, ou ava manz li avek ou fanmir ek ou bann serviter devan SENYER, ou Bondye, dan landrwa kot SENYER ava'n swazir.

Deterononm 26:11

Apre, ou, avek bann levit ek bann etranze ki reste kot ou, zot ava selebre pour tou bann byenfe ki SENYER, ou Bondye in donn ou ek ou fanmir.

Deterononm 27:7

Ou ava osi ofer bann sakrifis lakominyon e manz bann lofrann e ou ava fer lafet devan SENYER, ou Bondye.

Deterononm 28:47

Akoz ou pa'n servi SENYER, ou Bondye avek lazwa e avek tou ou leker, alor ki ou ti annan tou annabondans,

Filipyen 4:4

Reste touzour dan lazwa, ini avek Senyer. Mon repete: Reste dan lazwa.