Deterononm 12:5 - Labib An Kreol Seselwa

⁵ Me zot ava rod sa landrwa ki SENYER, zot Bondye ava swazir parmi zot bann tribi, pour ki son non i reste prezan, partou kot zot ava ale.

Deterononm 12:5 Iomraidhean Croise

1 Rwa 12:27

Si sa pep i kontinyen mont Zerizalenm pour ofer sakrifis dan tanp SENYER, leker sa pep pou retourn ver son sef, Roboanm lerwa pep Zida. Zot pou touy mwan, e zot ava retourn avek Roboanm, lerwa Zida.

1 Rwa 14:21

Roboanm, garson Salomon, ti renny lo Zida. I ti annan 41 an ler i ti vin lerwa, e i ti renny 17 an dan Zerizalenm, lavil kot SENYER ti'n swazir parmi tou teritwar bann tribi Izrael pour plas son non. Son manman ti apel Naama, en Amonit.

1 Rwa 8:16

Depi sa zour ki mon'n fer mon pep Izrael sorti Lezip, mon pa'n zanmen swazir en lavil parmi tou bann tribi Izrael kot pou konstri en lakaz ki port mon non; me mon'n swazir David pour fer li vin sef mon pep Izrael.

1 Rwa 8:20

Aprezan, SENYER in realiz son promes ki i ti fer: Akoz mon'n pran plas mon papa David, e asiz lo tronn Izrael parey SENYER in promet e mon'n konstri lakaz konsakre pour SENYER, Bondye pep Izrael.

1 Rwa 8:27

Me eski Bondye pou vreman reste lo later? Menm lesyel dan tou son grander, pa kapab kontenir ou; alor ankor mwen, sa lakaz ki mon'n konstri.

1 Rwa 8:29

Gard ou lizye ouver toultan, lizour koman aswar, lo sa lakaz, sa landrwa ki ou menm ou'n dir: Mon non pou reste la. Ekout lapriyer ki ou serviter i fer dan sa landrwa.

2 Rwa 18:22

Aprezan, ou ava dir: Nou'n met nou konfyans dan SENYER. Pourtan, ou menm Ezekyas ki ti detri bann landrwa sakre ek bann lotel. Ou ki ti ordonn Zida ek Zerizalenm: Ou ava ador SENYER devan sa lotel ki Zerizalenm.

1 Kronik 22:1

David ti dir: Sa landrwa ava vin lakaz SENYER Bondye; i ava lotel pour sakrifis konplet pour Izrael.

2 Kronik 7:12

SENYER ti aparet avek Salomon pandan lannwit. I dir li: Mon'n antann ou lapriyer e mon swazir sa landrwa pour ofer sakrifis.

Esdras 3:2

Zozye, garson Yosadak, ansanm avek son bann konfrer pret ek Zorobabel, garson Sealtiel avek tou son bann fanmir ti konmans rekonstri lotel Bondye Izrael pour zot ofer sakrifis konplet dapre Lalwa Moiz, serviter Bondye.

Esdras 6:12

Bondye ki'n etabli son non dan sa landrwa, ava fer tonbe tou lerwa, ek tou pep ki kas sa lord, e detri tanp Bondye ki Zerizalenm! Mwan, Dariis, mon donn sa lord. Pa tarde pour ki i ganny byen egzekite.

Esdras 7:17

Alor, avek sa larzan, ou ava aste toro, mouton mal ek zenn mouton; ou ava osi aste tou lofrann vezetal ek lofrann labwason ki al avek. Ou ava ofer tousala lo lotel tanp ou Bondye ki Zerizalenm.

Nehemi 1:9

Me si zot retourn ver mwan, gard mon bann komannman e met zot an pratik, menm si zot ava ganny sase tre lwen, mon pou al rod zot kot zot ete e fer zot retourn dan landrwa kot mon'n swazir pour etabli mon non.

Psonm 78:68

me i ti swazir tribi Zida, montanny Siyon ki i kontan.

Egzod 15:2

SENYER i mon lafors ek mon pwisans. Li menm mon sover. Li menm mon Bondye, mon pou loue li. Li menm Bondye mon zanset; mon pou loue li.

Egzod 20:24

Ou ava fer mwan en lotel avek later. Lo la, ou ava ofer zannimo koman sakrifis konplet ek sakrifis lape, bann mouton, bef ek kabri. Partou kot ou ava envok mon non, mon pou vin kot ou e mon pou beni ou.

Egzod 25:22

La kot mon pou rankontre ou; mon pou koz avek ou depi kouvertir Kof Lalyans, ant sa de seriben ki lo Kof Temwannyaz, pour mwan donn ou tou bann lord pour pep Izrael.

Zeremi 26:2

La sa ki mwan, SENYER, mon deklare: Al met ou debout dan lakour tanp e anons tou sa ki mon'n demann ou dir sa pep ki sorti depi bann lavil Zida pour vin ador mwan. Pa mank okenn parol dan mon mesaz.

Zeremi 7:12

Mon demann zot alor, al Silo, sa premye lavil ki mon ti swazir kot pour mwan ganny adore. Zot ava war sa ki mon'n fer avek li akoz mesanste Izrael, mon pep.

Zeremi 7:14

Pour sa bann rezon, mon pou tret sa tanp ki'n ganny konsakre pour mwan, sa tanp dan lekel zot in met zot konfyans, sa tanp ki mon'n donn zot ek zot zanset, mon pou tret li parey mon'n fer avek Silo.

Levitik 17:4

si i pa prezant li devan Latant Rankont pour ofer SENYER sakrifis devan demer SENYER, i ava ganny konsidere koman koupab pour fer koule disan en et vivan. Sa zonm ava ganny rezete parmi son pep.

Nonm 7:89

Ler Moiz ti antre dan Latant Rankont SENYER pour koz avek SENYER, en lavwa ki sorti par lao kouvertir Kof Lalyans ant sa de seriben, ti koz avek li.

Deterononm 12:11

Alor, zot ava anmenn kot SENYER, zot Bondye dan sa landrwa ki i ava'n swazir pour manifeste prezans son non, tou sa ki mon'n dir zot: Zot bann sakrifis konplet, zot bann sakrifis lape, zot bann ladim, zot bann donasyon, tou bann lofrann volonter ki zot ava ofer anver SENYER.

Deterononm 12:13

Fer atansyon ou pa ofer ou bann sakrifis konplet dan nenport ki landrwa, nenport ki kote,

Deterononm 12:18

Ou ava manz sa bann keksoz dan prezans SENYER, ou Bondye, la kot SENYER, ou Bondye ava swazir, ou, avek ou bann garson ou bann fiy, ou bann serviter ek ou bann servant, avek bann levit ki reste dan ou bann lavil. Dan prezans SENYER, ou Bondye, zot ava zouir ansanm pour tou son bann travay.

Deterononm 12:4

Zot pa pou ador SENYER, zot Bondye parey lezot nasyon.

Deterononm 14:23

Ou ava manz ladim ou dible, ou diven nouvo ek ou delwil, bann premye ne ou bann troupo, dan landrwa kot SENYER, ou Bondye ava swazir pour manifeste prezans son non. Konmsa, ou ava aprann ki mannyer ou pou annan respe pour SENYER, ou Bondye.

Deterononm 14:24

Me si, kan SENYER, ou Bondye ava'n beni ou, e ki i lwen pour anmenn ou bann prodwi dan landrwa kot SENYER, ou Bondye in swazir pour manifeste prezans son non,

Deterononm 15:20

Toulezan, ou ava manz li avek ou fanmir ek ou bann serviter devan SENYER, ou Bondye, dan landrwa kot SENYER ava'n swazir.

Deterononm 16:11

Avek ou bann garson, ou bann fiy, ou bann serviter, ou bann servant, bann levit ki reste dan ou bann lavil, bann etranze, bann orfelen ek bann vev ki viv parmi zot, ou ava fer lafet dan landrwa kot SENYER ava swazir pour fer reste prezans son non.

Deterononm 16:15

Pandan set zour, ou ava selebre sa lafet an loner SENYER, ou Bondye, la kot SENYER ava swazir; SENYER, ou Bondye ava beni ou dan tou ou bann rekolt e dan tou sa ki ou ava antreprann. Alor ou ava vreman dan lazwa.

Deterononm 16:2

Ou ava ofer sakrifis Pak an loner SENYER, ou Bondye, bann zannimo sorti dan ou troupo, dan landrwa kot SENYER ava'n swazir pour fer reste prezans son non.

Deterononm 16:6

me zis dan landrwa kot SENYER, ou Bondye ava'n swazir pour fer son non reste. Ou ava ofer sakrifis Pak, aswar, soley kouse, zour ki ou ti kit Lezip.

Deterononm 16:7

Ou ava kwi sa zannimo e manz li la kot SENYER, ou Bondye ava'n swazir; lannmen bomaten, ou ava kapab retourn dan ou latant.

Deterononm 17:8

Si i tro difisil pour ou pran en desizyon dan en ka mert, oubyen kou avek blesir, oubyen en zafer drwa propriyete, oubyen bann zafer ki'n ganny prezante devan tribinal dan enn ou bann lavil, alor, ou ava toudswit al dan landrwa kot SENYER, ou Bondye ava swazir.

Deterononm 18:6

Si en levit i deside kit enn ou bann lavil, kot i ti reste dan Izrael, pour al reste la kot SENYER ava swazir,

Deterononm 26:2

ou ava pran en pe bann premye fri ki later in prodwir, ki ou'n rekolte dan sa later ki SENYER, ou Bondye pou donn ou. Ou ava met sa bann fri dan en korbey. Ou ava al la kot SENYER, ou Bondye ava swazir koman en landrwa pour li reste.

Deterononm 31:11

kan pep Izrael ava vin devan SENYER, ou Bondye dan landrwa kot i ava'n swazir, ou ava lir tre for sa lalwa devan pep Izrael.

Kolosyen 2:9

Annefe, Kris i posed dan son lekor, tou natir konplet Bondye.

Ebre 12:22

Me zot, o kontrer, zot in apros montanny Siyon, lavil Bondye ki vivan, Zerizalenm ki dan lesyel, avek son bann mil milyon lanz dan rasanbleman lafet.

Zozye 18:1

Apre, lakominote Izraelit antye ti rasanble Silo, kot zot ti dres Latant Rankont. Zot ti pe kontrol pei antye.

Zozye 22:11

Bann Izraelit, ti aprann ki bann Ribenit, bann Gadit ek demi tribi Manase ti'n konstri lotel lo frontyer pei Kanaan dan rezyon pre avek larivyer Zourden, lo lot kote zot propriyete.

Zozye 9:27

I ti fer zot al koup dibwa e sarye delo pour lakominote e pour lotel SENYER, landrwa kot SENYER ava swazir, menm ziska ozordi.

Revelasyon 14:1

Apre, mon ti gete, e mon ti war Zenn Mouton pe debout lo montanny Siyon. Avek li ti annan 144,000 dimoun ki ti port son non ek non son Papa ekri lo zot fron.