Deterononm 12:2 - Labib An Kreol Seselwa

² Zot ava detri konpletman tou bann landrwa kot bann nasyon ki zot pe al sase, ti servi zot bondye, lo bann latet montanny, lo bann kolin e anba tou pye dibwa ki annan feyaz ver.

Deterononm 12:2 Iomraidhean Croise

1 Rwa 14:23

Zot osi, zot ti etabli bann landrwa sakre avek bann ros pilye ek poto sakre lo sak montanny e anba sak pye dibwa avek feyaz.

1 Rwa 3:2

Dan sa lepok, dimoun ti pe ofer sakrifis SENYER dan bann landrwa sakre dan pei, akoz pa ti ankor annan okenn tanp pour SENYER.

2 Rwa 11:18

Alor, lepep ti antre dan tanp Baal ki zot ti demoli e kraz tou lotel ek son bann stati. Zot ti touy Matann, pret Baal, devan bann lotel. Pret Yoyada ti nonm bann gard dan tanp SENYER.

2 Rwa 16:4

I ti ofer sakrifis e bril lansan dan bann landrwa sakre lo bann kolin, e anba tou bann pye dibwa ki annan verdir.

2 Rwa 23:13

Lerwa ti rann enpir bann landrwa sakre ki ti dan Les Zerizalenm, dan Sid montanny Destriksyon ki Salomon, lerwa Izrael, ti konstri pour Astarte. Sa ti en pratik degoutan bann Sidonit pour Kemos, Moab e pour Milkonm. Sa ti en pratik degoutan bann Amonit.

Psonm 78:58

Zot ti provok li avek zot bann landrwa sakre e rann li zalou avek zot bann zidol.

Egzod 23:24

Ou pa pou prostern devan zot bondye, ni ador zot, ni swiv zot bann pratik. O kontrer, ou ava detri zot konpletman e kas zot bann pilye sakre an pti morso.

Ezai 36:7

Aprezan, ou ava dir: Nou'n met nou konfyans dan SENYER nou Bondye. Pourtan, ou menm Ezekyas ki ti detri bann landrwa sakre ek bann lotel? Ou ki ti ordonn Zida ek Zerizalenm: Ou ava ador SENYER devan sa lotel.

Zeremi 17:2

Parey zot koz lo zot zanfan, zot koz lo zot lotel ek bann poto sakre, bann Asera, anba bann pye dibwa ki ranpli ek verdir, lo oter bann kolin.

Zeremi 2:20

La sa ki SENYER liniver i deklare: Izrael! Depi lontan ou pe revolte kont mwan. Ou'n refize obei mwan, ou'n refize ador mwan. Alor, lo nenport montanny e anba tou pye dibwa avek ver, ou'n donn ou lekor koman prostitye.

Zeremi 3:13

Zis rekonnet ki ou'n fer sa ki mal e ki ou'n revolte kont SENYER ou Bondye. Avoue ki ou'n donn ou lanmour bann bondye etranze i ki ou pa'n obei mon komannman, SENYER i deklare. La sa ki SENYER i deklare:

Zeremi 3:2

Lev ou lizye, get lao: Lo tou sa bann kolin, ou'n fer parey en prostitye. Parey bann bedwen dan dezer ki esper en viktim, ou'n esper ou bann lanmoure lo bor semen. Konmsa ki ou'n rann enpir pei.

Zeremi 3:6

Dan letan ki Zosyas ti lerwa, SENYER ti dir mwan, “Eski ou'n war sa ki Izrael in fer? Parey en fanm ki tronp son mari, in al lo bann kolin bwaze kot i azir parey en prostitye anba sa pye dibwa ki son feyaz i ver.

Oze 4:13

Zot ofer sakrifis lo latet bann montanny. Zot bril lansan lo bann kolin, anba nenport pye dibwa ki donn bon lonbraz. Pour sa rezon ki zot bann fiy i dan prostitisyon, e zot bann belfiy i komet adilter.

Nonm 22:41

Lannmen bomaten, Balak ti pran Balaanm e mont avek li ziska Bamot-Baal kot i ti war selman en parti pep Izrael.

Deterononm 7:5

Me la ki mannyer ou pou azir avek sa bann nasyon: Demoli zot bann lotel, kraz zot bann ros sakre, kas zot bann ros sakre, bril zot bann stati.

Ziz 2:2

Lo zot kote, zot pa pou fer okenn lalyans avek bann zabitan sa pei; zot ava kraz zot bann lotel. Me zot pa ti obei mwan. Ki zot in fer la?