Deterononm 11:16 - Labib An Kreol Seselwa

¹⁶ Me atansyon zot pa les zot leker ganny sedwir pour al servi e ador lezot bondye.

Deterononm 11:16 Iomraidhean Croise

1 Rwa 8:35

Kan lesyel i fermen, e lapli pa tonbe akoz pep Izrael in komet pese kont ou; si zot priye dan sa lakaz, si zot loue ou non e abandonn zot pese akoz ou'n pini zot,

Liv Zob 31:27

si mon leker in ganny tante an sekre e anbras mon lanmen avek mon labous;

Ezai 44:20

I nouri li lo sa ki reste zis lasann. Son lespri pe derezonnen i nepli kapab disernen. I nepli kapab dir dan li menm: Sa ki dan mon lanmen drwat, i zis en fo?

Levanzil dapre Lik 21:34

“Fer byen atansyon: Pa les zot lespri angourdi avek festen, labwason ek traka lavi. Fer atansyon ki sa zour pa sirprann zot

Levanzil dapre Lik 21:36

Pandan sa bann zour, veye, pa arete priye. Konmsa, zot ava ganny lafors pour travers tou sa bann keksoz ki pou arive, e reste debout devan Fis-de-Lonm.”

Levanzil dapre Lik 21:8

Zezi ti reponn, “Fer atansyon: Pa les zot ganny anbete. Annefe, en kantite pou servi mon non. Zot pou dir: Mwan menm Mesi. Sa letan in arive! Pa swiv zot.

Deterononm 12:30

Fer atansyon ou pa les ou ganny tante pour imit zot, menm apre ki ou'n detri zot. Ou pa pou al rod lenformasyon lo zot bann bondye e dir: Ki mannyer sa bann nasyon ti ador zot bann bondye? Mwan osi, mon oule fer parey zot.

Deterononm 13:3

ou pa pou ekout bann parol sa profet oubyen sa vizyoner. Annefe, SENYER, ou Bondye pe teste ou. I oule konnen si vreman ou kontan SENYER, ou Bondye avek tou ou leker e avek ou et antye.

Deterononm 17:3

e al servi e ador lezot bondye, tel ki soley, lalin, bann zetwal, oubyen okenn lobze dan lesyel, e ki mon'n defann zot fer,

Deterononm 28:14

san devye ni adrwat, ni agos, lo tou bann komannman ki mon pe ordonn ou ozordi, pour ou swiv e servi lezot bondye.

Deterononm 29:17

Zot in war zot bann lobze degoutan, zot bann stati an bwa, an ros, annarzan, annor.

Deterononm 29:18

I pa sipoze annan parmi zot en zonm, en fanm, en fanmir, en tribi, ki son leker in detourn kont SENYER, nou Bondye, pour al servi bann bondye sa bann nasyon. I pa devre annan parmi zot, rasin en plant ki prodwir en pwazon anmer.

Deterononm 30:17

Me si ou leker i detournen, si ou pa ekoute, si ou les ou ganny antrennen pour prosternen devan lezot bondye e servi zot,

Deterononm 31:20

Annefe, mon pou anmenn zot dan en pei kot dile ek dimyel i koule. Sa i en serman ki mon ti fer avek zot bann zanset. Ler zot in byen manze, rasazye e vin gra, zot al kot lezot bondye e servi zot, mepriz mwan e kas mon lalyans.

Deterononm 4:23

Alor, fer byen atansyon: Pa oubliy lalyans ki SENYER, zot Bondye ti fer avek zot. Pa fer okenn stati dan okenn laform ki SENYER, zot Bondye in defann zot.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Deterononm 5:7

Ou pa pou annan okenn lezot bondye apard mwan.

Deterononm 8:19

Si ou oubliy SENYER, ou Bondye pour swiv lezot bondye, servi zot e ador zot, mon pe averti ou solannelman ozordi ki ou pou disparet.

Ebre 12:15

Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.

Ebre 2:1

Pour sa rezon, nou bezwen port en pli gran latansyon pour mesaz ki nou'n tande, pour ki nou pa les nou ganny antrennen dan perdisyon.

Ebre 3:12

Mon bann frer ek ser! Fer byen atansyon ki personn parmi zot pa posed en leker vreman move, ki refize krwar, ki tourn son ledo avek Bondye vivan.

Ebre 4:1

Bondye in les nou sa promes konmkwa nou pou kapab antre dan son repo ki i'n prepare pour nou. Alor, annou fer byen atansyon ki personn parmi zot pa mank lokazyon antre dan sa repo.

Let Zak 1:26

Sa enn ki krwar i relizye, si i pa kontrol son langaz, i pe anbet son lekor: Son relizyon pa vo nanryen.

1 Zan 5:21

Mon bann pti zanfan! Prezerv zot kont bann zidol.

Revelasyon 12:9

Sa gran dragon, ti ganny zet deor. Li menm li sa serpan lantikite, ki apel dyab oubyen Satan, e ki tronp lemonn antye. I ti ganny zete lo later ansanm avek son bann lanz.

Revelasyon 13:14

Par sa bann mirak ki i ti'n ganny pouvwar fer dan prezans sa premye bebet, i ti tronp bann zabitan later. I ti demann zot fer en stati sa bebet ki ti'n ganny blese par lepe e ki'n reviv.

Revelasyon 20:4

Apre, mon ti war bann tronn. Sa bann ki ti pe asize lo tronn ti'n ganny pouvwar pou zize. Mon ti osi war bann ki ti'n ganny egzekite akoz temwannyaz Zezi ek Parol Bondye. Zot pa ti'n ador sa bebet ni son zimaz, e zot pa ti'n resevwar mark sa bebet lo zot fron, ni lo zot lanmen. Zot ti resisite e renny avek Kris pandan 1,000 an.

1 Samyel 12:20

Samyel ti dir lepep, “Pa bezwen per. Menm si zot in fer tou sa bann pese, kontinyen swiv SENYER e servi li avek tou zot leker.

1 Samyel 12:21

Pa tourn kont li pour swiv bann fo bondye ki pa servi dan nanryen, ni kapab delivre zot, akoz zot pa vo nanryen.