Sapáh Baih 8:4 - Parnai Yiang Sursĩ - Kinh Thánh tiếng Bru

⁴ Phĩac tễ crơng phuom tâng adéh ranễng ki yống yáng moat Yiang Sursĩ, phĩac ki chỗn muoi prớh cớp máh santoiq cũai ca puai ngê Yiang Sursĩ câu sễq.

Sapáh Baih 8:4 Iomraidhean Croise

Ũat Khễn 141:2

Cứq sễq anhia roap ĩt máh santoiq cứq câu yỗn cỡt samoât crơng phuom chiau sang yỗn anhia. Sễq anhia roap ĩt toâq cứq sacỡ atĩ bo câu yỗn cỡt samoât crơng chiau sang pên tabữ.

Loŏh Tễ Ê-yip-tô 30:1

“Cóq táq prông sang toâq aluang a-casia dŏq tacât crơng phuom.

Ngih Proai 7:62

savan yễng muoi bễng ntâng muoi culám muoi chít cram, dếh chóq poân crơng phuom hỡ;

Luca 1:10

Bo Sa-chari mut tacât crơng phuom, bữn clứng cũai ỡt rôm câu yáng tiah.

Ranáq Táq 10:4

Ma Cor-nai ngcŏh lứq. Án nhêng cloân níc chu ranễng ki, cớp án blớh neq: “Ncháu ơi! Ntrớu anhia ễ bữn cứq?” Ranễng Yiang Sursĩ ta‑ỡi án neq: “Yiang Sursĩ khoiq sâng chơ máh santoiq mới câu sễq tễ án. Cớp Yiang Sursĩ khoiq dáng tễ práq mới chuai máh cũai cadĩt. Ngkíq yuaq Yiang Sursĩ sanhữ níc mới.

Sapáh Baih 15:8

Chơ ang‑ữr Yiang Sursĩ cớp chớc án pláh chũop tâng dống sang Yiang Sursĩ samoât phĩac. Ngkíq tỡ bữn noau têq mut tâng dống sang ki toau moâm tapul ramứh túh coat toâq tễ atĩ tapul ranễng Yiang Sursĩ.

Sapáh Baih 8:3

Muoi ranễng ễn toâq tayứng cheq prông sang Yiang Sursĩ. Án yống muoi adéh yễng cacớt, cớp noau yỗn án bữn crơng phuom sa‑ữi lứq dŏq chiau sang yỗn Yiang Sursĩ tâng prông yễng ca ỡt yáng moat cachơng puo tacu. Án sang crơng phuom ki parnơi cớp máh santoiq cũai ca puai ngê Yiang Sursĩ khoiq câu.