Sapáh Baih 5:8 - Parnai Yiang Sursĩ - Kinh Thánh tiếng Bru

⁸ Bo án ĩt parnĩal, pỗn lám charán cớp bar chít la pỗn náq arieih thâu sacốh racớl yáng moat Cữu Con ki. Cớp dũ náq alới bữn manoaq muoi lám achúng, cớp manoaq muoi bễng tangan yễng. Tangan ki poân moang crơng phuom. Crơng phuom ki la máh santoiq cũai puai ngê Yiang Sursĩ khoiq câu.

Sapáh Baih 5:8 Iomraidhean Croise

Ũat Khễn 141:2

Cứq sễq anhia roap ĩt máh santoiq cứq câu yỗn cỡt samoât crơng phuom chiau sang yỗn anhia. Sễq anhia roap ĩt toâq cứq sacỡ atĩ bo câu yỗn cỡt samoât crơng chiau sang pên tabữ.

Ũat Khễn 150:3

Cóq khễn án na plóng lavia. Cóq khễn án na tapáih achúng túc ramứh.

Ũat Khễn 33:2

Cóq ũat khễn Yiang Sursĩ na tapáih achúng, na bot trua, cớp na cansái ũat dŏq sang Yiang Sursĩ.

Ũat Khễn 43:4

Chơ cứq pỡq toâq pỡ ntốq prông sang Yiang Sursĩ. Ơ Yiang Sursĩ ơi! Ống anhia toâp yỗn cứq bữn ŏ́c bũi óh lứq. Ơ Yiang Sursĩ la Ncháu cứq ơi! Cứq bũi ũat khễn anhia na cansái ũat cớp na sưong achúng.

Ũat Khễn 81:2

Cóq ũat toân sacơr, cớp cóq tapáih achúng.

Ngih Proai 7:62

savan yễng muoi bễng ntâng muoi culám muoi chít cram, dếh chóq poân crơng phuom hỡ;

Yang 1:29

Máh tangái parnỡ ễn, Yang hữm Yê-su toâq pỡ án. Yang pai neq: “Tíh! Anhia nhêng! Án la Cữu Con tễ Yiang Sursĩ. Án la riang charán noau kiac sang yỗn Yiang Sursĩ, dŏq Yiang Sursĩ táh lôih nheq tữh cũai.

Yang 5:23

Ngkíq, cũai aléq yoc ễ yám noap Mpoaq, cũai ki cóq yám noap Con machớng ki tê. Cũai aléq ma tỡ bữn yám noap Con, cũai ki tỡ bữn yám noap Mpoaq tê, án ca ớn Con toâq pỡ cutễq nâi.

Hê-brơ 1:6

Ma bo Yiang Sursĩ ễ yỗn Con clúng án toâq pỡ cutễq nâi, án pai neq: “Nheq tữh ranễng Yiang Sursĩ cóq sang toam Con ki.”

Sapáh Baih 13:8

Nheq tữh cũai ca ỡt tâng cốc cutễq ễ sang charán pla ki. Ống alới ca bữn ramứh tâng pơ saráq noau chĩc ramứh cũai ca tamoong mantái la tỡ bữn sang charán ki. Pơ saráq ki la khong Cữu Con ca khoiq chĩuq cuchĩt ĩn Yiang Sursĩ anoat yỗn án tễ nhũang Yiang Sursĩ tỡ yũah tễng muoi ramứh ntrớu.

Sapáh Baih 15:2

Cứq hữm ariang dỡq mưt noau táq toâq kếng carchốc cớp ũih, cớp bữn cũai tayứng kễng dỡq mưt ki. Máh cũai ki la cũai khoiq chíl riap charán pla cớp rup charán ki, cớp alới tỡ bữn bữn tếc thrỗq tang ramứh án. Alới tayứng kễng dỡq mưt, cớp alới yống achúng Yiang Sursĩ khoiq yỗn alới.

Sapáh Baih 15:7

Chơ muoi lám tễ pỗn charán ki, án chiau tapul ranễng ki manoaq muoi tangan yễng. Tapul tangan yễng ki la poân máh ramứh túh coat lứq, yuaq Yiang Sursĩ ca tamoong mantái sâng cutâu mứt lứq.

Sapáh Baih 19:4

Chơ, máh arieih thâu bar chít la pỗn náq, cớp pỗn lám charán, alới sacốh racớl sang toam Yiang Sursĩ, án ca tacu tâng cachơng puo, cớp alới pai neq: “Amen! Halê-luya!”

Sapáh Baih 4:10

bo ki arieih thâu bar chít la pỗn náq ki sacốh racớl yáng moat án ca tacu tâng cachơng puo, cớp alới sang toam án ca tamoong mantái níc. Alới pũot carvang vuam yễng tễ plỡ alới, chơ achúh dŏq bân ntốq puo tacu. Cớp alới pai neq:

Sapáh Baih 4:4

Ỡt mpễr cachơng puo tacu bữn bar chít la pỗn lám cachơng canŏ́h ễn. Cớp bữn bar chít la pỗn náq arieih thâu ỡt tacu tâng cachơng ki. Alới sớp tampâc cloc, cớp tapưng vuam yễng.

Sapáh Baih 4:6

Yáng moat ntốq puo tacu, cứq hữm kếng la‑a riang dỡq mưt, cớp raloang lứq. Bữn pỗn lám charán ỡt mpễr ntốq puo tacu. Pỗn lám charán ki bữn sa‑ữi moat, yoah moat cớp yoah clĩ.

Sapáh Baih 4:8

Dũ pỗn lám charán ki bữn tapoât lám khlap. Cớp tâng khlap alới bữn sa‑ữi moat, yoah tiah cớp yoah clống khlap. Tangái sadâu alới tỡ nai tangứt pai neq: “Bráh o, bráh o, bráh o lứq la Yiang Sursĩ Sốt Toâr Lứq. Án la Yiang ca tamoong mantái, tễ dâu toâq sanua, cớp toau sốt nheq dũ dỡi.”

Sapáh Baih 5:11

Bo cứq nhêng, cứq sâng sưong ranễng Yiang Sursĩ toâq ớc vêu tỡ rơi noap noâng. Alới ỡt pễr cachơng puo tacu, pễr pỗn lám charán, cớp pễr máh arieih thâu.

Sapáh Baih 5:12

Nheq tữh ranễng ki pai casang lứq neq: “Pĩeiq lứq noau yám noap, noau khễn, cớp noau sa‑ỡn Cữu Con ca noau khoiq cachĩt, yuaq án bữn chớc, bữn sốc bữn, bữn ŏ́c rangoaiq, bữn ŏ́c rêng, bữn noau yám noap, bữn ang‑ữr, cớp bữn noau khễn!”

Sapáh Baih 5:14

Chơ, pỗn lám charán ki pai neq: “Amen!” Cớp máh arieih thâu ki sacốh racớl cớp sang toam án.

Sapáh Baih 5:6

Cứq píh nhêng, chơ cứq hữm muoi lám Cữu Con tayứng bân mpứng dĩ cheq cachơng puo tacu. Pỗn lám charán cớp máh arieih thâu ỡt mpễr án. Cữu Con ki la samoât noau khoiq cachĩt án. Án bữn tapul lám tacoi cớp tapul ŏ́c moat. Moat án sacâm tễ tapul ngê Raviei Yiang Sursĩ chuai cũai. Yiang Sursĩ khoiq yỗn Raviei án loŏh chuai cũai chũop cốc cutễq nâi.

Sapáh Baih 6:1

Vớt ki cứq hữm Cữu Con ki cadŏh tếc muoi ca noau khoiq catếh ta tâng parnĩal choâiq ki. Cớp cứq sâng muoi lám tễ alới pỗn lám charán ki arô cứq neq: “Mới toâq pỡ nâi!” Sưong án la samoât crứm bubữr.