Sapáh Baih 4:10 - Parnai Yiang Sursĩ - Kinh Thánh tiếng Bru

¹⁰ bo ki arieih thâu bar chít la pỗn náq ki sacốh racớl yáng moat án ca tacu tâng cachơng puo, cớp alới sang toam án ca tamoong mantái níc. Alới pũot carvang vuam yễng tễ plỡ alới, chơ achúh dŏq bân ntốq puo tacu. Cớp alới pai neq:

Sapáh Baih 4:10 Iomraidhean Croise

Ruaih Loah Muoi 29:20

Chơ puo Davĩt ớn cũai proai neq: “Cóq anhia khễn Yiang Sursĩ la Ncháu anhia nơ!” Ngkíq máh cũai proai ki khễn Yiang Sursĩ, la Ncháu achúc achiac tỗp alới, dếh alới pũp crap cucốh yáng moat Yiang Sursĩ cớp puo tỗp alới.

Ruaih Loah Bar 7:3

Toâq cũai proai hữm ũih sễng tễ paloŏng cớp clũom nheq Dống Sang Toâr, ngkíq tỗp alới pũp asễng tâng cutễq cớp sang toam Yiang Sursĩ; alới sa‑ỡn neq: “Lứq khễn Yiang Sursĩ! Yuaq án o lứq, cớp án ayooq mantái níc.”

Yop 1:20

Chơ yóiq toâp Yop yuor tayứng cớp háq nheq tampâc án tâc, cỗ án sâng ngua lứq. Án cũah nheq sóc tâng plỡ cớp sacốh racớl tâng cutễq,

Ũat Khễn 115:1

Ơ Yiang Sursĩ ơi! Ống anhia toâp pĩeiq lứq noau khễn sa‑ữn, tỡ cỡn hếq mŏ; yuaq anhia ayooq níc cớp táq pĩeiq níc.

Ũat Khễn 47:8

Yiang Sursĩ tacu tâng cachơng puo dốq tacu. Tễ ntốq ki, án sốt nheq máh cruang cũai tâng cốc cutễq nâi.

Ũat Khễn 72:11

Lứq pĩeiq, máh puo cóq sacốh racớl choâng moat puo hếq, cớp cũai proai alới dũ náq cóq cỡt sũl puo hếq.

Ũat Khễn 95:6

Âu toâq! Cóq hái toâq pũp crap, sacốh racớl sang toam choâng moat Yiang Sursĩ, án ca tễng hái.

Ê-sai 6:1

Tâng cumo puo Usiah cuchĩt, cứq hữm Yiang Sursĩ tacu tâng cachơng puo. Án ca sốt toâr lứq; cớp tampâc án tâc clũom nheq tâng clống Dống Sang Toâr.

Daniel 12:7

Án ca tâc tampâc busín sacỡ bar coah atĩ chu paloŏng, chơ par‑ữq samoât lứq nhơ ramứh Yiang Sursĩ ca tamoong mantái níc. Cứq sâng án pai neq: “Tâng pái cumo tadĩ noau ễ padâm máh cũai proai Yiang Sursĩ, chơ vớt ki dũ ramứh nâi lứq cỡt.”

Daniel 4:34

Puo Nabũ-canêt-sa pai neq: “Toâq vớt tapul cumo, cứq Nabũ-canêt-sa tapoang achỗn chu paloŏng, cớp mứt cứq cỡt o loah patoat tiaq. Cứq khễn Yiang Sursĩ ca sốt clữi nheq tễ canŏ́h, cứq yám noap cớp sa‑ỡn án ca tamoong mantái níc. “Yiang Sursĩ lứq sốt mantái níc, cớp cruang án noâng níc sốt dỡi lơi cumo.

Mathia 2:11

Tữ alới mut tâng dống, alới hữm con ki cớp Mari, mpiq án. Alới sacốh racớl sang con ki. Chơ alới pớh hĩp ca bữn crơng ngoaih aloŏh yỗn con ki, bữn: yễng, trâm, cớp siet phuom.

Luca 24:52

Alới sang Yê-su; chơ alới chu loah pỡ vil Yaru-salem. Alới sâng bũi lứq.

Côr-ntô Muoi 15:10

Ma cứq bữn táq ranáq nâi cỗ Yiang Sursĩ chống ễ chuai miat cứq. Ma ŏ́c án chuai miat ki bữn kia tê, cỗ cứq táq ranáq Yiang Sursĩ cutóng hỡn tễ cũai ayững atĩ Yê-su Crĩt canŏ́h. Tỡ cỡn cứq têq táq ranáq ki, ma Yiang Sursĩ toâp chống chuai cứq; yuaq ngkíq, cứq têq táq ranáq ki.

Patâp Loah 32:40

Cứq la Yiang Sursĩ, án ca tamoong mantái níc! Cứq sacỡ atĩ achỗn cớp thễ dũan neq:

Sapáh Baih 10:6

Cớp án thễ dũan talếq ramứh Yiang Sursĩ ca tamoong mantái níc, án ca tễng paloŏng cớp dũ ramứh tâng ki, tễng cutễq cớp dũ ramứh tâng ki, tễng dỡq mưt cớp dũ ramứh tâng ki. Ranễng ki pai neq: “Péq chơ! Yiang Sursĩ tỡ bữn acoan noâng!

Sapáh Baih 11:16

Chơ alới bar chít la pỗn náq arieih thâu ca tacu yáng moat Yiang Sursĩ, alới sacốh racớl cớp sang toam Yiang Sursĩ.

Sapáh Baih 15:4

Ơ Ncháu ơi! Tỡ bữn noau ma tỡ bữn yám noap anhia. Cớp tỡ bữn noau ma tỡ bữn khễn ramứh anhia. Ống anhia toâp la bráh o lứq. Nỡ‑ra dũ cruang cũai toâq sang toam yáng moat anhia, yuaq alới hữm ranáq anhia táq la tanoang o.”

Sapáh Baih 15:7

Chơ muoi lám tễ pỗn charán ki, án chiau tapul ranễng ki manoaq muoi tangan yễng. Tapul tangan yễng ki la poân máh ramứh túh coat lứq, yuaq Yiang Sursĩ ca tamoong mantái sâng cutâu mứt lứq.

Sapáh Baih 19:4

Chơ, máh arieih thâu bar chít la pỗn náq, cớp pỗn lám charán, alới sacốh racớl sang toam Yiang Sursĩ, án ca tacu tâng cachơng puo, cớp alới pai neq: “Amen! Halê-luya!”

Sapáh Baih 4:2

Bo ki toâp Raviei Yiang Sursĩ cỡt sốt tâng mứt pahỡm cứq. Chơ cứq hữm muoi cachơng puo dốq tacu tâng paloŏng. Cớp cứq hữm manoaq ỡt tacu tâng cachơng ki.

Sapáh Baih 4:4

Ỡt mpễr cachơng puo tacu bữn bar chít la pỗn lám cachơng canŏ́h ễn. Cớp bữn bar chít la pỗn náq arieih thâu ỡt tacu tâng cachơng ki. Alới sớp tampâc cloc, cớp tapưng vuam yễng.

Sapáh Baih 4:9

Bo pỗn lám charán ki khễn, yám noap, cớp sa‑ỡn án ca tacu tâng cachơng puo, la án ca tamoong mantái níc,

Sapáh Baih 5:14

Chơ, pỗn lám charán ki pai neq: “Amen!” Cớp máh arieih thâu ki sacốh racớl cớp sang toam án.

Sapáh Baih 5:8

Bo án ĩt parnĩal, pỗn lám charán cớp bar chít la pỗn náq arieih thâu sacốh racớl yáng moat Cữu Con ki. Cớp dũ náq alới bữn manoaq muoi lám achúng, cớp manoaq muoi bễng tangan yễng. Tangan ki poân moang crơng phuom. Crơng phuom ki la máh santoiq cũai puai ngê Yiang Sursĩ khoiq câu.

Sapáh Baih 7:11

Ngkíq nheq tữh ranễng Yiang Sursĩ ỡt tayứng mpễr cachơng puo tacu, mpễr máh arieih thâu cớp pỗn lám charán. Chơ nheq tữh ranễng ki sacốh racớl yáng moat cachơng puo tacu, cớp alới sang Yiang Sursĩ, pai neq: