Sapáh Baih 17:15 - Parnai Yiang Sursĩ - Kinh Thánh tiếng Bru

¹⁵ Cớp ranễng ki atỡng cứq ễn neq: “Ntốq bữn sa‑ữi dỡq ca mới khoiq hữm mansễm ca chếq tỗ tacu, dỡq ki sacâm tễ dũ thữ cũai, dũ tỗp cũai, dũ cruang cũai, cớp dũ parnai cũai.

Sapáh Baih 17:15 Iomraidhean Croise

Ũat Khễn 18:4

Sarnŏ́q tễ ŏ́c cuchĩt pĩal sarớt cứq. Canoâq tễ ŏ́c cachĩt clũom catứp cứq tỡ nai tangứt noâng.

Ũat Khễn 65:7

Anhia sưoq dỡq mưt cớp dỡq lampóh rloâm-rlức, dếh máh cruang tâng cốc cutễq nâi hỡ; chơ máh ramứh ki ỡt rangiac nheq.

Yê-ramia 47:2

“Nhêng tíh! Dỡq ntôm clưn tễ coah angia pỡng, cớp hoi coar rêng lứq samoât crỗng lut nheq cruang ki, dếh máh vil cớp cũai proai tâng vil ki. Cũai proai hễr cu‑ỗi sễq yỗn noau rachuai; dũ náq cũai tâng cruang nâi nhiam nhit cỗ sâng túh ngua.

Yê-ramia 51:13

Cruang Ba-bulôn bữn sa‑ữi crỗng, cớp bữn sanốc ntữn sa‑ữi lứq. Ma khoiq toâq ngư parsốt chơ yỗn cruang ki, cớp dỡi tamoong án khoiq noau cứt táh.

Yê-ramia 51:42

Dỡq mưt clưn clũom nheq cruang Ba-bulôn, cớp dỡq mưt canoâq hỗ rloâm-rlức culuah cũat nheq cruang ki.

Yê-ramia 51:55

Cứq talốh cruang Ba-bulôn yỗn án cỡt ntốq rangiac. Poâl tahan mut tưn-ưn tâng vil samoât dỡq mưt canoâq rêng lứq; sưong alới ralông casang lứq.

Ê-sakiel 31:4

Bữn dỡq mec yarũ dŏq amia aluang nâi yỗn cỡt toâr; cớp bữn dỡq tũm hỡ dŏq amia máh aluang tâng sarứng.

Sapáh Baih 10:11

Chơ ranễng ki atỡng cứq neq: “Cóq mới pỡq atỡng tang bỗq Yiang Sursĩ máh parnai án ễ atỡng tễ sa‑ữi tỗp cũai, sa‑ữi cruang, sa‑ữi parnai, cớp sa‑ữi puo.”

Sapáh Baih 11:9

Bữn cũai tễ dũ thữ cũai, dũ tỗp cũai, dũ parnai cũai, cớp dũ cruang cũai, nheq tữh alới lứq hữm tỗ bar náq ki nheq pái tangái tadĩ. Cớp alới tỡ yỗn noau tứp cumuiq bar náq ki.

Sapáh Baih 17:1

Moâm ki, bữn muoi noaq tễ tapul náq ranễng Yiang Sursĩ ca yống tapul tangan ki, án toâq pỡ cứq cớp pai neq: “Mới toâq pỡ nâi! Cứq ễ yỗn mới hữm ranáq ntrớu Yiang Sursĩ ễ táq chóq mansễm ca tacu tâng ntốq bữn sa‑ữi dỡq, cỗ ễ chếq tỗ án.

Sapáh Baih 5:9

Cớp dũ náq alới ũat cansái ũat tamái neq: “Pĩeiq lứq anhia roap ĩt parnĩal choâiq ki. Cớp pĩeiq lứq anhia cadŏh tếc noau khoiq catếh ta cớp pớh parnĩal ki. Yuaq anhia khoiq noau cachĩt chơ. Cớp aham anhia loŏh dŏq thái máh cũai yỗn têq ỡt parnơi cớp Yiang Sursĩ. Anhia thái cũai tễ dũ tỗp, dũ parnai, dũ thữ cũai, cớp dũ cruang.