พีลิบปี 4:16 - บรูดงหลวง

¹⁶ เจอ​แม​แต​นึง​ซวง​นาก็​อังกอะ​อัอด​นึง​เมือง​เทซะโลนิกา​อะกี ‍ อัมไป​ก็​อะซวย​อันเตริวแม​อะตัอะ​ออ์น​กึ​แอน​ตัง​บาล​ตูอ ‍ เพือ​ซี​จูอย​นึง​เนว​นาก็​อังกอะ​คาด ‍

พีลิบปี 4:16 Iomraidhean Croise

กิดจะกาน 17:1

เจอ​เปาโล​กับ​ซีลาด​ก็​ปัอะ​พา​เมือง​อัมพีบุรี​กับ​เมือง​อะปอลโลเนีย ‍ ปัอะ​จน​ตัอะ​เมือง​เทซะโลนิกา ‍ เจอ​ก็​แวฮ​อัอด​ตี​กี ‍ นึง​เมือง​เทซะโลนิกา​อะไน​เบิน​ซาลา​เรียน​คอง​กวย​อิซราเอล​นืยะ ‍

1 เทซะโลนิกา 2:18

มิด​มะเฮะ​อี​ปัอะ​จอ์ะ​อัมไป​อะเลอ ‍ เจอ​อังกอะ​เปาโล ‍ ก็​เพะ​อี​ปัอะ ‍ เพะ​เจอ​ก็​เพะ​แอน ‍ ฮัก​มาน​ซาตาน​บัด​กะต็าง​อะนา​ตัอ​ออ์น​มะเฮะ​เบิน​ปัอะ​จอ์ะ​อัมไป ‍

1 เทซะโลนิกา 2:9

แซมอัอย​เอย ‍ นึง​ซวง​นาก็​มะเฮะ​อัอด​นึง​อัมไป​อะกี ‍ อัมไป​ก็​โฮม​นึง​ซีวิด​คอง​มะเฮะ​แตวา​ปาย ‍ มะเฮะ​อะยอ์ะ​อัมไป​ซำ​ลาะ ‍ มะเฮะ​ตน​ตุฮ​ตน​นะนุฮ ‍ ญอม​ตาะ​เวียะ​ทัง​จะไง​ทัง​ซะเดา ‍ เพือ​ซี​เบิน​เวา​คาวดี​เรือง​คอง​พูซาง​ออ์น​อัมไป​เบิน​ด็าง ‍ เจอ​ซี​เบิน​เวา​แบบ​ตัอ​ออ์น​อัมไป​ตอง​นะนุฮ​ญูอน​มะเฮะ ‍

ทิตัด 3:14

เจอ​ไฮ​กู​นาะ​ก็​ควน​ซี​จูอย​นังนึ ‍ ตาะ​เนว​จับ​เนว​ออ ‍ ไฮ​ควน​ซี​จูอย​กวย​กู​นาะ​นาก็​คาด​นาก็​ตัอ​เบิน​อะไน​อะกี ‍ ออ์น​ไฮ​ตาะ​มัง​เนว​นาก็​ซี​ปัน​ปะโยด​กับ​มู​ญิ​กู​นาะ ‍