พีลิบปี 4:10 - บรูดงหลวง

¹⁰ อัมไป​ตาะ​ออ์น​อังกอะ​โฮม​ซัดเจน​แอน​เจอ ‍ ปาย​อัมไป​นัง​ปัน​ฮวง​อังกอะ​อัอด ‍ ดูน​เจอ​นาก็​อัมไป​ตุน​ตาะ​แบบ​ไน ‍ ฮัก​ก็​ตัอ​มีน​ดัก​ปาย​อัมไป​แปะ​ปัน​ฮวง​อังกอะ ‍ อัมไป​มัฮ​ก็​ตัอ​เบิน​โอกาด​ซี​ซะแดง​ออ์น​อังกอะ​โฮม​ซัง ‍ นาก็​อัมไป​จูอย​อังกอะ​แบบ​ไน ‍ ตาะ​ออ์น​อังกอะ​รูอะ​นึง​มิด​อะเลอ ‍ เจอ​อังกอะ​ก็​คอบคุน​พะเยซู​พู​นาก็​ปัน​นีาย​คอง​ไฮ ‍

พีลิบปี 4:10 Iomraidhean Croise

2 โคริน 11:9

เจอ​นึง​ซวง​นาก็​อังกอะ​อัอด​นึง​อัมไป​อะกี ‍ ค็าน​อังกอะ​คาด​อันเตริว ‍ อังกอะ​ก็​ตุน​ออ์น​อัมไป​นะนุฮ​ญูอน​อังกอะ​ไง ‍ ฮัก​ปัน​แซมอัอย​นาก็​ตัอะ​ตี​เคด​มาซิโดเนีย ‍ พู​นาก็​ตัอะ​แมะ​ไฮ​อะกี​ออยะ ‍ นาก็​จูอย​อังกอะ​ตาม​เนว​นาก็​อังกอะ​คาด ‍ อังกอะ​ตัอ​เกย​ตาะ​ออ์น​อัมไป​ตอง​นะนุฮ​ญูอน​อังกอะ​ไง ‍ เจอ​อังกอะ​ก็​นัง​ซี​ออ์น​อัน​ปัน​อังกิ​เลือย ๆ ‍

2 โคริน 6:7

มะเฮะ​เวา​มัง​คูอม​จิง​เรือง​คอง​พูซาง​นึง​ริด​นึง​อำนาด​นาก็​พูซาง​ออ์น​กับ​มะเฮะ ‍ ซีวิด​คอง​มะเฮะ​เบิน​มัง​เนว​จับ​เนว​ออ ‍ จน​เปรียบเทียบ​กือ​อาวุด​นาก็​มะเฮะ​ซี​ปัน​ตัก​เพือ​ซี​ซู ‍ เจอ​ก็​เพือ​ซี​ปองกัน​ตอ์​คอง​มะเฮะ​ปรูอม

กาลาเทีย 6:10

ค็าน​อังกิ​เจอ ‍ ออ์น​ไฮ​ตาะ​มัง​เนว​จับ​เนว​ออ​กับ​กวย​กู​นาะ​เดอ ‍ ตัอ​ปาย​เวลา​อะลาะ​ก็​ตาม ‍ ค็าน​ปัน​มู​นาก็​เจือ​นึง​พะเยซู​มะนืย​กับ​ไฮ ‍ ก็​ออ์น​ไฮ​แฮง​คะญัน​อี​จูอย​อะไล ‍

กาลาเทีย 6:6

เจอ​ออ์น​ไฮ​อัมแปะ​เนว​อัอด​เนว​จีา​กับ​พู​นาก็​อะเรียน​คูอม​เวา​คอง​พูซาง​นืยะ​เดอ ‍

พีลิบปี 1:1

มะเฮะ​เปาโล​กับ​ทิโมที​เดอ ‍ นาก็​เคียน​จดมาย​ซะบับ​ไน ‍ อะซวย​อะปัอะ​จอ์ะ​อัมไป​กู​นาะ​นาก็​ปัน​กวย​ซักซิด​คอง​พะเยซู​คริด​นาก็​อัอด​นึง​เมือง​พีลิบปี ‍ อัมปรูอม​ทัง​อัมไป​นาก็​ปัน​พูนำ​กับ​มักคะนายก​นึง​คริดซะจัก​ตี​กี ‍ อัมไป​ก็​ด็าง​เจอ​ปาย​อังกอะ​กับ​ทิโมที​ปัน​ทาด​ปัน​กวยไซ​คอง​พะเยซู​คริด ‍

พีลิบปี 1:3

บัด​อังกอะ​กึด​จอ์ะ​อัมไป​ฮาลาะ ‍ อังกอะ​ก็​คอบคุน​พูซาง​เพือ​อัมไป​กู​กะเตือ ‍

พีลิบปี 2:30

อัน​รับไซ​พะเยซู​คริด​จน​แจะ​ซี​กะเจด ‍ อัน​ปัน​ตัวแทน​คอง​อัมไป ‍ จูอย​อังกอะ​นึง​เนว​นาก็​อังกอะ​คาด ‍ จูอย​อังกอะ​ก็าก​จน​ญอม​ซี​ซะลาะ​ซีวิด​คอง​อัน​เตฮ​ออยะ ‍ อังกิ​อัมไป​จัง​ซมควน​ซี​ออ์น​เกียด​อัน ‍