Tàyìtùrzì 2:3 - Mokpwe: Bakwery (New Testament)

³ Ŋgànà hvɔ̀kɔ hvɛ mɛnɛ, o òkolɛ hwàwululu hwa hwalanà o lì gbeyà hweyà nyayi ema e ŋgbàà Lohwɛ̀ èluhwe o tɔ̀ mamɛ ema wɔ̀ hwa gbeyà. O hwa ohweyà nanù ema hwa rzi keka lì inda tɔ̀ mòtò, hwa rzi aŋgbɛ wɔ hwiti o lì nyɔ mimba emà mà hwa wòmirzɛ̀. Ndi o hwa ohweyà nanù ema hwa okòlɛ̀ hwatò hweyà ema hwe hvomɛ̀nɛ̀.

Tàyìtùrzì 2:3 Iomraidhean Croise

Ròmànì 1:29

Wɔ̀ hwa òndanɛ nà inyàyi jà arzɛ jà wòhwe ò mèèmà mè awu. Hwa hwèlì ekɔ̀nì, hwa hwèlì wɔ̀ɔ̀, hwa uŋmɛ̀lɛ̀ ŋmèma mò wòhwe, hwa àwòndànɛ̀ ìnòna, hwa òŋwa hwatò, hwa lìŋgàni mòhvùŋgu, hwa lìŋgàni jɔ̀ɔ̀nji, hwa òndi mèhvìlì, hwa lìŋgàni lì inda hwatò.

Ròmànì 16:2

È mò karzɛ ò lìna la ama e Rzàŋgò, na òma hwatò hwa ama Lohwɛ̀ hwa àŋgàmɛ̀nɛ̀yi lì gbeyà. Ndeŋgànɛ̀lɛ̀ e mò ŋgbe tɔ̀ ima lòŋgòwanɛ ema mɔ̀ à tànɛyi lì e arzana. È hwiye nanù ema mɔ̀ ŋmìti hvɛ à mà lòma lì òŋgòwàna lòŋgò la hwatò ndèŋgànɛ̀lɛ̀ mò à mà nò òŋgòwànà tɔ̀ imba mbiti.

Ɛ̀hvìrzìyà 5:3

Nà oma e hwèlì ndi hwatò hwa ama Lohwɛ̀ o rza lɔ̀wu nanù ema e gbeye mòrzònje, tɔ̀ inyɔ o lì gbeyà hweyà hwe mbindo tɔ̀ lì hwɛ wɔ̀ɔ̀. Ini nyayi ja hweyà i rza lɔ̀wu lì hwɛ̀ɛnɛ o ìtììtènì ja anyu.

1 Tìmotì 3:11

Tɔ̀ hwàalanà hwa hwànu wunyanà, wɔ̀ hvɛ hwa àŋgàmɛ̀nɛ̀yi lì hwɛnɛ ɛ̀ɛ̀mɛ̀ ya gbamù. Wɔ̀ hwa rza hwɛni lì hwɛ hwalana ema hwa inda hwatò, hwa hwɛ hvɛ lì alɛ̀mbɛnɛ, hwa hwɛ hvɛ ndi hwalana ema hwatò wa hwɛni lì lòkɛ̀ tɔ̀ mamɛ ema hwa gbeyà.

1 Tìmotì 3:8

Hwatò ema hwa oŋgowàna o lì gbèeyà èwòlò ò ŋmèmba hwa hwɛni ndi lì hwɛnɛ ɛ̀ɛ̀mɛ̀ ya gbamù na o lì hwɛ hwatò ema hwa ohwa hweyà na ŋmèma mɔ̀kɔ. Hwa rza hwɛni lì hwɛ hwatò hwa mboma, tɔ̀ lì hwɛ hwatò ema hwa hwèlì njɔ̀ŋgu ya wolì.

1 Tìmotì 5:23

O rzi lìmeya ndi o lì nyɔ la malìhwa mɛnɛ, o nyɔ hvɛ hwàna mimba aŋga nanù luuŋga la aŋgɔ̀ ema lì yɔki lì o anana lì kuwa.

Tàyìtùrzì 1:7

Kànàtɛ e mòtimbèlì wa ŋmèmba ndi à kànèyà ewòlo ya ama Lohwɛ̀, a àŋgàmɛ̀nɛ̀yi ndi lì hwɛ mòtò ema a rza ohvɛ tɔ̀ njɔ̀mi. A àŋgàmɛ̀nɛ̀ ndi lì hwɛ mòtò ema a rza enje lìhvàma, na mòtò ema a ambi lì tata. A rza àŋgàmɛ̀nɛ̀ lì hwɛ mòtò ema a aŋgbɛ mɔ̀ ŋmìti o lì nyɔ la mimba, tɔ̀ mòtò ema a jànà mòhvùŋgu. Ndèŋgànɛ̀lɛ̀ a rza àŋgàmɛ̀nɛ̀ lì hwɛ njɔ̀ŋgu.

Tàyìtùrzì 2:4

Hwa a gbeyà hwene hweyà aŋga nanù wɔ̀ hwa o tanɛ o lì okolɛ̀ meleka me hwalanà nɛ hwa àŋgàmɛ̀nɛ̀ lì hwɛneya mèjòmɛ̀ na hwàanà hwa awu e ndìŋgɛ.

Hibrù 5:12

Nà ohwa ndi nanù ehwànja, ò nàŋgɛ inyɔ è mà àŋgàmɛ̀nɛ̀ ndi lì hwɛ hwatò ema hwa okòlɛ hwahvɛhvɛ hwatò. Ndi hwa àŋgàmɛ̀nɛ̀ o lì e okolɛ hvɛ, hweyà ema inyɔ̀ e ma màa lì hwiya lì hvomɛ̀nɛ̀ ŋmɛ̀ndì mo ama Lohwɛ̀. È hwèlì ndi nàa mɛɛŋgɛ me hwanà ema hwa arza ndi lì nyɔ̀ŋgìrzɛhwɛ, rzeketɛ mòlelì ema mo eti.

Hwèwulùwèlì 2:20

Mamɛ ema imba nà ohwa ò lì è teŋgɛ̀nɛ̀ è hwèlì ndi nanù ema, inyɔ e àjùlɛ̀nɛ̀ òŋgo molanà ema à hwɛ̀lɛ̀hwɛ̀ Jèrzɛ̀bɛ̀lì à àhwɛ̀lɛ̀hwɛ̀ mɔ̀ ŋmìti nanù ema à hwèlì ndi mòòhwèlì wà èlìŋgɛ̀ wà molanà wà ama Lohwɛ̀. Mɔ̀ à okòlɛ nà lì ɔnjɔ hwàgbèèlì wà ami ema wɔ̀ hwa gbeyà hweyà hwe mòrzònje, nà ò lì làa mòlelì ema hwa ŋgbàà mahvɛhvɛ mohwà nàa jàhwèyà.