Makòrzì 9:3 - Mokpwe: Bakwery (New Testament)

³ È mbɔ̀ti yà èni è mà tìmba ndì mbɔ̀mi yà ŋmàye mò rzɛ̀ŋgɛ-rzɛ̀ŋgɛ lì aka nà lìmɛ̀nì. È ma tana lì aka wòtani wò jòwa ja kɛlɛndɛndɛ, ema tɔ̀ mòtò wa anù rze a rza tanɛ lì rzàŋgirzɛ.

Makòrzì 9:3 Iomraidhean Croise

Matiyò 28:3

Wòrzò wò ama eŋge aŋgèlì wò ma hvaya ndi nàa lìŋmɛ̀tiŋmɛ̀ti, lìwɔtì la eni hvɛ lì ma ɛneya ndi rzìlìhwà.

Makòrzì 9:4

Hwà-òkòwèlì hwa ama Yerzù rzìi hwa ɛnɛ Èlàyijà nà Mòrzè hwa wurzi, rzìi hwa òhwìrzɛ̀nɛ̀ Yerzù.

Lukàrzɛ̀ 9:29

Nà òmà a mà hwɛ lì kanɛ̀, wòrzò wa eni wò mà ayèŋgòwɛ̀. Mòŋgòmbè mò eni hvɛ mò mà ayèŋgòwɛ̀ mbɔmi yà ŋmàye mò rzɛ̀ŋgɛ-rzɛ̀ŋgɛ.

Hwègbèèlì 10:30

Kɔ̀nɛ̀lìyùrzì rzìi à tìmbìrzɛ̀lɛ̀lɛ̀ nanù ema, “Mèènyà mè iyàwò ema mè mà aka, nà mà hwɛ lì kanɛ̀ ò ndawò yà ami, ò lìni lìrzàkò là ŋgɛ̀ŋgi iyàwò jà ŋmèrze, lìwòkimɛnɛ mòtò ema à mà wɔtɔ̀ lìwɔtì là kɛ̀ŋgɛ̀ŋgɛ̀ rzìi à nò tɛ̀meyà ò wòrzò,

Hwèwulùwèlì 19:18

Inyɛ̀ e jèe e lee inyàmà nyo ja ikìŋgɛ, inyàmà nyo ja hwàkànèlì hwa hwààna njuma, inyàmà nyo ja hwatò hwa màyìmbì, inyàmà nyo ja iwɔ̀rzi na inyàmà nyo ja hwatò ema hwa ji lìyayi o ŋmanyu, e jèe e lee inyàmà nyo ja hwatò hwa hwènàmà hwa arzɛ, inyàmà nyo ja iwònjà na hwàkòmì, hwatò ema hwa hwèlì wòlìto na hwaŋga ema hwa rza enje wòlìto.”

Hwèwulùwèlì 7:14

Nà ma mo timbirzɛlɛlɛ nanù ema, “Ìi rzàŋgo kòkò, o wa ndi o hwi.” Rzìi à no òhweyà nanù ema, “Hwatò hwanù ema hwa karzo ò tenì ya metàkirzɛnɛ mendɛnɛ. Wɔ̀ hwà mà rzorza meŋgombe me awu na màyija ma ama e Ŋguma ya Mɔ̀lɛ̀ŋgù o lì me timbirzɛ mbɔ̀mi.

Hwèwulùwèlì 7:9

Ò mburzà yà hwenè hweyà hwe arzɛ, ɔndi nà à ɛnɛ ŋgìndì ndɛnɛ yà hwatò. Hwa mà kòka nyayi ema tɔ̀ mòtò à rzìi tànɛ ò lì hwa aŋga. Hwa mà uwɛ̀lɛ̀lɛ̀yi ò èkomè nà èkomè, hwa mà uwɛ̀lɛ̀lɛ̀yi ò màtumba nà màtumba, hwa mà hwɛ inyayi ja hwatò jà arzɛ rzìi hwa à ohwa hvɛ ò ihvɛhvɛ mbɔrzi. Hwa mà tɛ̀mɛ̀ ò worzo wò è konda yà lìkànèyà nà ò worzo wò è Ŋguma yà Mɔ̀lɛ̀ŋgù. Hwa mà wɔtɔ̀ meŋgombe mè mbɔ̀mi rzìi hwa tɛtɛ hvɛ ì nyàŋgo ò màa mà awu.