Makòrzì 8:2 - Mokpwe: Bakwery (New Testament)

² “Nà òkeya hwanù hwatò ììlì. Èhwanja hwà mà hwɛ anù na imba mèènyà meyawò, hwa rzi lelì tɔ̀ yòma.

Makòrzì 8:2 Iomraidhean Croise

Matiyò 14:14

È hvònda Yerzù à mà rzihwe ò wɔ̀lɔ̀, rzìi à ɛnɛ ŋgìndì ndɛ̀nɛ̀ yà hwatò. À mà hwa kpèeyà ììlì rzìi à wɔ̀wìrzɛ̀ hwaŋga ema hwa mà ɔ̀kirzɛ̀.

Matiyò 20:34

Yerzù à mà hwa òkeya ììlì, rzi a hwa hwàkɛ̀ màà mà eni ò mirzɔ̀ ma awu. Lìwòkìmɛ̀nɛ̀ rzi hwa wòteyà lì ɛnɛ̀ rzìi hwa mò òŋgama.

Matiyò 9:36

È hvònda Yerzù à mà ɛnɛ è ŋgìndì, à mà è òkeyà ììlì rzayi-rzayi. Èhwanja hwa mà tàkirzɛhwɛ, hwa rza òhve hvɛ tɔ̀ lì òŋgòwànà. Hwa mà hwɛ ndi nàa mɛ̀ɛ̀lɛ̀ŋgù ema me rza òhvɛɛ mɔ̀ɔ̀ŋgèlì.

Makòrzì 1:41

Yerzù à mà òkeya òŋgò mòtò ììlì rzìi à enyòwa lìya là eni, à lì hwàkɛ òŋgò mòtò ò nyò yà eni, à òhwa nanù ema, “Nà lìŋgàni, rzàŋga!”

Makòrzì 5:19

Yerzù a rzì mò ŋgbè wònjà, ndi à mà mò òhweyà nanù ema, “Ɛndɛ ò timbe ò mbòwà ya aŋgɔ̀. O òhweyà hwatò hwa aŋgɔ̀ Èya ndɛnɛ ema è Rzàŋgò e ò gbèelì, nà nɛ a ò kòmelì ììlì ja eni.”

Makòrzì 6:32

Hwa mà kpèeyà ò wɔ̀lɔ̀ rzi hwa ɛ̀ndɛ ò èki yà ŋmɛ̀ɛ.

Makòrzì 6:34

È hvònda Yerzù à mà ùke aŋga à mà ùŋma ŋgìndì ndɛ̀nɛ̀ yà hwatò. À mà hwa òkeya ììlì rzayì-rzayì, èhwanja hwa mà hwɛ ndi nàa mɛ̀ɛ̀lɛ̀ŋgù ema mè rza òhvɛɛ mɔ̀ɔ̀ŋgèlì. Ò èŋgànɛ̀lɛ̀ à mà wòteya lì hwa òkòlɛ̀ hweyà rzayì-rzayì.

Makòrzì 8:3

Nà hwa òhwèlì tɛ ema hwa ɛ̀ndɛ ò màandà mà awu nà e njàwò, lòŋgò la awu hwa tànɛ̀yi lì rzòòwà ò njiya èhwanja lòŋgò la awu hwa uhwɛlɛlɛ hwèki hwe rzɔlɛnɛyi.”

Makòrzì 9:22

Hvònda tɛ èŋge èlìŋgɛ̀ è mò hvimba ò mùnya nà ò màlìhwa, ò lì mò òŋwa. O tànɛyi tɛ lì gbeyà eyà, ò jò òkeya ììlì, ò jò òŋgòwane.”

Lukàrzɛ̀ 15:20

“Òŋgò ŋmanà rzìi a anjiya, a tìmba, lì ùŋmà rzàŋgɛ̀. O hwètìmbelì hwe eni, na òma a mà kòmbɛ̀nɛ̀ ò lì ukà ò ndawò yà àma rzàŋgɛ. Rzàŋgɛ rzìi a mò ɛnɛ̀, a mò òkeyà ììlì. A ma hwaŋga lì ɛ̀ndɛ lì mò arzàŋgànɛ̀lɛ̀.

Lukàrzɛ̀ 7:13

Nà òmà Yerzù a mà ɛ̀nɛ mòŋgò mòkurze mò mòlanà, à mà mò òkeyà ììlì, rzìi a mò òhweyà nanù ema, “Ò rza eyà hvɛ!”

Hibrù 2:17

O eŋgànɛ̀lɛ̀ rzɔ̀, e ma àŋgàmɛ̀nɛ̀ lì hwɛ nanù ema Yerzù a hwɛ nàa wònyànyàŋgò hwa eni o hweyà hwe arzɛ, aŋga nanù mɔ̀ à hwɛ e Pìlìrzì e kàrzàmi, ema e ohvi ŋmèma mo ììlì ndèŋgànɛ̀lɛ̀ a hwèlì ndi mòtò ema hwa tanɛyi lì ika mèèmà me awu. Nà oma mɔ̀ à gbèeyà Lohwɛ̀, à mà gbeyà Lohwɛ̀ à mà làkìrzɛ̀ hwatò wòhwe wo awu.

Hibrù 4:15

Ì hwɛnì è Pìlìrzì è kàrzàmi ema è jò òkeya ììlì. Èhwànja mɔ̀ à mà kèkìrzɛ̀hwɛ̀ ŋgana hvɔ̀kɔ nà oma irzɔ hvɛ ì mà kèkìrzɛ̀hwɛ̀, tɔ̀ nɛ mɔ̀ à rzìi gbèyɛ tɔ̀ wòhwe tɔ̀ wɔ̀kɔ.

Hibrù 5:2

O àjùlɛ̀nɛ̀ hwatò ema hwà mà hvònda e njiya, ehwànja wɔ̀ hwa rza hwi hweyà ema hwa gbeyà, ndèŋgànɛ̀lɛ̀ mɔ̀ hvɛ a hwèlì ndi e mòtò wa hwènàmà ndeŋga ehwànja mɔ̀ hvɛ a ohvi màtona.