Makòrzì 7:4 - Mokpwe: Bakwery (New Testament)

⁴ Mòtò ema à uhwɛlɛlɛ ò èlùwà, a rza tanɛ̀yi lì làa mòlèlì, e rzi hwɛ ema mɔ̀ à ɔki màlìhwa. Wɔ̀ hwa mà ika hvɛ hwɛ̀ɛ̀mɛ̀ hwe awu hwe rzayì-rzayì, nàa ò lì rzòrza la màwònde, hwèyɔ̀ŋgɔ̀, ìkòmbò ja hwɛ̀ɛkɛ na ì kètèlì.

Makòrzì 7:4 Iomraidhean Croise

Matiyò 23:25

“Mòjèmà na inyɔ Hwà-òkòlèlì hwa mbenda, nà Ihvàlìrzàyì, inyɔ hwatò hwa mèhvìlì! È rzàŋgirzɛ i mburzà ja mawònde na hwewòki, ndi i tenì ja awu jò òndi ndi na hwèèmà ema inyɔ e ma hvùmàne hwatò nà njɔ̀ŋgu.

Matiyò 23:26

Inyɔ Ihvàlìrzàyì ja ndima! È lòme lì rzàŋgirzɛ e tenì ya mawònde na hwewòki ndèŋgànà i mburzà i rzàŋgirzɛhwɛ.

Matiyò 27:24

Nà òmà Pìlatò a mà ɛnɛ nanù ema mɔ̀ à rzi tànɛyi ò lì gbeyà tɔ̀ eyà, ndèŋgànà ema ò tànɛyi lì hwɛ lùwànje, rzìi à wòwa màlìhwà à rzòrza màa me eni ò wòrzò wò e ŋgindi rzìi a òhwà nanù emà, “Maà mà ami ma rza enje ò e kpelì yà amà ònò mòtò. Ène eyà e ɔŋgɔ̀ ndi inyɔ.”

Makòrzì 7:8

È ma hwɛmɛ̀ ì mbenda ja ama Lohwɛ̀ rzìi e nɔ̀ŋgi ndi hwèyòkòlèlì hwe hwatò.”

Yòwanìrzɛ̀ 2:6

O ma tɛ̀mɛ̀ hwèyɔ̀ŋgɔ̀ mòtòhwa aŋga ema hwe ma hvòmàhwa na màŋyàyi. Lìŋgi lìtumba la hwèyɔ̀ŋgɔ̀ lɔ̀ ndi hwatò hwa Yudà hwà mà gbeyàna ò lì arzòrzɛ ndèŋgàna hwe e kànɛ̀. Tɔ̀ ima jɔ̀ŋgɔ̀ ima tànɛ lì hwanɛ̀ eyà ya egbe yɔ̀kɔ ya malìtà mà màlìhwa.

Yòwanìrzɛ̀ 3:25

O èŋge hvònda mɛnɛ ò ma wurza hvenda lì teŋgɛ̀nɛ̀ lòŋgò la Hwà-òkòwèlì hwa ama Yòwanìrzɛ̀ na mòtò mɔ̀kɔ hwa wònyà Yudà lì hvòmɛ̀nɛ̀ lìrzàŋgìrzɛ̀ la nyɔ nàa ɛ̀ɛ̀mɛ̀ ya wònyà Yudà.

Hibrù 9:10

Ini mbenda ja arzɛ i ma hwɛ ndi mbenda ja hwèlèèlì na hwènyɔ̀ɔ̀nì na hwehvɛhvɛ hweyà rzayi-rzayi ema hwatò hwà mà gbeeye o lì arzàŋgìrzɛ̀ wɔ̀ hwiti. Ini mbenda ja arzɛ i hwèlì ndi imbenda ja e nyàma ya nyo ema jo o kuwɛ e hvonda ema Lohwɛ̀ a o rzèeya hweyà hwe arzɛ.

Jèmìrzì 4:8

È jèe e kombɛ̀nɛ̀ Lohwɛ̀ aŋga nanù mɔ̀ hvɛ a e kombɛ̀nɛ̀. Inyɔ̀ hwatò hwa wòhwe e hwɛmɛ o lì gbeyà wòhwe. Inyɔ̀ hwatò hwa mèhvìlì e ika màlùtèyà ma anyu o lì gbeyà hweyà ema hwe rzàŋgi.

1 Yòwanìrzɛ̀ 1:7

Ndi i hwɛni tɛ lòŋgɛ la ŋmàye, na oma mɔ̀ ŋmìti hvɛ a hwɛni, aŋga nanù i hwɛ mɔ̀kɔ na ɔ̀nɛyi, ndèŋgànɛ̀lɛ̀ màyija ma ama e ŋmanà wa eni Yerzù, ma jo rzàŋgìrzɛ̀ o wòhwe wo arzu wa arzɛ.