Makòrzì 7:3 - Mokpwe: Bakwery (New Testament)

³ Ihvalìrzàyì nà e wɔ̀ hwa Yudà hwa arzɛ̀ hwa rza làa mòlelì e rzì hwɛ ema hwa rzòrzì màà mà awu. Nànù ndì ìmbamba ja awu ja kòhwà ì mà hwa òkòlɛ̀.

Makòrzì 7:3 Iomraidhean Croise

Makòrzì 7:13

Hwèyòkòlelì hwe anyu ema e òkòlɛ̀ hwatò hwe gbeyà e wòwa ndi Èya ya Lohwà nàa e rza enje tɔ̀ eyà. O hwèlì hvɛ hweyà rzayì-rzayì ema e gbeyà nanù.”

Makòrzì 7:5

Àŋga ndi Ihvàlìrzàyì na hwà-òkòlèlì hwa mbenda hwa ijòwa Yerzù, nanù ema, “Mamɛ ndèŋgàtɛ̀ hwà-òkòwèlì hwa aŋgɔ̀ hwa rza gbeyàna ɛɛ̀mɛ̀ ema hwa tatɛ̀ hwa mà jò lìiyà è? Mamɛ ndèŋgàtɛ̀ wɔ̀ hwa làa mòlelì mò awu na màa emà mà rza rzàŋgɛ̀ e?”

Lukàrzɛ̀ 11:38

À mà ɛ̀ndɛ nà mɔ̀, rzìi hwa lìya ò tehwèlì. Èŋge Hvalìrzàyì è mà tàmà ò lì ɛnɛ̀ ema Yerzù à wòtelì lì làa e rzì hwɛ lì àtùtɛ̀ màà.

Yòwanìrzɛ̀ 2:6

O ma tɛ̀mɛ̀ hwèyɔ̀ŋgɔ̀ mòtòhwa aŋga ema hwe ma hvòmàhwa na màŋyàyi. Lìŋgi lìtumba la hwèyɔ̀ŋgɔ̀ lɔ̀ ndi hwatò hwa Yudà hwà mà gbeyàna ò lì arzòrzɛ ndèŋgàna hwe e kànɛ̀. Tɔ̀ ima jɔ̀ŋgɔ̀ ima tànɛ lì hwanɛ̀ eyà ya egbe yɔ̀kɔ ya malìtà mà màlìhwa.

Gàletìyà 1:14

Nà ma nɔ̀ŋgɔ hwèyòkòwèlì hwe wònyà Yudà, lì aka tɔ̀ i mbunda ja ami ema i ma hwɛ mòkèka mɔ̀kɔ. Nà ma rzɔ̀ŋgɔ̀ hvɛ lì rzɔŋgìtɛ̀nɛ̀ la hwɛ̀ɛ̀mɛ̀ hwe ama imbamba ja arzu.

Kòlòrzìyà 2:8

È rzi emeyà nanù ema tɔ̀ mòtò a e wowe nàa hwàkòmì o lì oŋgama hwèyòkòlèlì hwe ŋgundu hwe mòlaŋgà ema hwa e okolɛ. Hwèokòlèlì ema hwa e okolɛ hwe hwèlì ndi hwèyòkòlèlì ema hwà mà wowane imbamba ja awu, ndèŋgànɛ̀lɛ̀ hweŋge hwèyòkòlèlì hwe oŋgama ndi imbenda ja hwèèmà hwe e rze ya mɔ̀nyɛ̀. Hweŋge hwèyòkòlèlì hwe uwɛ̀lɛ̀lɛ̀yi ndi o hwatò hwa hwènàmà hwa hvɔ̀rzɔ̀ rzeketɛ o ma Krirztò.

1 Pètrò 1:18

Inyɔ e hwi nanù ema Lohwɛ̀ à mà e kɔ̀tɔ̀ o tenì ya hwɛ̀ɛ̀mɛ̀ hwe wòhwe. Hwɛ̀ɛ̀mɛ̀ hwe wowe ema inyɔ e ma rzaŋgohwane imbamba ja anyu, rzeketɛ hwema nàa gòòlù tɔ̀ rzìlìhwà ema hwe hvaŋgeya.