Makòrzì 7:2 - Mokpwe: Bakwery (New Testament)

² Hwa mà ayèmbɛ nanù ema hwà-òkòwèlì hwà mà Yerzù hwà mà làa mòlelì na màà mà mbìndò ema mà rzi rzòrzahwɛ̀, e nyayi ema Ihvalìrzàyì hwà mà arze ema nàa ɛ̀ɛ̀mɛ̀ ya awu ma rzòrzahwe.

Makòrzì 7:2 Iomraidhean Croise

Matiyò 15:2

“Mamɛ ndeŋgatɛ Hwà-òkòwèlì hwa aŋgɔ̀ hwa rza òŋgama hwèyòkòlèlì ema hwe jò ŋgbààhwi na i mbamba ja arzu e? Hwa rza tutɛ màà mà awu ndèŋgàna hwa e laa!”

Makòrzì 7:5

Àŋga ndi Ihvàlìrzàyì na hwà-òkòlèlì hwa mbenda hwa ijòwa Yerzù, nanù ema, “Mamɛ ndèŋgàtɛ̀ hwà-òkòwèlì hwa aŋgɔ̀ hwa rza gbeyàna ɛɛ̀mɛ̀ ema hwa tatɛ̀ hwa mà jò lìiyà è? Mamɛ ndèŋgàtɛ̀ wɔ̀ hwa làa mòlelì mò awu na màa emà mà rza rzàŋgɛ̀ e?”

Lukàrzɛ̀ 11:38

À mà ɛ̀ndɛ nà mɔ̀, rzìi hwa lìya ò tehwèlì. Èŋge Hvalìrzàyì è mà tàmà ò lì ɛnɛ̀ ema Yerzù à wòtelì lì làa e rzì hwɛ lì àtùtɛ̀ màà.

Hwègbèèlì 10:28

A ma òhweyà hwaŋga hwatò nanù ema, “È hwi na e jɔ̀kɛ̀ nanù ema, e teŋgɛ̀nɛ̀yi e mbenda ya arzu nanù ema, mòtò ema a hwèlì wa wònyà Yudà a rza kanɛ̀ lì lata na tɔ̀ ohvɛhvɛ mòtò ema a rza enje wònyà Yudà. Ndi Lohwɛ̀ à mà nò uŋmɛ̀lɛ̀ nanù ema na rza hwɛni lì hwɛlɛ tɔ̀ mòtò tɔ̀ mɔ̀kɔ ema a rza rzaŋgi tɔ̀ nanù ema a hwèlì mbìndò ò wòrzò wò ama Lohwɛ̀.

Hwègbèèlì 11:8

Imbahvɛ rzìi nà timbirzɛlɛlɛ nanù ema, ‘Jàyɛ̀ Rzàŋgò, tɔ̀ mamɛ ema è mbenda è òhwi nanù ema è rza làahwà tɔ̀ yòma ema è rza rzaŋgɛ è rzi kpèelì ò wàna yà ami.’

Ròmànì 14:14

Nà òma na hwèlì mɔ̀kɔ na e Rzàŋgò Yerzù, hwe nò òkòlɛ̀ ò lì hwiya kɔ̀yi-kɔ̀yi nanù ema ò rza enje tɔ̀ mòlelì ema ò mɔ̀ ŋmìti mò rza rzaŋgɛ ò wòrzò wò ama Lohwɛ̀. Ndi ò hwèlì tɛ mòtò ema a lutelì nanù ema ò hwèlì mòlelì ema mò rza rzaŋgɛ ò wòrzò wò ama Lohwɛ̀, a rzi mò laa.

Hibrù 10:29

Mòtò a rza wowi tɛ e Ŋmanà wà mùnyanà wa ama Lohwɛ̀ nàa tɔ̀ eyà, nanù oma mɔ̀ à rza wowi màyija ma yòòmbò ya ama Lohwɛ̀ ema mà mo gbèyi ema a hwɛ worzaŋgi nàa tɔ̀ eyà. Ndèŋgàna e hwèlì tɛ ema mɔ̀ à hwɛnyɛ Èlìŋgɛ̀ ema e jànà ndèli nɛ rzɔ e kɔ̀kìrzɛ̀ ya ama ene nyayi ya mòtò e tànɛyi lì hwɛ e?

Hwèwulùwèlì 21:27

Tɔ̀ yoma yà mbìndo tɔ̀ yɔ̀kɔ, tɔ̀ mòtò ema à gbeyà hweyà hwe wòhwe, tɔ̀ mòtò ema à kɔ̀ɔ hweyà, tɔ̀ mɔ̀kɔ wà awu a rza ò kpèeyà ò tenì yà eŋge mbowà ndɛ̀ɛ̀ndɛ̀. Hwàto ema mìinà mà awu mà hwèlì ò tenì yà è kààti yà lòŋgɛ yà ama è Ŋgumà yà Mɔ̀lɛ̀ŋgù wɔ̀ mɛnɛ ndi hwa ò kpèeyà ò tenì.