Makòrzì 6:2 - Mokpwe: Bakwery (New Testament)

² È hvònda ema Wùùnyà wò lì Arzìyòlɛ̀ wò mà ùke, rzìi à wòteya lì òkòlɛ ò ndawò ya màkanɛ̀ ya wònyà Yudà. Hwatò rzayì-rzayì ema hwa mà hwèya hwè-òkòlèlì hwe eni hwa mà ònda nà hwetamirzelì. Rzìi hwa ijòwa nanù ema, “One ònò mòtò a hvɔɔti hwenè hweyà e? Ima nyayi ya lìhwiyè lìnì ema lì mò ŋgbàahwi e? A gbeyàna hvɛ hweyà hwe mànyakà.

Makòrzì 6:2 Iomraidhean Croise

Matiyò 4:23

Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.

Matiyò 7:28

Nà òma Yerzù à mà kulɛ ò lì òhwa hwenè hweyà è ŋgìndì ema è mà mò òkànèyà è mà tàmeyà hwèyòkòlèlì hwe eni,

Makòrzì 1:39

O èŋgànɛ̀lɛ̀ à mà ɛ̀ndɛ ò erzòòkà yà arzɛ yà Galìlì lì òhwa Ŋmɛ̀ndì mò Gbamù ò indawò jà màkanɛ̀ nà lì wùrzirzɛ̀ hvɛ hwèlìŋgɛ̀ hwe wòhwe ò hwatò.

Makòrzì 10:1

Yerzù à mà anjiya èŋgè èkì rzìi à akeyà ò erzòòkà yà Jùdeyà rzìi à akeyà ò mòrzò mò Jɔdànì. Ŋgìndì yà hwatò è mà hwɛ lì mò jèeyà nàa ɛ̀ɛ̀mɛ̀ yà eni è mà hwɛ, à mà hwa òkòlɛ̀.

Lukàrzɛ̀ 2:47

Hwa arzɛ ema hwà mà hwèya hweyà ema Yerzù a mà òhwe, hwa mà tàmeya lìhwiyè nà hwè-alàhwèlì hwe eni.

Lukàrzɛ̀ 4:15

A mà òkòlɛ̀ hwatò ò màndawò mà awu mà màkanɛ̀, hwatò hwa arzɛ hwa mà mò èka.

Yòwanìrzɛ̀ 6:42

Hwa mà òhwa hvɛ nanù ema, “Rzeke Yerzù è ŋmana wà ama Jòrzɛ̀hvù ònò, e? Rzeke I hwi rzàŋgɛ na nyàŋgɛ e? Nɛ̀ rzɔ a tànɛyi lì òhwa naŋgɛ nanù ema a uwɛ̀lɛ̀lɛ̀yi ndi o ŋmanyu ya Lohwà e?”

Yòwanìrzɛ̀ 7:15

Lìkànèyà là ama wònyà Yudà lì ma tameya hwèyòkòlèlì hwe eni. Rzìi hwa ijòwa nanù ema, “Nɛ a hwiyelì hwenè hweyà hwa arzɛ ema a rza ɛndɛ ò rzukulu ya mbenda e?”