Makòrzì 4:7 - Mokpwe: Bakwery (New Testament)

⁷ Lòŋgò la iŋgi hvɔ̀ŋgɔ̀ hvɛ i ma unda ndì ò tenì ya wàŋga ya hwènyɛ̀ŋgɛnyɛ̀ŋgɛ̀, rzìi hweŋge hwènyɛ̀ŋgɛnyɛ̀ŋgɛ̀ hwe òŋga, hwe lìŋgɛ̀lɛ̀ iŋgi hvɔ̀ŋgɔ̀ ema i ma kɛkɛ, rzìi e ùhwà è rzi tanɛ̀ lì ŋya.

Makòrzì 4:7 Iomraidhean Croise

Matiyò 13:22

Ìhvɔ̀ŋgɔ̀ hvɛ ema ì undi ò tenì ya wàŋga ya hwènyɛ̀ŋgɛnyɛ̀ŋgɛ̀, ì hwèlì ndi nàa hwatò ema hwa hweyi ŋmɛ̀ndì mò ama Lohwɛ̀, ndi mètàkà me lòŋgɛ na jɔ̀ɔ̀njì ja mònàmɛ̀ mò ene rze hwe lìŋga mèèmà me awu. Ema me ma hwa gbeyɛ ema naŋgɛ rzɔ hwa rza tànɛyi lì ŋya hwèhvùma hwe gbamù.

Matiyò 13:7

Lòŋgò la iŋgi hvɔ̀ŋgɔ̀ hvɛ i ma unda ndì ò tenì ya wàŋga ya hwènyɛ̀ŋgɛnyɛ̀ŋgɛ̀, rzìi hweŋge hwènyɛ̀ŋgɛnyɛ̀ŋgɛ̀ hwe òŋga, hwe lìŋgɛ̀lɛ̀ iŋgi hvɔ̀ŋgɔ̀ ema i ma kɛkɛ.

Matiyò 13:8

Lòŋgò la iŋgi hvɔ̀ŋgɔ̀ ì mà unda ndi ò mɔ̀nyɛ̀ mò gbamù. Iŋgi hvɔ̀ŋgɔ̀ ì ma òŋga gbamù ndèŋgànɛ̀lɛ̀ i ma ŋya hvɛ rzayi. Lòŋgò la hwèrzòŋgò hwe ma òhva egbe ya hvɔ̀ŋgɔ̀, lòŋgò hvɛ i ma òhva ndi mènìmòtòhwa lòŋgò hvɛ rzàyiyàwò.”

Makòrzì 4:6

È hvònda igbe ja ŋginyà ì mà wurze ì mà rzɛlɛ èŋge mbòtà rzìi e ùhwà, rzìi e ŋwa, èhwanja meyaŋgà me rzi rzɔŋgɔ̀ ò tenì yà mɔ̀nyɛ̀.

Makòrzì 4:8

Lòŋgò la iŋgi hvɔ̀ŋgɔ̀ ì mà unda ndi ò mɔ̀nyɛ̀ mò gbamù. Ì wurzà jò òŋga rzìi ì ŋyà. Rzìi lòŋgò la hwèŋge hwèrzòŋgò hwe mà ŋya rzàyiyàwò jà hvɔ̀ŋgɔ̀, lòŋgò hvɛ ì ma ŋya mènìmòtòhwa me hvɔ̀ŋgɔ̀, inɛ̀yi hvɛ ì ma ŋyàa ègbe ya hvɔ̀ŋgɔ̀.”

Lukàrzɛ̀ 12:15

Yerzù rzìi a hwa òhweyà hwa àrzɛ̀ nanù ema, “È aŋgòwè! È rzì ika mèèmà me anyu ò èrzàŋgò jɔ̀ɔjɔ̀ɔ èhwanja rzèkɛtɛ èrzàŋgò ya rzayì-rzayì ema mòtò a hwɛnì ndi e mò ŋgbà lòŋgɛ.”

Lukàrzɛ̀ 21:34

“È aŋgòwè nanù ema è rza hvàŋga e hvònda ya anyu rzayi-rzayi ò lì làa la mòlèlì na ò lì nyɔ la mimba. È rzì àkàyìrzɛ̀ hvɛ nà lìnì lòŋgɛ la nàŋgɛ. È gbeyi tɛ nanù, wòŋgò wùnyà wò è ùŋmanɛlɛ nàa ŋgùndèli.

Lukàrzɛ̀ 8:14

Ìhvɔ̀ŋgɔ̀ hvɛ ema ì undi ò tenì yà wàŋga yà hwènyɛ̀ŋgɛnyɛ̀ŋgɛ̀, ì hwèlì ndi nàa hwatò ema hwa hweyi ŋmɛ̀ndì mò ama Lohwɛ̀, ndi mètàkà na mònàmɛ̀ mò ene rze, nà mɔ̀nyɛ̀ŋgì mò ene rze. Me lìŋga mèèmà me awu. Hwa rzi tànɛyi lì ŋya hwèhvùma hwe gbamù.

Lukàrzɛ̀ 8:7

Lòŋgò la hvɔ̀ŋgɔ̀ hvɛ i ma unda ndi ò tenì ya wàŋga ya hwènyɛ̀ŋgɛnyɛ̀ŋgɛ̀. Ì ma òŋgà ndi hwènyɛ̀ŋgɛnyɛ̀ŋgɛ̀ hwe mà lìŋgɛ̀lɛ̀ iŋgi hvɔ̀ŋgɔ̀.