Makòrzì 3:9 - Mokpwe: Bakwery (New Testament)

⁹ À mà òhweyà hwà-òkòwèlì hwa eni nanù ema hwa mò rzèkeya wɔ̀lɔ̀ èhwanja è ŋgìndì ema è ma mò àyìinɛ̀lɛ̀ è mà kòka.

Makòrzì 3:9 Iomraidhean Croise

Matiyò 15:39

Yerzù rzìi a akpanɛ hwaŋga hwatò ema hwa timbe ò màndawò ma awu. Nà òma à mà hwa òhweyà nanù, a kpèeyà ò wɔ̀lɔ̀ rzìi a ɛ̀ndɛ ò erzòòkà ya Magadani.

Makòrzì 4:1

Yerzù à mà wòteyà lì òkòlɛ̀ hvɛ ò tòŋgòŋgò yà yùlù ya Gàlìlì. Hwatò ema hwà mà arzàŋganɛ lì mò tòŋga hwa mà aka lì kòka, ò èŋgànɛ̀lɛ̀ à mà kpeya ndi ò wɔ̀lɔ̀ rzìi a lìya. Wɔ̀ɔ̀lɔ̀ wò mà hwɛ ndi ò tenì ya màlìhwa. Ndi èŋge ŋgìndì yà hwatò ema lìya ndi ò mòkòkò mò eŋge yùlù.

Makòrzì 4:36

Hwà-òkòwèlì hwa eni rzìi hwa hwɛ̀mɛ̀ e ŋgìndì rzi hwa kpèeyà ò wɔ̀lɔ̀ ema Yerzù à mà hwɛ, rzìi hwa mò ɛ̀ndɛ̀nɛ̀. O mà hwɛ mahvɛhvɛ mɔ̀lɔ̀ aŋga.

Makòrzì 5:2

Nà òmà Yerzù a mà anjiye ò wɔ̀lɔ̀, mòtò mɔ̀kɔ ema èlìŋgɛ̀ ya wòhwe è mà hwɛ lì tàkìrzɛ̀, à mà uhweyà ò mòònda mò rzɔ̀ŋgɔ̀, a jàa lì mò ùŋmanɛlɛ.

Makòrzì 5:30

Yerzù à mà èmba nanù ema ŋginyà e mò anji ò nyò. Lìwòkìmɛ̀nɛ̀ à mà ayèŋgòwɛ̀, rzìi a ijòwa e ŋgìndì nanù ema, “Njɛnɛ a tɔ̀ti mòŋgòmbè mò amì na lìya la eni e?”

Makòrzì 6:32

Hwa mà kpèeyà ò wɔ̀lɔ̀ rzi hwa ɛ̀ndɛ ò èki yà ŋmɛ̀ɛ.

Lukàrzɛ̀ 5:1

Wùnyà wɔ̀kɔ, nà òmà Yerzù a mà tɛ̀mɛ̀ ò mòkòkò mò yùlu ya Gɛ̀narzalɛ̀tì, ŋgìndì ndɛnɛ è mà mò tòŋgà ò lì òkànèyà eyà ya ama Lohwɛ̀.

Lukàrzɛ̀ 5:3

À mà kpèeyà ò tenì yà wɔ̀lɔ̀ wò ama Rzìmɔ̀nì, rzìi à lìya ò rze, rzìi à òhweyà Rzìmɔ̀nì ema, a wò rzɛkɛlɛ teŋyi ò tenì yà yùlù. Àŋga ndi à mà wòteya lì òkòlɛ̀ è ŋgìndì.

Yòwanìrzɛ̀ 6:15

Yerzù a mà hwiya nanù ema hwà mà arza lì mò lɛmbɛ ò lì mò gbeyà ema a hwɛ̀ e kiŋgɛ̀. O èŋgànɛ̀lɛ̀ à mà timba lì agba hvɛ ò mòòlì.