Makòrzì 3:5 - Mokpwe: Bakwery (New Testament)

⁵ À mà hwa ɔ̀ŋgɔ nà hwètàtò rzìi, e mò tàtìrzɛ̀ ò ŋmèma mò eni. Rzìi à òhweyà òŋgò mòtò nanù ema, “Ènyòwa mòŋgò mɔ̀ɔ̀ mò àŋgɔ.” Nà òmà a mà mò enyòwe, mò mà wɔ̀wɔ̀.

Makòrzì 3:5 Iomraidhean Croise

Matiyò 12:13

Yerzù rzìi a òhweyà òŋgò mòtò ema à mà ɔ̀kirzɛ̀ mɔ̀ɔ̀ mò njɛmbu nanù ema, “Ènyòwa mɔ̀ɔ̀ mò aŋgɔ̀.” A ma enyòwa mɔ̀ɔ̀ mò eni, rzìi mò wɔ̀hweyà gbamù nàa mɔnɛ̀yi mɔ̀.

Makòrzì 3:4

Rzìi à hwa ijòwa nanù ema, “Mamɛ è hwèlì e mbenda ò Wùnyà wò lì Arzìyòlɛ̀ e? O lì gbeyà gbamù ŋga wòhwe. O lì rzùŋgà lòŋgɛ la mòtò ŋgà ò lì mò òŋwa e?” Ndi wɔ̀ hwa arzɛ hwa mà kina.

Lukàrzɛ̀ 13:15

È Rzàŋgò rzìi e tìmbirzɛlɛlɛ nanù ema, “Inyɔ hwatò hwa mèhvìlì! Njɛnɛ wà anyu anù ema à rza rzòlòwa è nyàkà, tɔ̀ jakàrzì ja eni ò ndawò yà eni ya hwèembe ò lì jɛ̀ndɛnɛ ò lì nyɔ màlìhwa ò Wùnya wò lì Arzìyòlɛ̀ e?

Lukàrzɛ̀ 17:14

Nà òmà Yerzù a mà hwà ɛnɛ rzìi a hwa òhweyà nanù ema, “È ɛ̀ndɛ̀ ya awuŋmɛ̀lɛ̀ Ipìlìrzì.” Nà òmà hwa mà hwɛ lì ɛ̀ndɛ, rzìi, ìnyò ja awu ì rzàŋgà.

Lukàrzɛ̀ 6:10

À mà hwa akɛlɛlɛ hwa arzɛ mììrzɔ̀, rzìi a òhweyà òŋgò mòtò nanù ema, “Ènyòwa mɔ̀ɔ̀ mò aŋgɔ̀.” Oŋgò mòtò à mà gbeyà nà òmà Yerzù a mà òhwe, rzìi mɔ̀ɔ̀ mò eni mò wɔ̀hweyà.

Yòwanìrzɛ̀ 9:7

Rzìi Yerzù à mò òhweyà ama, “Ɛndɛ ò rzòrze wòrzò wò aŋgɔ̀ ò ituŋgu ja Rzìlàwòmi” (jànda ja Rzìlàwòmi i hwèlì ndi nanù ema, “Lì òma.”) O èŋgànɛ̀lɛ̀ òŋgò mòtò à mà ɛ̀ndɛ rzìi a rzòrza mìirzɔ̀ ma eni, à mà tìmba, rzìi a ɛnɛ.

Ròmànì 11:25

Ìi wònyànyàŋgò wa ami kòkò, na arza nanù ema e rzɔ̀ŋgìtɛ̀nɛ̀ eyà ema natɛ̀ɛ na nàŋgɛ tɔ̀ mòtò a rzi rzɔ̀ŋgìtɛ̀nɛ̀, aŋga nanù e rzi lùteyà nanù ema e òhvi lìhwiyè rzayi-rzayi. Nà arza nanù ema e rzɔ̀ŋgìtɛ̀nɛ̀ nanù ema, maniyà mà lòŋgò la hwatò hwa Irzàyɛ̀lì ma ò hwɛ natɛ̀ɛ na ò hwaŋga hwatò hwa arzɛ ema hwa rza enje wònyà Yudà ema hwa rza lòkɛ̀ hwa ò lòkɛ̀.

2 Kɔ̀rintìyà 3:14

Ndi wɔ̀ hwa rzi rzɔŋgìtɛ̀nɛ̀. Ò jɔ̀kɛ̀ lì wòteyà o eŋge hvonda lì uka natɛ̀ɛ na nàŋgɛ, hwa rza tànɛyi lì rzɔŋgìtɛ̀nɛ̀ nanù ema worzo wa ama Morzè ema wo ma hwɛ lì ɛneya kɛyi-kɛyi wo ma wɔ̀lɛ̀nɛ̀ ŋmàye mo eni. Tɔ̀ ima hvonda ema hwatò hwa hweyi tɛ mòtò a laŋga e kààtì ya yòòmbò ya koohwa hwà rza rzɔŋgìtɛ̀nɛ̀ mamɛ hwa hweyà. È gbèyi ndi nàa lìhwatu lì ma hwanda mɔ̀ŋgɛ̀lɛ̀ ma awu. È hwèlì ndi nanù ema mòtò a hwèlì tɛ oma Krirztò, ɔ̀ndi à rzɔŋgìtɛ̀nɛ̀.

Ɛ̀hvìrzìyà 4:18

Èhwanja màlùtèyà ma awu ma hwèlì ndi màlùtèyà ma wòhwe wɔ̀ hwa rza oŋgama hweyà hwa ama Lohwɛ̀. Hwa rza ohvi lòŋgɛ ema Lohwɛ̀ a ŋgbà èhwanja hwa ohvi maniya ndeŋgànɛ̀lɛ̀ hwa rza hwi e njiya ya ama Lohwɛ̀.

Ɛ̀hvìrzìyà 4:26

È tàtì tɛ e rzìi emeyà nanù ema hwetato hwe anyu hwe e lìyɛlɛ o wòhwe. È rzi lìyana hwetàtò wùùnya hwa arzɛ.

Ɛ̀hvìrzìyà 4:30

È rzi gbeyà hweyà ema hwe gbèeyà Èlìŋgɛ̀ yà Wòtani e hwɛ̀ɛ rzɔ̀lùu. Èlìŋgɛ̀ yà Wòtani e gbèyi ndi nàa embànèlì ema Lohwɛ̀ à mà e ika o lì ambɛlɛlɛ wùùnya wo lìrzùkù ema a e kɔ̀tɔ̀.

Hibrù 3:10

Ɔ̀ndeŋgàtɛ̀ nà mà tàtànà hwaŋga hwatò rzìi nà ohwa nanù ema, ‘Mèèmà mè awu mè lùteyà ndì hwehvɛhvɛ hweyà ì hvonda jà arzɛ, ndèŋgànɛlɛ hwa rzi ika imbenda jà ami.’

Hibrù 3:17

Ndèŋgànɛ̀lɛ̀ hvɛ hwa njɛnɛ hvɛ ema Lohwɛ̀ à mà tàtanè ò mèŋge mènimenì mè meya, rzeke hwaŋga mɛnɛ ema hwa mà gbeyà wòhwe, ndi hwa mà ŋwèeyà ò mòrzanjɛ e?

Hibrù 5:9

Lohwɛ̀ à mà mo gbeyà o lì hwɛ e Pìlìrzì e Kàrzàmi ema e hvomɛ̀nɛ̀, aŋga nanù, hwatò ema hwa mo hweyàna, hwa o luwa lìrzùŋgàhwa ema lì o hwɛ natɛ̀ɛ na o gbìndèyà.

Hwèwulùwèlì 6:16

Wɔ̀ hwà mà ohwirzɛnɛ ihvàko na hwewoma hwe màŋyàyi nanù ema, “È jo rzuweya, e jo hwande, aŋga nanù e mɔ̀ ema a lìyayi o konda ya lìkànèyà a rza jo ɛnɛ ndèŋgànɛ̀lɛ̀ nanù ema hwetàtò hwe ama e Ŋgùma ya Mɔ̀lɛ̀ŋgù hwe rza jo ɔ̀lɛ.