Makòrzì 3:3 - Mokpwe: Bakwery (New Testament)

³ Yerzù à mà òhweyà òŋgò mòtò ema à ma ɔ̀kirzɛ̀ mɔ̀ɔ̀ mò njɛmbu nanù ema, “Jà ò tɛ̀mɛ̀ ò màrzò ma hwatò hwa arzɛ!”

Makòrzì 3:3 Iomraidhean Croise

Matiyò 12:10

O ma hwɛ mòtò mɔ̀kɔ aŋga ema à mà ɔ̀kirzɛ̀ mɔ̀ɔ̀ mò njɛmbu. O ma hwɛ hvɛ hwatò aŋga e ma hwa ma hwɛ lì arza ò lì rzɔ̀ɔ̀ Yerzù njɔ̀mì. Rzìi hwa mò ijòwa nanù ema, “È mbenda e arzu e ŋgbelì wònja ema mòtò a wɔ̀wìrzɛ̀hwɛ ò Wùnya wò lì Arzìyòlɛ̀ e?”

Makòrzì 3:2

O ma hwɛ hwatò aŋga ema hwà mà hwɛ lì arza ò lì mò lùwa njɔ̀mì. O èŋgànɛ̀lɛ̀ hwa mà mò ìnja lòŋgòlòŋgò ò lì ɔŋgɔ̀ ŋgà à wɔ̀wìrzɛ̀ òŋgò mòtò ò Wùnyà wò lì Arzìyòlɛ̀.

Makòrzì 3:4

Rzìi à hwa ijòwa nanù ema, “Mamɛ è hwèlì e mbenda ò Wùnyà wò lì Arzìyòlɛ̀ e? O lì gbeyà gbamù ŋga wòhwe. O lì rzùŋgà lòŋgɛ la mòtò ŋgà ò lì mò òŋwa e?” Ndi wɔ̀ hwa arzɛ hwa mà kina.

Lukàrzɛ̀ 6:8

Yerzù à mà hwiya mamɛ hwa mà hwɛ lì lùteya ò mèèmà me awu. À mà òhweyà òŋgò mòtò ema à ma òhva mɔ̀ɔ̀ mò ma ŋwa njɛmbu nanù ema, “Jà ònò, ò tɛ̀mɛ̀ anù.” Òŋgò mòtò à mà mò hweyàna.

Yòwanìrzɛ̀ 9:4

Nà òma ŋmerze mò wùùnya wò hwèlì nanù, irzɔ hwa arzɛ i hwɛnì lì gbeyà èwòlò e jò ŋgbàahwì na e mɔ̀ ema a nò òmi. Nàŋgɛ ema wùùnya wa a kɔ ema tɔ̀ mòtò a rza tanɛ lì gbeyà èwòlò.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

Gàletìyà 6:9

Inyɛ̀ i rza ɔ̀tɔ̀ o lì gbeyà mamɛ ema e lɔ̀wu. Èhwanja irzɔ i rza ɔ̀tɔ̀ tɛ, jo ò luwa etaŋgi ja arzu o hvonda ya jɔ̀kɛ̀ ema e o jɛ̀ɛ̀.

Hvìlipìyà 1:14

Èhwànja na aŋgɛhwɛyi o hwèwòwà e ŋgànà ema e ma kɔ̀mɛlɛ rzàyi-rzàyi ja hwàlòkèlì o lì ètìrzɛ̀ mèèmà me awu, o eŋgànɛ̀lɛ̀ wɔ̀ hwà mà ètìrzɛ̀ mèèmà o lì ohwa Eyà ya Lohwà e rzi hwɛ lì oka tɔ̀ wɔ̀ŋgɔ̀.

1 Pètrò 4:1

Kànatɛ Krirztò à mà take o hwehwɛ̀ɛlì hwe eni nàa mòtò wà hwènàmà o e nyàmà nyo, inyɔ hvɛ e àŋgàmɛ̀nɛ̀yi lì woŋgirzɛnɛ o lì luwa eŋge ŋgànà ya màlùtèyà mɛnɛ na à mà hwɛnɛ. Èhwànja tɔ̀ njɛnɛ ema a tàki o e nyàmà ya nyo ehwànja a hwèlì ndi e wa ama Yerzù, mɔ̀ à rza hwɛni hvɛ tɔ̀ eyà o lì gbeyàna wòhwe.