Makòrzì 2:8 - Mokpwe: Bakwery (New Testament)

⁸ O wòtɛmɛ̀tɛmɛ̀ Yerzù à mà hwiya ò ŋmèma mò eni ema nanù ndi hwanù hwatò hwa hwèlì lì lùteyà ò mèèmà me awu. Rzìi à hwa ijòwa nanù ema, “Mamɛ ndèŋgàtɛ̀ è lùteyà nanù e?

Makòrzì 2:8 Iomraidhean Croise

Matiyò 12:15

Nà òma Yerzù à mà ayèmbɛ nanù ema hwa mò kimelì e kpelì. À mà hwɛmɛ eŋge èki rzìi ŋgindi ndɛnɛ ya hwatò e mò nɔ̀ŋgɔ. Ndèŋgànà à mà wɔ̀wìrzɛ̀ hwà-òkèlì hwa arzɛ.

Matiyò 16:7

Hwà-òkòwèlì hwa eni rzìi hwa òhwirzɛnɛ mɔ̀kɔ nà ɔ̀nɛyi nanù ema, “À òhwa ndi nanù èhwanja i rza jànì tɔ̀ èhvòòtò.”

Matiyò 9:4

Yerzù à mà hwiya mɔ̀ŋgɛ̀lɛ̀ ma awu rzìi à hwa òhweyà nanù ema, “Mamɛ ndeŋgatɛ è wòmba manù màlùtèyà ma wòhwe ò mèèmà me anyu e?

Makòrzì 2:7

“Mamɛ ndeŋgatɛ ònò mòtò a àŋgàmɛ̀nɛ̀ lì òhwà nanù e? Ìrzìlakò ini. Njɛnɛ à tànɛyi lì làkìrzɛ̀ wòhwe, lì akà tɛ Lohwɛ̀ e?”

Makòrzì 2:9

Ì ma yɔ̀ e wɔ̀tɔ̀mèlì, ò lì òhwànà è mòtò wa njɛmbu nanù ema, ‘Nà ma ò làkìrzɛ̀ wòhwe wò aŋgɔ̀,’ ŋgà ò lì òhwà nanù ema, ‘Tɛ̀mɛ̀nɛ̀ ò ŋmanyu, wòwà lìkɔ̀kɔ̀ lì àŋgɔ ò ɛ̀ndɛ̀ e?’

Makòrzì 7:21

Èhwanja ò tenì ya mèèmà me hwatò ɔndi màlùtèyà ma wòhwe nàa e ma mòrzònje, lì ihwà na lì òŋwa hwe uhwɛlɛlɛ.

Lukàrzɛ̀ 24:38

Yerzù à mà hwa ijòwa nanù ema, “Mamɛ ndeŋgàtɛ e jejì e? Mamɛ ndeŋgàtɛ mèèmà me anyu me òndì nà hwàmɛ e?

Lukàrzɛ̀ 5:22

Yerzù à mà hwiya màlùtèyà ma awu. Àŋga ndi à hwa ijòwa nanù ema, “Mamɛ ndeŋgàtɛ è lùteyà hwenè hweyà ò mèèmà me anyu e?

Lukàrzɛ̀ 6:8

Yerzù à mà hwiya mamɛ hwa mà hwɛ lì lùteya ò mèèmà me awu. À mà òhweyà òŋgò mòtò ema à ma òhva mɔ̀ɔ̀ mò ma ŋwa njɛmbu nanù ema, “Jà ònò, ò tɛ̀mɛ̀ anù.” Òŋgò mòtò à mà mò hweyàna.

Yòwanìrzɛ̀ 21:17

Yerzù rzìi a mò ijòwa hvɛ e ŋgèlì e ma ùkirzɛ̀ ŋgèlì iyàwò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni e?” Pètrò à mà tuweya ŋmèma èhwanja Yerzù à mà mò ijòwa e ŋgèlì e ma ùkirzɛ̀ ŋgèlì iyàwò nanù ema, “O nò lìŋgàni e?” Rzìi à alàhwɛ̀ Yerzù nanù ema, “Rzàŋgò ò wa ò hwi hweyà hwe arzɛ, ò hwi nanù ema imba na ò lìŋgàni.” Rzìi Yerzù a mò òhweyà nanù ema, “Aŋgòhweya mɛ̀ɛlɛ̀ŋgù me ami.”

Yòwanìrzɛ̀ 6:64

Ndi ò hwèlì lòŋgò la hwa inyɔ ema e rza lòkɛ̀yì.” (Li wòteyà lìrzakò ema Yerzù à mà wòteyà lì òkòlɛ à ma hwiya hwatò ema hwa rza lòkɛ̀ ndèŋgàna hwà mà hwɛnɛ lì mò àhwirzɛ̀).

Hwègbèèlì 5:3

Aŋga ndi Pètrò à mà mò ijòwa nanù ema, “Ìi Ànàniyarzì mamɛ ndèŋgàtɛ ò imanɛlɛ nanù ema mòkarzɛ̀ a ò kànèyà. Nàŋgɛ rzɔ mòkarzɛ̀ à mà ò gbeyà ò ma kɔ̀yeyà Èlìŋgɛ̀ yà Wòtani eyà na òma ò wa ò ma utɛ lòŋgò la wòŋgò wòlì ema ò ma àhwirzɛ̀ eŋge etò.

Hwègbèèlì 8:22

O tikòwe rzɔ, ò manù màlùtèyà ma aŋgɔ̀ ma wòhwe. O kanɛ̀ Rzàŋgò nanù ema a ò làkirzɛ̀ ema ò òhvi ene tumba mɔ̀ŋgɛ̀lɛ̀ ò ŋmèma mò aŋgɔ̀.

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.