Makòrzì 2:5 - Mokpwe: Bakwery (New Testament)

⁵ Nà òmà Yerzù a mà ɛnɛ̀ lìlòkɛ̀ la awu, rzìi a òhweyà òŋgò mòtò wà njɛmbu nanù ema, “Ŋmanà wà amì, nà ma ò làkìrzɛ̀ wòhwe wò aŋgɔ.”

Makòrzì 2:5 Iomraidhean Croise

Matiyò 9:2

Nà òmà à mà uke ò mbòwà ya eni, lòŋgò la hwatò hwa ma mò jàneyà mòtò mɔ̀kɔ ò lìkɔ̀kɔ̀ ema à mà ɔ̀kìrzɛ̀ e nyàmbɛ ya njɛmbu. Nà òma Yerzù à mà ɛnɛ lìlòkɛ̀ la awu, rzìi à òhweyà òŋgò mòòkèlì nanù ema, “È ŋmanà wa munyanà wa ami kòkò, ò rza òka wɔ̀ŋgɔ̀, na mà ò làkìrzɛ̀ wòhwe wò aŋgɔ̀.”

Matiyò 9:22

Yerzù rzìi a ayèŋgòwɛ̀ à mò ɛnɛ̀, rzìi à mò òhweyà nanù ema, “È ŋmanà wà amì wà mòlanà kòkò, lìlòkɛ̀ la aŋgɔ̀ ndi lì ò wɔ̀wìrzɛ̀yi.” Lìwòkìmɛ̀nɛ̀ òŋgò mòlanà à mà wɔ̀wɔ̀.

Matiyò 9:5

Ì ma yɔ̀ e wɔ̀hwèlì, ò lì òhwà nanù ema, ‘Nà ma ò làkìrzɛ̀ wòhwe wò aŋgɔ̀,’ ŋgà ò lì òhwà nanù ema, ‘Tɛ̀mɛ̀nɛ̀ ò wòteyà lì ɛ̀ndɛ̀ e?’

Makòrzì 2:6

O ma hwɛ lòŋgò la hwà-òkòlèlì hwa mbenda aŋga, rzìi hwa wòteyà lì lùteyà na wɔ̀ mɛnɛ nanù ema,

Makòrzì 5:34

Yerzù, rzìi a mò òhweyà nanù ema, “È ŋmanà wà amì wà mòlanà kòkò, lìlòkɛ̀ lì aŋgɔ̀ ndi lì ò wɔ̀wìrzɛ̀. O ɛ̀ndɛ na ɛ̀yɔ̀lɛ̀, ò kàrzò ò mètàkà me aŋgɔ̀ me arzɛ.”

Lukàrzɛ̀ 5:20

Nà òmà Yerzù a mà ɛ̀nɛ lìlòkɛ̀ là hwaŋga hwatò, rzìi a òhweyà òŋgò mòtò wà njɛmbu nanù ema, “Ŋmàyi e, nà ò làkìrzɛ̀ wòhwe wa aŋgɔ̀.”

Lukàrzɛ̀ 8:48

Yerzù, rzìi a mò òhweyà nanù ema, “È ŋmanà wà amì wà mòlanà kòkò, lìlòkɛ̀ lì aŋgɔ̀ ndi lì ò wɔ̀wìrzɛ̀. O ɛ̀ndɛ na ɛ̀yɔ̀lɛ̀.”

Yòwanìrzɛ̀ 2:25

Tɔ mòtò a rzi tànɛyi lì mò òhweyà tɔ̀ eyà lì hvòmɛ̀nɛ̀ òhvɛhvɛ mòtò, èhwanja mɔ̀ à mà kuwa lì hwiya mèèmà me hwatò hwa hwènàmà hwa arzɛ.

Yòwanìrzɛ̀ 5:14

O mburzà ya hvònda Yerzù à mà ɛnɛ òŋgò mòtò ò Ndawò yà Lohwà. Nà òma à mà mò ɛnɛ rzìi a mò òhweyà nanù ema, “Onò òkànèyà tɛ, nàŋgɛ nanù ò ma wɔ̀wìrzɛ̀hwɛ̀ ò rzi gbeyà hvɛ hweyà hwe wòhwe. Èhwanja ò gbèyi hvɛ tɛ wòhwe, ò taka lì aka nanù.”

Hwègbèèlì 11:23

Nà òma mɔ̀ à mà ùke àŋga rzi a ɛnɛ mamɛ e ndèli ya ama Lohwɛ̀ e ma gbeyɛ, à mà ònda na mɔ̀nyɛ̀ŋgì. Rzìi à kòkòwɛ̀lɛ̀ hwaŋga hwàlòkèlì nanù ema wɔ̀ hwa òŋgame Rzàŋgò na ŋmèma mɔ̀kɔ.

Hwègbèèlì 14:9

A ma hwɛ lì òkànèyà na òma Pàwolò à mà hwɛ lì òhwa ŋmɛ̀ndì mò gbamù. Pàwolò a mò rzòke mìirzɔ̀, rzìi a ɛnɛ nanù ema òŋgò mòtò a hwɛnì lìlòkɛ̀ nanù ema a ò wɔ̀wìrzɛ̀hwɛ.

Hwègbèèlì 5:31

Lohwɛ̀ à mà mò kàrzɛ, rzìi à mò ika ò lìya là eni là mòmɛ̀ nàa Mòtìmbèlì nà è Mòrzùŋgèlì. À mà gbeyà ndi nanù èhwanja, à uŋmɛ̀lɛ̀ hwatò hwa Irzàyɛ̀lì è njiya yà lì hwɛ̀mɛ̀ hwɛ̀ɛ̀mɛ̀ hwe awu hwe wòhwe aŋga nanù, Lohwɛ̀ à ò hwa làkìrzɛ̀ wòhwe wò awu.

1 Kɔ̀rintìyà 11:30

Ɔ̀ndeŋgàtɛ̀ rzayì-rzayì ja hwa inyɔ e hweyà inyo ja anyu rzilìlì na lì ɔ̀kìrzɛ̀ hvɛ nyayi na nyayi ja merziyo, rzi rzayi-rzayi ja hwa inyɔ hvɛ e ma ŋwa.

2 Kɔ̀rintìyà 2:10

Tɔ̀ ima mòtò ema e làkìrzɛ̀, imba hvɛ nà mà mo làkìrzɛ̀. Eyà ema e gbèyi na làkìrzɛ̀ na e làkìrzɛ̀ ndi o nyòla anyu, Krirztò ndi à gbèyi ndèŋgànɛlɛ a hwi nanù ema nà mà e làkìrzɛ̀.

Ɛ̀hvìrzìyà 2:8

È ndèli ya ama Lohwɛ̀ yɔ ndi ye e rzuŋgi, èhwanja e lòkɛ̀ Krirztò ɔ̀ndeŋgàtɛ̀ e lu lìŋgi lì oŋgirzɛ. Rzeketɛ hweyà ema e gbèeyà ndi hwe gbèyi e lu lì oŋgirzɛ. Li oŋgirzɛ ema e lu, lì hwèlì ndi jàhwèyà ja ama Lohwɛ̀.

Kòlòrzìyà 3:13

È hwɛni lì àjùlɛ̀nɛ̀yi mɔ̀kɔ nà ɔ̀nɛyi. È hwèlì tɛ nanù ema mòtò à hwɛni tɛ kàyɛ nà ohvɛhvɛ mòtò inyɛ à mò làkìrzɛ. Nà oma è Rzàŋgo yè è làkìrzɛ, inyɔ hvɛ è hwɛni lì làkìrzɛ mɔ̀kɔ nà ɔ̀nɛyi.

Jèmìrzì 5:15

Hwa mo kànɛlɛlɛ tɛ na ŋmèma mɔ̀kɔ, Lohwɛ̀ a hwa hweyàna màkanɛ̀ ma awu, ndeŋgànɛlɛ eŋge e gbeyà e mòokelì a wɔ̀wɔ. È Rzàŋgo e gbeyà ema oŋgo mòtò a anjiye o lìnɔ̀ŋgɔ la eni la nyàmbɛ a hwɛ gbamù, ndèŋgànɛ̀lɛ̀ tɔ̀ wòhwe ema mɔ̀ à gbèyi Lohwɛ̀ a mo làkìrzɛ e lɔ̀ɔ.