Makòrzì 2:2 - Mokpwe: Bakwery (New Testament)

² Rzayì-rzayì ja hwatò hwa mà arzàŋganɛ ò èŋge ndawò ema Yerzù à mà hwɛ, natɛ̀ɛ ò rzi hwɛ hvɛ tɔ èhvòlò ò tenì nà ò èwòkà. À mà hwɛ lì hwa òhweyà Èya ya Lohwà.

Makòrzì 2:2 Iomraidhean Croise

Matiyò 5:2

Rzìi à wòteya lì hwa òkòlɛ̀ nà lì òhwa nanù ema,

Makòrzì 1:14

O mburzà hvònda Yòwanìrzɛ̀ à mà aŋgɛ̀hwɛ̀ ò hwèwòwà. Ò mburzà hvònda ema Yòwanìrzɛ̀ à mà aŋgɛ̀hwɛ̀ ò hwèwòwà, Yerzù rziì à ɛ̀ndɛ ò erzòòkà yà Galìlì, rzìi à òhweyà hwatò Ŋmɛ̀ndì mò Gbamù mò ama Lohwɛ̀, à hwa òhweyà nanù ema,

Makòrzì 1:33

Hwatò hwa arzɛ hwa èŋge mbòwà hwa mà arzàŋganɛ ò èwòkà yà è ndawò yà àma Rzìmɔ̀nì.

Makòrzì 1:37

Hwa mà mò lùwè rzìi hwa mò òhweyà nà hwètamìrzelì nanù ema, “Hwatò hwa arzɛ hwa hwèlì hwa ò arza!”

Makòrzì 1:45

Ndi ònò mòtò à mà ɛ̀ndɛ ò èki yà arzɛ ò lì òhwèyà hwatò mamɛ ema Yerzù à mà mò gbèeyà. O èŋgànɛ̀lɛ̀ è ŋgànèlì yà ama Yerzù è mà ɛ̀ndɛ ò èki yà arzɛ, ema Yerzù à rzi tanɛ̀ hvɛ lì kpèeyà e mbòwà ò mòte. Ndi Yerzù à mà hwɛ ndi lì lìya ò hwèki ema hwe rzi hwɛ̀ɛ hwatò rzayì-rzayì. Ndi tɔ̀ nanù hwatò hwa mà uhweyà hwèki hwe arzɛ ò lì jà lì mò ùŋma.

Makòrzì 2:1

O mburzà yà ŋgùrzù jà mèènyà, Yerzù à mà tìmba hvɛ ò mbòwà yà Kàpɛ̀nàwɔ̀mì, hwatò hwa mà hwèya nanù ema à mà jà ò mbòwà.

Makòrzì 2:13

Yerzù à mà tìmba hvɛ ò rzàawà yà yùlu yà Galìlì. Ŋgindi ndɛnɛ̀ è mà mò jèeyà rzìi à wòteyà lì hwa òkòlɛ̀.

Makòrzì 6:34

È hvònda Yerzù à mà ùke aŋga à mà ùŋma ŋgìndì ndɛ̀nɛ̀ yà hwatò. À mà hwa òkeya ììlì rzayì-rzayì, èhwanja hwa mà hwɛ ndi nàa mɛ̀ɛ̀lɛ̀ŋgù ema mè rza òhvɛɛ mɔ̀ɔ̀ŋgèlì. Ò èŋgànɛ̀lɛ̀ à mà wòteya lì hwa òkòlɛ̀ hweyà rzayì-rzayì.

Lukàrzɛ̀ 12:1

O mburzà hvònda ŋgìndì yà hwatò è mà arzàŋgànɛ natɛ̀ɛ, ò rzi hwɛ tɔ̀ ehvòlò. Aŋgà ndi Yerzù à wòteyà lì hwa òhwànà lì wòtàneyà hwà-òkòwèlì hwe eni nanù ema, “È aŋgòhweyà mehvìlì me Ihvalìrzàyì ema me hwèlì ndi nàa èhwindi ema e hvùhvà.

Lukàrzɛ̀ 5:17

Wùnyà wɔ̀kɔ, Yerzù à mà hwɛ lì òkòlɛ̀ hwatò. Lòŋgò la ì Hvàlìrzàyì, nà hwà-òkòlèlì hwà mbenda wɔ̀ hvɛ hwa mà ùkeya. Wɔ̀ hwa arzɛ hwà mà uhwɛlɛlɛ ndi ò màmbòwà ma àrzɛ ma hwèrzòòkà hwe Galìlì nà Jùdeyà. Nà ò tenì yà è mbòwà yà Jèrurzalɛ̀mù. È ŋginyà ya àma Lohwɛ̀ è mà mò rzìhweyà ò lì wɔ̀wìrzɛ̀ hwà-òkèlì.

Lukàrzɛ̀ 8:1

O mburzà yà hvònda, Yerzù à mà ɛ̀ndɛ hwèyɔ̀ndɔ̀ lì akeyà màmbòwà mà rzàlì nà màndɛnɛ̀. Nà òma à ma hwɛ lì ɛ̀ndɛ nanù, à mà hwɛ ndi lì òhwà Ŋmɛ̀ndì mò Gbamù, mò Lìkànèyà là ama Lohwɛ̀. Lìyòmɛ̀ là eni la hwà-òkòwèlì nà hwàhwàkɛ̀ lì mà hwɛ nà mɔ̀.

Lukàrzɛ̀ 8:11

“Inyɛ̀ nà è tɛlɛlɛ mònò ŋmàna. Èŋge hvɔ̀ŋgɔ̀ è hwèlì ndi Eyà yà ama Lohwɛ̀.

Hwègbèèlì 11:19

O èŋgànɛ̀lɛ̀ rzɔ ò naŋgɛ, hwaŋga hwàlòkèlì ema hwà mà bùweyà ò lìŋgi lìrzakò la e kanjɛ̀-kanjɛ̀ lìrzakò ema Rztèhvànì à mà òŋwahwe, hwà mà ɛ̀ndɛ yɔ̀ndɔ̀ ya hvòò natɛ̀ɛ na ò hwèkòmè hwe, Hvɔ̀yènìrzìyà, Rzàyìprɔ̀rzì, na ò mbòwà ya Antìyɔ̀kì. Wɔ̀ hwà mà hwɛ lì ɛndɛ nanù, hwà mà òhweyà ndi hwatò hwa Yudà mɛnɛ ŋmɛ̀ndì mò gbamù.

Hwègbèèlì 14:25

È hvònda ema hwà mà kulɛ ò lì òhwa e eyà ya Lohwà ò mbòwa ndɛnɛ ya Pɛ̀ga, rzìi hwa ɔ̀ndɔ̀ ò mbòwa ndɛnɛ ya Atalìya.

Hwègbèèlì 16:6

Pàwolò na mòndeŋge mò eni hwà mà akeyà hwèrzòòkà hwe Hvrigèyà na Gàlèrzìyà, èhwanja Èlìŋgɛ̀ yà Wòtani ema hwa keka nanù ema hwa rzi keka lì òhwa eyà ya Lohwà ò erzòòkà ya arzɛ ya Èrzìyà.

Hwègbèèlì 8:25

È hvònda ema Petrò na Yòwanìrzɛ̀ hwà mà kulɛ ò lì òhwa hweyà hwe arzɛ lì hvòmɛ̀nɛ̀ Yerzù na lì kulɛ lì òhwa ŋmɛ̀ndì mò ama Rzàŋgò, rzìi hwa timba ò mbòwa ya Jèrurzalɛ̀mù. O hwetimbelì hwe awu, hwà mà hwɛ lì òhwa Ŋmɛ̀ndì mò Gbamù mò ama Yerzù ò mambòwà mà rzayi-rzayi ja hwèrzòokà hwe Rzàmàrìyà.

Ròmànì 10:8

Mamɛ ema e kààtì ya Lohwà e òhwi, e hwèlì ndi nanù ema, “Ŋmɛ̀ndì mò ama Lohwɛ̀ mò ò kòmbɛnɛyi. O wa ò hwèlì ò mò òhwa ndèŋgànà mò hwèlì ndi ò ŋmèma mò aŋgɔ̀.” Mòŋgò ŋmɛ̀ndì mòŋgò ema irzɔ jò òhwa nanù ema e hwɛni lì hwɛnɛ lì lòkɛ̀.

2 Tìmotì 4:2

O lì ohwa ŋmɛ̀ndì mò gbamù mò ama Lohwɛ̀, tɔ̀ hwatò hwa lìŋgàna o lì mo hweyà tɔ̀ hwa rzi lìŋgàne. O hwa gbeye o lì hwiya nanù ema tɔ̀ mamɛ ema o hwa òhwèyà e hwèlì ndi è jɔ̀kɛ̀, o hwa gbeye hwa hwɛmɛ lì gbeyà wòhwe o hwa kɔ̀mɛ̀lɛ̀, ndèŋgàna o òkolɛ hwatò hwene hweyà hwe arzɛ na lì àjùlɛ̀.