Makòrzì 2:1 - Mokpwe: Bakwery (New Testament)

¹ O mburzà yà ŋgùrzù jà mèènyà, Yerzù à mà tìmba hvɛ ò mbòwà yà Kàpɛ̀nàwɔ̀mì, hwatò hwa mà hwèya nanù ema à mà jà ò mbòwà.

Makòrzì 2:1 Iomraidhean Croise

Matiyò 4:13

Yerzù à mà hwɛmɛ è mbòwà yà Nàrzarɛ̀tì, rzi à ɛ̀ndɛ lì lìya ò mbòwà yà Kàpɛ̀nàwɔ̀mì. Ene mbòwà è mà hwɛ ndi ò tòŋgòŋgò yà yùlu yà Galìlì ò erzòòkà ya Rzɛ̀bulɔ̀nì nà Nàhvìtàlì.

Matiyò 9:1

O mburza eŋge hvònda Yerzù rzìi a kpèeyà ò tenì ya wɔ̀lɔ̀ hvɛ, rzìi a aka ò enɛyi èhvàrzù ya yulu lì ɛ̀ndɛ ò mbòwà ya eni ema à mà hwɛ lì lìya.

Makòrzì 1:45

Ndi ònò mòtò à mà ɛ̀ndɛ ò èki yà arzɛ ò lì òhwèyà hwatò mamɛ ema Yerzù à mà mò gbèeyà. O èŋgànɛ̀lɛ̀ è ŋgànèlì yà ama Yerzù è mà ɛ̀ndɛ ò èki yà arzɛ, ema Yerzù à rzi tanɛ̀ hvɛ lì kpèeyà e mbòwà ò mòte. Ndi Yerzù à mà hwɛ ndi lì lìya ò hwèki ema hwe rzi hwɛ̀ɛ hwatò rzayì-rzayì. Ndi tɔ̀ nanù hwatò hwa mà uhweyà hwèki hwe arzɛ ò lì jà lì mò ùŋma.

Makòrzì 2:2

Rzayì-rzayì ja hwatò hwa mà arzàŋganɛ ò èŋge ndawò ema Yerzù à mà hwɛ, natɛ̀ɛ ò rzi hwɛ hvɛ tɔ èhvòlò ò tenì nà ò èwòkà. À mà hwɛ lì hwa òhweyà Èya ya Lohwà.

Makòrzì 3:20

Yerzù rziì a kpèeyà ndawò hvɔ̀kɔ. Ŋgindi ndɛnɛ̀ è mà arzàŋganɛ aŋga. Ène ŋgàna è mà gbeyà ema mɔ̀ nà Hwà-òkòwèlì hwa eni hwa rzi hwɛnɛ hvònda ò lì làa.

Makòrzì 7:17

Yerzù à mà hwɛ̀mɛ èŋge ŋgìndì rzìi a ɛ̀ndɛ ò ndawò, rzìi Hwà-òkòwèlì hwa eni hwa ja lì mò ùŋma ema a hwa tɛlɛlɛ mònò ŋmàna.

Makòrzì 7:24

Yerzù à mà anjiya ò èŋge erzòòkà rzìi a ɛ̀ndɛ ò erzòòkà ema e ma kòmbɛ̀nɛ̀ e mbòwà ya Tàyi na Rzidònì. À ma kpèeyà ndawò hvɔ̀kɔ ema à rzì arze nanù ema tɔ̀ mòtò tɔ̀ mɔ̀kɔ a hwìye nanù ema mɔ̀ à hwèlì aŋga. Ndi tɔ̀ nanù, hwatò hwà mà hwiya ema a hwèlì aŋga.

Makòrzì 9:28

Yerzù a mà kpèeyà ò ndawò. Hwà-òkòwèlì hwa eni rzìi hwa mò ijòwa ò jututa nanù ema, “Mamɛ ndèŋgàtɛ̀ ì rza tàneyà lì hvayà èŋgè èlìŋgɛ̀ ya wòhwe e?”

Lukàrzɛ̀ 4:23

Yerzù à mà hwa òhweyà nanù ema, “O Jɔ̀kɛ̀ è ò nò kpɛ̀ɛya mònò ŋmàna, ‘Ŋgàŋgà ò à wɔ̀wìrzɛ̀ ò wà hwìti.’ Ndèŋgàna e ò no òhweyà hvɛ ema, hweyà ema e hweyi ema nà mà gbeyà ò mbòwà yà Kàpɛ̀nàwɔ̀mì ema nà mà hwɛ, na hwe gbeye anù mbòwà ya ami.”

Lukàrzɛ̀ 5:18

Hwa mà jànà mòtò hwà njɛmbu ema hwa mà hwànɛ ò lìkɔ̀kɔ̀. Hwa mà kèka lì àyinɛ̀lɛ̀ ò lì kpèeyà ò ndawò, ò lì mò nàŋgɛlɛ ò wòrzò wò ma Yerzù.

Yòwanìrzɛ̀ 4:47

Nà òma ònò mòtò à mà hwèye ema Yerzù à mà anjiya ò erzòòkà yà Jùdeyà, ema à mà uka ò erzòòkà yà Galìlì, à mà mò ɛndèya, à mò rzòrzòmeyà ema à ɛndɛ nà mɔ̀ à wɔ̀wìrzɛ̀ è ŋmanà wà eni, ema à mà kòmbɛ̀nɛ̀ è kpelì.

Hwègbèèlì 2:6

Nà òma wɔ̀ hwà mà hweye mònò mɔtɔwu, ŋgindi ndɛnɛ ya hwatò e ma arzaŋganɛ ò eŋge èki ema hwalòkelì hwà mà hwɛ. Tɔ̀ ima mɔ̀ wa awu à mà jeja èhwanja na òma hwàlòkèlì hwà mà hwɛ lì òhwa, wɔ̀ hwa arzɛ hwà mà emba imbɔrzi ja awu ja mbòwa.