Makòrzì 16:1 - Mokpwe: Bakwery (New Testament)

¹ Ò mburzà yà Wùnyà wò lì Arzìyòlɛ̀, Màlìyɛ̀ Màdàlènì, Màlìyɛ̀ è nyàŋgò yà ama Jèmìrzì nà Rzàlòmɛ̀ hwa mà ànda màwɔ̀ki mà hvɛ̀ɛ̀hvɛ̀ ò lì nyààlɛ̀ ŋmììmbà mò ama Yerzù.

Makòrzì 16:1 Iomraidhean Croise

Makòrzì 14:3

Nà òmà Yerzù à mà hwɛ ò Bɛ̀tanì ò ndawò yà ama Rzìmɔ̀nì, ema à mà òka è nyàmbɛ yà mɔ̀lɔ̀ŋgɔ. Nà òmà Yerzù à mà hwɛ lì làa mòlanà mɔ̀kɔ rzìi à jànà kòhwà yà lìyɔ̀kì là hvɛ̀ɛ̀hvɛ̀, lìyɔ̀kì ema lì òhvi wòlì rzayì-rzayì. Liŋgi lìyɔ̀kì lì mà gbeyàhwɛnɛ ndì nà nàadì. À mà gba mòòhvò mò èŋge kòhwà rzìi à kòmeyà Yerzù lìŋgi lìyɔ̀kì ò mòhvò mò eni.

Makòrzì 14:8

À gbèyi è yɔ yà eni ema à tànɛ̀yi. À nò kòmi lìni lìyɔ̀ki là hvɛ̀ɛ̀hvɛ̀ ò nyò yà ami ò lì wòŋgìrzɛ̀nɛ̀ lì imàhwɛlɛ là ami ndèŋgàna è hvònda.

Makòrzì 15:40

Ò mà hwɛ hwalanà ema hwa mà tɛ̀mɛ̀ hvòka rzi hwa ɔ̀ŋgɔ mamɛ yà arzɛ ema è mà gbèyɛ̀nɛ̀. Hwanù hwalanà hwa mà hwɛ ndi Màlìyɛ̀ mà Màdàlènì, Rzàlòmɛ̀, Màlìyɛ̀ è nyàŋgò yà ama Jèmìrzì enɔ̀ŋgɔ̀ni yà ama Jòrzɛ̀hvù.

Makòrzì 15:42

Wònò wùnyà wò mà hwɛ ndi wùnyà wò mòòŋgòlèlì (ène ŋgàna è hwèlì ndi ema wùùnya ndèŋgàna Wùnyà wò lì Arzìyòlɛ̀). Ò èŋgànɛ̀lɛ̀ rzɔ nà òmà ehwànà mòkò è mà rzihwe,

Makòrzì 15:47

Màlìyɛ̀ mà Màdàlènì nà Màlìyɛ̀ è nyàŋgò ya ama Jorzɛ̀rzì hwà mà injàneyà rzi hwa ɛnɛ èki ema hwà mà imeya Yerzù.

Makòrzì 16:2

O ekpààrzɛ̀ ya wùnyà wò wòrzò, wò wiki, ò e hvònda yà mòòmbe mò igbeyì, wɔ̀ hwa mà ɛ̀ndɛ ò rzɔ̀ŋgɔ̀.

Makòrzì 16:8

Hwàŋga hwalanà hwa mà lɛmbeya mòkambiya rzìi hwa òhva hvɛ hwètamirzelì ò hweyà hwe mànyakà ema hwà mà ɛnɛ. Hwà mà wurza ò tenì ya èŋge rzɔ̀ŋgɔ̀ rzìi hwa òba ò lì hwaŋgi. Mònyòlìnyòlì mò ma hwa lɛmbɛ, hwa rzi òhweyà tɔ̀ mòtò tɔ̀ èya.

Lukàrzɛ̀ 23:54

Wònò wùnyà wò mà hwɛ ndi wùnyà wò lì wòŋgirzɛnɛ ndeŋgàna Wùnya wò lì Arzìyòlɛ wò è wòteyà.

Lukàrzɛ̀ 23:56

Hwàŋga hwalanà hwa mà tìmba ò màndawò mà awu, ò lì wòŋgirzɛnɛ lìyɔki nà hwèlòŋgìrzànì hwe lì rzeeya èèmbè yà ama Yerzù. Wòŋgò wùnyà wò mà hwɛ ndi wùnyà wò màkanɛ̀, ò Wùnya wò lì Arzìyòlɛ̀ hwa mà à arzìyòlɛ nàa è mbenda yà ama wònyà Yudà è òhwì.

Lukàrzɛ̀ 24:1

O ekpaàrzɛ ya wùnyà, wò Màrzò lìzàmba, hwalanà hwa mà akɛlɛ ò rzɔ̀ŋgɔ̀ nà hweŋge hwèlòŋgirzanì hwe awu.

Yòwanìrzɛ̀ 19:25

Yerzù nyàŋgɛ, nà nyàŋgɛ ŋmanyàŋgò wà eni, Màlìyɛ̀ jòjìyɛ̀ jà ama Klòpàrzì nà Màlìyɛ̀ Màdàlènì hwa mà tɛ̀mɛ̀ lì kòmbɛ̀nɛ̀ è mbarza yà ama Yerzù.

Yòwanìrzɛ̀ 19:31

Wòŋgò wùnyà wò ma hwɛ ndi wùùnya wò mòòŋgòlelì mò Wùnyà wò lì Arziyòlɛ. Wònya Yudà hwa rzi arze nanù ema mòŋgò mìimba mò hwɛ ò mbarza ò Wùnyà wò lì Arziyòlɛ, rze hvɔni na òma wòŋgò wùnyà wò ma hwɛnɛ èluhwe ya tòwòtòwò. Àŋga ndi hwa uŋma Pìlatò nanù ema a hwa ŋgbe wònja ò lì hwɛndɛ meende me hwaŋga hwatò ema hwà mà wòmahwɛlɛ ò mbarza na lì hwa ulɛ ò mbarza.