Makòrzì 11:12 - Mokpwe: Bakwery (New Testament)

¹² Nà òmà hwà mà uhwɛlɛlɛ ò Bɛ̀tanì wònɛyi wùnyà, Yerzù a mà lɛmbeya e njàwò.

Makòrzì 11:12 Iomraidhean Croise

Matiyò 4:2

Yerzù à mà lìya mòkìyà njàwò ò tenì yà mènìmènì mè mèenyà. Ò mburzà eŋge hvònda à mà hwèyà njàwò.

Makòrzì 11:13

À mà ɛnɛ gbèe wò hwèhvùma wò nyɔ̀hvinyà ò hvòka ema wò òhvi na hwèyalì. À mà ɛ̀ndɛ lì ɔŋgɔ̀ ŋgà wò nyàyi hwèhvumà. È hvònda à mà ùkè aŋga, à rzì ùŋmànɛlɛ̀ tɔ̀ yòmà, lì aka tɛ hwèyalì mɛnɛ, ndì è hvònda ya eni ya lì ŋya hwèhvumà è rzì ùkè.

Makòrzì 11:20

È hvònda yà elele ema hwà mà hwɛ lì tìmba, rzìi hwa ɛnɛ wòŋgò gbèe wò èhvùma ya nyɔ̀hvinyà wò mà ŋwa natɛ̀ɛ nà ò meyàŋga.

Lukàrzɛ̀ 4:2

Aŋga ndi Mòkarzɛ̀ a mà mò kèkirzɛ mènì menì me mèenyà. O mèŋge mèenyà me àrzɛ, à rzì le tɔ̀ yòmà ò èŋgànɛ̀lɛ̀ è njàwò è mà mò lɛ̀mbɛ.

Yòwanìrzɛ̀ 19:28

O mburza nanù Yerzù à mà hwiya ema hweyà hwe arzɛ hwe ma kùwa. O lì òndìrzɛ̀ mamɛ e ma tìlahwa ò Kaàti ya Lohwà rzìi mɔ̀ à òhwa nanù ema, “Nà hwèya e nyìrzɛ̀.”

Hibrù 2:17

O eŋgànɛ̀lɛ̀ rzɔ̀, e ma àŋgàmɛ̀nɛ̀ lì hwɛ nanù ema Yerzù a hwɛ nàa wònyànyàŋgò hwa eni o hweyà hwe arzɛ, aŋga nanù mɔ̀ à hwɛ e Pìlìrzì e kàrzàmi, ema e ohvi ŋmèma mo ììlì ndèŋgànɛ̀lɛ̀ a hwèlì ndi mòtò ema hwa tanɛyi lì ika mèèmà me awu. Nà oma mɔ̀ à gbèeyà Lohwɛ̀, à mà gbeyà Lohwɛ̀ à mà làkìrzɛ̀ hwatò wòhwe wo awu.