Makòrzì 10:1 - Mokpwe: Bakwery (New Testament)

¹ Yerzù à mà anjiya èŋgè èkì rzìi à akeyà ò erzòòkà yà Jùdeyà rzìi à akeyà ò mòrzò mò Jɔdànì. Ŋgìndì yà hwatò è mà hwɛ lì mò jèeyà nàa ɛ̀ɛ̀mɛ̀ yà eni è mà hwɛ, à mà hwa òkòlɛ̀.

Makòrzì 10:1 Iomraidhean Croise

Matiyò 26:55

Yerzù rzìi a ijòwa eŋge ŋgindi nanù ema, “Nà hwèlì ndi ŋmìhwɛ̀ ema e jelì lì nò ŋgbaŋgɛ na hweeye na irzɔ̀lɔ̀ e? Mamɛ ndeŋgatɛ e rzi nò ŋgbaŋgɛ e hvònda ema nà mà hwɛ lì òkòlɛ̀ wùnyà tɛ ò e Ndawò yà Lohwà e?

Matiyò 4:23

Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.

Makòrzì 1:21

Yerzù nà hwà-òkòwèlì hwa eni hwa ànìyɛ hwa mà ɛndɛ ò mbòwà yà Kàpɛ̀nàwɔ̀mì. À mà kpèeyà ò ndawò yà màkanɛ̀ yà wònyà Yudà ò Wùnya wò lì Arzìyòlɛ, rzìi à wòteyà lì òkòlɛ̀.

Makòrzì 10:2

Lòŋgò là Ihvalìrzàyì hwa mà jà ò lì mò kèkirzɛ̀. Hwa mò ijòwa nanù ema, “Ò jò òhweyà, è mbenda è arzu è ŋgbelì mòjòmɛ̀ wònjà nanù ema à hvayè jòjìyɛ̀ wà eni e?”

Makòrzì 12:35

Yerzù à mà hwɛ lì òkòlɛ̀ ò Ndawò yà Lohwà. Rzìi à ijòwa nanù ema, “Mamɛ ndèŋgàtɛ̀ hwà-òkòlèlì hwa mbenda hwa òhwa hwà ama, e Mɔ̀ ema à Ɔ̀kirzɛ̀hwɛ̀yi a uwɛ̀lɛ̀lɛ̀yi ndi ò lìwende la ama Dàhwitì e?

Makòrzì 14:49

Nà mà hwɛ nà inyɔ̀ wùnyà tɛ ò Ndawò yà Lohwà na òkòlɛ̀ hwatò ndi e rzìi nò ŋgbaŋgɛ̀, ndi Eyà ya Lohwà e hwɛnì lì òndìrzɛhwɛ̀.”

Makòrzì 2:13

Yerzù à mà tìmba hvɛ ò rzàawà yà yùlu yà Galìlì. Ŋgindi ndɛnɛ̀ è mà mò jèeyà rzìi à wòteyà lì hwa òkòlɛ̀.

Makòrzì 4:2

À mà hwa òkòlɛ̀ hweyà rzayì-rzayì nà meyànà. À mà hwa kpɛ̀ɛ̀yà ŋmàna nanù ema,

Makòrzì 6:2

È hvònda ema Wùùnyà wò lì Arzìyòlɛ̀ wò mà ùke, rzìi à wòteya lì òkòlɛ ò ndawò ya màkanɛ̀ ya wònyà Yudà. Hwatò rzayì-rzayì ema hwa mà hwèya hwè-òkòlèlì hwe eni hwa mà ònda nà hwetamirzelì. Rzìi hwa ijòwa nanù ema, “One ònò mòtò a hvɔɔti hwenè hweyà e? Ima nyayi ya lìhwiyè lìnì ema lì mò ŋgbàahwi e? A gbeyàna hvɛ hweyà hwe mànyakà.

Makòrzì 6:34

È hvònda Yerzù à mà ùke aŋga à mà ùŋma ŋgìndì ndɛ̀nɛ̀ yà hwatò. À mà hwa òkeya ììlì rzayì-rzayì, èhwanja hwa mà hwɛ ndi nàa mɛ̀ɛ̀lɛ̀ŋgù ema mè rza òhvɛɛ mɔ̀ɔ̀ŋgèlì. Ò èŋgànɛ̀lɛ̀ à mà wòteya lì hwa òkòlɛ̀ hweyà rzayì-rzayì.

Makòrzì 6:6

Yerzù a mà ònda nà hwètàmirzelì èhwanja hwanù hwatò hwa rzi hwɛnɛ lì lòkɛ̀. Yerzù rzìi a ɛ̀ndɛ ò màmbòwà ma rzàlì ema ma mà hwɛ lì kòmbɛ̀nɛ̀ aŋga ò lì òkòlɛ̀ hwatò.

Yòwanìrzɛ̀ 10:40

O mburza nanù, Yerzù à mà timba ò enɛyi èhvàrzù ya mòrzò mò Jɔdànì ò èki ema Yòwanìrzɛ̀ è Mòlùhwìrzèlì à mà hwɛ lì lùhwìrzɛ̀ hwatò. A ma lìiya aŋga.

Yòwanìrzɛ̀ 11:7

O mburzà hvònda rzɔ rzi Yerzù a òhweyà hwà-òkòwèlì hwa eni ema, “I ɛ̀ndɛ ò Jùdeyà.”

Yòwanìrzɛ̀ 18:20

Yerzù à mà mò alàhwɛ̀ nanù ema, “Imba nà mà màa lì òhweyà hwatò hwa arzɛ hwene hweyà hwe arzɛ ò mòte. Nà mà hwɛ ndi lì òkòlɛ̀ ò ndawò jà màkanɛ̀, nà ò Ndawò yà Lohwà. Hwèki ema hwatò hwa Yudà hwa arzɛ hwà mà hwɛ lì arzàŋganɛ. Nà rzi òhwe tɔ̀ eyà ò jùtùtà.