Makòrzì 1:5 - Mokpwe: Bakwery (New Testament)

⁵ Hwatò hwa mà uhwɛlɛlɛ ò erzòòkà yà arzɛ yà Jùdeyà, nà ò mbòwà ndɛ̀ɛ̀ndɛ̀ yà Jèrurzalɛ̀mù, hwa mà wurza lì mò òkànèyà. Nà òma hwaŋga hwatò hwa mà purzɛ̀lɛ̀ wòhwe wò awu, rzìi Yòwanìrzɛ̀ à hwa lùhwìrzɛ̀ ò mòrzò mò Jɔdànì.

Makòrzì 1:5 Iomraidhean Croise

Matiyò 4:25

Eŋge eyà è mà gbèya è ŋgindi è mà òŋgama Yerzù. Hwatò hwa mà uhwɛ̀lɛ̀lɛ ò hwehvɛhvɛ hwèkòmè, ò Galìlì, erzòòkà yà lìyòmɛ̀ là Màmbòwà ema è hwɛ̀lɛ̀hwɛ̀ Dèkàpòlìrzì, Jèrurzalɛ̀mù, Jùdèyà nà èhvàrzù ema è hwèlì ò enɛyi èhvàrzù yà mòrzò mò Jɔdànì.

Makòrzì 1:4

Yòwanìrzɛ̀ à mà jà ò mòrzanjɛ̀ lì lùhwìrzɛ̀ hwatò, nà lì hwa òhweyà Eyà yà Lohwà nanù ema, “È rzɔ̀njɛlɛ hwègbèèlì hwe anyu hwe wòhwe, è lùhwìrzɛ̀hwɛ̀. Aŋga nanù Lohwɛ̀ à è làkìrzɛ̀ wòhwe wò anyu.”

Makòrzì 1:6

Liwɔ̀ti là ama Yòwanìrzɛ̀ lì mà gbèyahwana ndi nà majùmbu mà nyàmà ema è hwɛ̀lɛ̀hwɛ̀ Kamɛ̀lì. È ŋgòlì yà eni hvɛ ema gbèyahwana ndi nà meyòwò mè nyàmà yà waŋga. Mòleli mò eni mò mà hwɛ ndi mègbambembe nà wòò.

Yòwanìrzɛ̀ 1:28

Hwenè hweyà hwe arzɛ hwe mà gbèyɛ̀nɛ̀ ndi ò è mbòwà yà Bɛ̀tanì ò enɛ̀yi èhvàrzù yà mòrzò mò Jɔdànì ema Yòwanìrzɛ̀ à mà hwɛ lì lùhwìrzɛ̀ hwatò.

Yòwanìrzɛ̀ 3:23

Yòwanìrzɛ̀ mɔhvɛ à mà hwɛ lì lùhwìrzɛ̀ hwatò ò mbòwa ya Ayɛ̀nɔ̀nì ema e ma kòmbɛ̀nɛ̀ e mbòwa ya Rzàlìmì, èhwanja malìhwà ma mà kòka aŋga. Hwatò hwà mà hwɛ lì mò ɛndeya ò lì lùhwìrzɛ̀hwɛ̀.

Yòwanìrzɛ̀ 5:35

Yòwanìrzɛ̀ à mà hwɛ ndi nàa etùlù ema e ma hvàalɛ̀hwɛ̀ ò lì ŋgba èki ŋmàye. Inyɔ e ma lìŋgàna ò lì nɔŋgɔ mòŋgò ŋmàye ò ŋmana hvòka wa hvònda.

Hwègbèèlì 19:18

Rzayi-rzayi ja hwaŋga ema hwà mà lòkɛ̀yì hwà mà jà, rzìi hwa purzɛlɛ ò mòte wòhwe wò arzɛ ema hwà mà gbeyɛ.

Hwègbèèlì 2:38

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Jèmìrzì 5:16

O eŋgànɛ̀lɛ rzɔ, e àpùrzɛ̀lɛ̀nɛ̀ wòhwe hwa anyu mɔ̀kɔ na ɔ̀nɛyi ndèŋgànɛ̀lɛ̀ inyɛ tɔ̀ ima mòtò a kànɛlɛlɛ ŋmanyàŋgò wa eni, aŋga nanù inyɔ hwa arzɛ e wɔ̀wìrzɛ̀hwɛ. Màkanɛ̀ ma e mòtò ema a gbeyà hweyà hwe jɔ̀kɛ̀ o worzo wo ama Lohwɛ̀ hwe imbami rzàyi-rzàyi, ndèŋgànɛlɛ ma ɛndeya.