Makòrzì 1:4 - Mokpwe: Bakwery (New Testament)

⁴ Yòwanìrzɛ̀ à mà jà ò mòrzanjɛ̀ lì lùhwìrzɛ̀ hwatò, nà lì hwa òhweyà Eyà yà Lohwà nanù ema, “È rzɔ̀njɛlɛ hwègbèèlì hwe anyu hwe wòhwe, è lùhwìrzɛ̀hwɛ̀. Aŋga nanù Lohwɛ̀ à è làkìrzɛ̀ wòhwe wò anyu.”

Makòrzì 1:4 Iomraidhean Croise

Matiyò 3:11

Imba nà è lùhwìrzɛ̀ nà malìhwa ò lì uŋmɛ̀lɛ̀ nanù ema è mà ayèŋgòwɛ̀ ò wòhwe wò anyu. Ndi òhvɛhvɛ mòtò à hwèlì à jà ema à nò akàyi. Ema imba nà rza ukɛ hvɛ tɔ̀ mòtò ema à tanɛ lì hwànɛ hwètàmbì hwe eni. Mɔ̀ à è lùhwìrzɛ̀ ndi nà Èlìŋgɛ̀ yà Wòtani nà mùùnya.

Matiyò 3:6

Nà òma hwaŋga hwatò hwa mà purzɛ̀lɛ̀ wòhwe wò awu, rzìi Yòwanìrzɛ̀ à hwa lùhwìrzɛ̀ ò mòrzò mò Jɔdànì.

Makòrzì 1:5

Hwatò hwa mà uhwɛlɛlɛ ò erzòòkà yà arzɛ yà Jùdeyà, nà ò mbòwà ndɛ̀ɛ̀ndɛ̀ yà Jèrurzalɛ̀mù, hwa mà wurza lì mò òkànèyà. Nà òma hwaŋga hwatò hwa mà purzɛ̀lɛ̀ wòhwe wò awu, rzìi Yòwanìrzɛ̀ à hwa lùhwìrzɛ̀ ò mòrzò mò Jɔdànì.

Lukàrzɛ̀ 1:77

O ò gbeyà hwatò hwa aŋgɔ̀ ò lì hwiyà ema, Lohwɛ̀ ama hwa òŋgìrzɛ̀ èhwanja à mà làkìrzɛ̀ wòhwe wò awu.

Yòwanìrzɛ̀ 3:23

Yòwanìrzɛ̀ mɔhvɛ à mà hwɛ lì lùhwìrzɛ̀ hwatò ò mbòwa ya Ayɛ̀nɔ̀nì ema e ma kòmbɛ̀nɛ̀ e mbòwa ya Rzàlìmì, èhwanja malìhwà ma mà kòka aŋga. Hwatò hwà mà hwɛ lì mò ɛndeya ò lì lùhwìrzɛ̀hwɛ̀.

Hwègbèèlì 10:37

Ndeŋgànɛ̀lɛ̀ e hwi eyà ema e ma gbèyɛ̀nɛ ò hwèrzòòkà hwe arzɛ hwe Jùdeyà, lì wòteyà ò Gàlìlì. Ène eyà e ma hwɛ ndi ò mburza hvònda ema Yòwanìrzɛ̀ à mà òhweyà hwatò lì hvòmɛ̀nɛ̀ lì lùhwìrzɛ̀.

Hwègbèèlì 22:16

O naŋgɛ rzɔ, mamɛ ò wa ò hwèlì ò lì ambɛ̀lɛ̀ e? Tɛ̀mɛ̀nɛ̀ ò ŋmanyu ò emeyà nanù ema Yerzù a hwèlì ndi Rzàŋgò ya aŋgɔ̀, ndèŋgànɛlɛ hwa ò lùhwìrzɛ̀. Ène eyà e gbeyà Lohwɛ̀ a ò rzòrza wòhwe wò àŋgɔ.’”